Hezkuntza, Unibertsitate eta Ikerketako sailburuaren 2012ko abuztuaren 27ko Aginduaren bidez (2012-09-11ko EHAA), Euskal Autonomia Erkidegoko unibertsitateaz kanpoko ikastetxe publikoetan irakasleen aldi baterako premiak betetzeko ordezkogaien zerrenda kudeatzeari buruzko araudia onartu zen. II. eranskinean, espezialitate eta irakasgaien zerrenda sartu zen, eta irakaskuntza-maila desberdinetako espezialitateak irakasteko aukera ematen duten titulazioen taulak sartu ziren III. eranskinean.

Aipatutako aginduaren Azken Xedapenetako Bigarrenean, Langileriaren Kudeaketa Zuzendaritzari eskuduntza ematen zaio, premia izanez gero, ebazpen baten bidez eta sindikatuetako ordezkariekin negoziatu ondoren, adierazitako taulan agertzen diren espezialitate batzuk emateko gaitzen duten titulazio berriak ikasturtean zehar, birbarematze-prozesu bakoitza hasi aurretik batez ere, sartzeko edo, txostena egin ondoren akatsak daudela egiaztatuz gero, daudenak aldatzeko.

Espezialitate batzuk emateko gaitzen duten zenbait titulazioren izendapenak zehaztu behar direla, beste espezialitate batzuetan titulazio berriak gehitu behar direla eta zenbait kasutan, akatsak daudela egiaztatu ondoren, daudenak aldatu behar direla ikusi da.

Horrela, sententzia-ondorio bezala edo geroagoko aldaketen ondorio bezala titulu batzuen izendapenak eguneratzen dira, batez ere Musikako goi tituluetan, goi mailako arte-irakaskuntzetakoetan eta ingeniaritzaren batekoetan. Halaber, espezialitate batzuk emateko gaitzen duten titulazioak zehatzago finkatu nahi izan dira, Bolognako Planaren Gradu eta Masterreko tituluen izenetan dagoen aniztasun handiagatik.

Edukiari dagokionez, aldaketa esanguratsuenak Hizkuntzen Irakaskuntzaren Mailan gauzatu dira, non zerrendetara sartzeko titulu berriak gehitu dira. Horrela, Filologian, Hizkuntzalaritzan eta Itzulpen eta Interpretazioan zenbait lizentziatura eta gradu gehi hizkuntzetarako erreferentziako marko bateratu europarraren kasuan kasuko hizkuntzaren C2 maila, sartzen dira 1. kidetasunean. Halaber, 2. kidetasunarekin sartzen dira lizentziatura eta gradu horiek berak gehi hizkuntzetarako erreferentziako marko bateratu europarraren kasuan kasuko hizkuntzaren C1 maila.

Haur eta Lehen Hezkuntzako Mailaren Ingeles eta Frantseseko zerrendetara sartzeko baldintzak ere aldatzen dira; izan ere, alde batetik zerrenda horietara sartzea ahalbidetzen duten titulazioetatik kentzen dira Maisu/maistraren edo Oinarrizko Hezkuntza Orokorreko maisu / maistraren titulua gehi hizkuntzetarako erreferentziako marko bateratu europarraren kasuan kasuko hizkuntzaren B2 edo goragoko maila eta beste aldetik, sartzen dira Maisu/maistraren edo Oinarrizko Hezkuntza Orokorreko maisu / maistraren titulua edo Lehen Hezkuntzako Gradua gehi hizkuntzetarako erreferentziako marko bateratu europarraren kasuan kasuko hizkuntzaren C1 edo goragoko maila, aipaturiko zerrendetarako sarbidea ematen duten tituluen arteko koherentzia eta maila homogeneoagoa emateko asmoz.

Horretarako osatu den Batzordeak egin beharreko aldaketak ebaluatu ondoren eta sindikatuetako ordezkariekin negoziatu ostean, honako hau