1. – Honako hauek dira Saileko Kontseiluko kideak: zuzendaria, idazkaria, saileko irakasle funtzionario eta lan-kontratuko irakasle iraunkor guztiak, irakasle doktore ez iraunkor guztiak, sailera atxikitako doktore guztiak, sailera atxikitako gainerako irakasleen heren bat, hirugarren zikloko ikasleen ordezkari bat, bigarren zikloko ikasleen ordezkari bat, lehenengo zikloko ikasleen ordezkari bat eta administrazio eta zerbitzuetako langileen ordezkari bat.

2. – Irakasleen, ikerlarien eta administrazio eta zerbitzuetako langileen ordezkarien agintaldia lau urtekoa da. Ikasleen ordezkarien agintaldia urtebetekoa izango da.

3. – Sailera atxikitako gainerako irakasleen agintaldia bi urtekoa izango da eta irakasle horien artean eta artetik aukeratuko da.

4. – Lehenengo eta bigarren zikloko ikasleen ordezkarien agintaldia urtebetekoa da, eta saileko irakasleek eskolak ematen dituzten ikastegietako ikasle kontseiluen bitartez aukeratu behar dira, Ikastegietako Ikasle Kontseiluen Oinarrizko Arautegiak xedatutako prozedurari jarraiki.

5. – Hirugarren zikloko ikasleen ordezkaria saileko zuzendaritzak deituta urtero, azaroaren 15etik abenduaren 15era bitartean, egingo den bileran aukeratu behar da. Bilerara honakoak deituko dira: saileko graduondoko berezko tituluetan eta doktorego-programetan eta tesietan matrikulatutako ikasle guztiak eta sailera atxikita eta prestatze-bidean dauden ikerlariak. Horretarako, saileko zuzendaritzak bilera horretara deitu beharreko ikasleen errolda eskatu beharko dio hala dagokion zerbitzuari.

Ordezkari-eginkizunak pertsonalak eta besterenganaezinak dira. Ordezkari izateari utziko zaio:

1. hilez gero edo ezintasuna izanez gero;

2. hauteskundeak baliogabetuz gero;

3. agintaldia amaituz gero;

4. dimisioa aurkeztuz gero;

5. ordezkaria aukeratu zuen sailekoa edo taldekoa izateari utziz gero;

6. organoen elkarren segidako hiru bileratara edo txandakako bost bileratara justifikatu gabe huts eginez gero.

1. – Hauek dira Saileko Kontseiluaren eginkizunak:

   1. Saileko zuzendaria hautatzea arautegiak xedatutakoari jarraiki.

   2. Sailaren urteko txosten ekonomikoa, irakaskuntzako eta ikerketako memoria eta jarduera plana, baliabideen banaketa barne, onartzea.

   3. Urteko irakats-eskaintza programatu eta ebaluatzeko irizpideak onartzea.

2. – Orobat, honako eginkizun hauek ditu Saileko Kontseiluak:

   1. Gobernu Kontseiluari arautegiaren proiektuak eta, dagokionean, arautegiaren erreforma-proiektuak aurkeztea.

1. – Kontseiluko Batzorde Iraunkorreko kide dira: zuzendaria, idazkaria, sail-ataleko koordinatzailea eta bederatzi irakasle. Sail-ataleko koordinatzailea ez da kontuan hartuko zenbaketetarako.

2. – Batzorde Iraunkorreko kide izango dira, era berean, bekadunen eta ikasleen ordezkari bat eta administrazio eta zerbitzuetako langileen ordezkari bat, biak Kontseiluko kideen artetik aukeratuak.

3. – Batzorde Iraunkorreko ordezkariak Hauteskunde Arautegi Orokorrean xedatutakoari jarraiki aukeratuko dira.

4. – Arautegi honetako 11. artikuluan zehaztutako arrazoi berberegatik utziko diote ordezkari izateari Batzorde Iraunkorreko kideek.

1. – Batzorde Iraunkorraren eginkizunak dira:

   1. Saileko langileei irakats-betebeharrak eta balizko aldaketak esleitzea, oinarrizko arautegiko 33. artikuluari eta hurrengoei jarraiki.

   2. Irakasgaien oinarrizko programak ezartzea, kasuan kasuko ikasketa planaren barruan.

   3. Hirugarren zikloko, doktoregoko eta gainerako ikasketetako (unibertsitateko berezko tituluetara bideratutako ikasketak izan edo ez) eskaintzak proposatzea, kasuan kasuko proposamenak eginez eta euren gain dituzten programen ezarpen eta koordinazio akademikoaz arduratuz.

   4. Doktorego-tesiak ebaluatu behar dituzten pertsonak izendatzeko proposamenak onartzea legeak baimentzen dituen baldintzetan, bai eta bestelako epaimahaietako kideen izendapenak onartzea ere.

   5. Irakasleen eta ikerlarien ikerketa-jarduerak eta -ekimenak bultzatzea.

   6. Plaza berriak eskatzea eta saileko langileen lanpostuen zerrendan egin beharreko aldaketak proposatzea.

   7. Irakasleen lanari buruzko txosten arrazoituak egitea, irakaskuntza-merezimenduak eskuratu eta kontratuak berritze aldera.

   8. Sailaren eskumenen esparruan, Gobernu Kontseiluak onartutako arautegiarekin bat, Estatutuetako 141. artikuluan xedatutako kontratuak egiteko baimena ematea, zientziaren, teknikaren edo artearen alorreko lanak egiteko.

   9. Venia docendi eman behar bada, aurrez jakinaraztea.

   10. Beharrezko bitartekoak sortu eta ekimenak egitea, saileko jardunaren kalitatea sustatu eta hobetzeko, baita gestio eraginkorra bermatzeko ere Europako, Estatuko eta Euskal Autonomia Erkidegoko programen baitan. Horretarako, Unibertsitatean ezarritako ebaluazio-prozesuak sustatu eta horietan parte hartu behar dute.

   11. Irakaskuntzaren ezaugarriak kontuan hartuta egoki denean, irakaskuntzaren zati bat beste erakunde batzuetan emateko proposamena egitea Gobernu Kontseiluari, Gobernu Kontseiluak berak baimendutako hitzarmeneko baldintzei jarraituz.

   12. Jarduerak ikastegiekin koordinatzeko programak onartzea.

   13. Sailaren gune fisikoak esleitzeko irizpideak onartzea, egoki izanez gero.

   14. Arautegi honetan jasotako eskumenen esparruan, ordezkariak hautatzeko arauak ematea. Saileko zuzendariak deitu behar du hauteskundeetara, Hauteskunde Araubide Orokorrean xedatutakoari jarraiki.

   16. Indarrean dagoen legediak, UPV/EHUko Estatutuek eta horiek garatuko dituzten arauek zehaztutako gainerako guztiak, baita eskuordetzen zaizkionak ere.

2. – Batzorde Iraunkorrak arautegi honetako 12.1 artikuluko a) eta f) paragrafoetan zehaztutako funtzioen inguruan hartutako erabakiak betearazleak izango dira Saileko Kontseiluak berretsi edo aldarazi arte.

3. – Saileko Kontseiluko kideek Batzorde Iraunkorrak hartutako erabakien berri izan behar dute unean-unean.

1. – Sail-ataletan, sail-ataleko kontseilua izango da bere kideen ordezkari nagusia kasuan kasuko ikastegi edo campusean.

2. – Sail-ataleko kontseiluak idazkaria izendatuko du, bilera guztietarako edo bilera bakoitzerako, eta idazkariaren eginkizuna izango da bileretako aktak egin eta bileran hartutako erabakiak jasotzea.

Sail-ataleko Kontseiluko kide izango dira: sail-ataleko irakasle eta ikerlari guztiak, sail-ataleko administrazio eta zerbitzuetako langileak eta sail-atalak egoitza daukan ikastegiko Ikasleen Kontseiluak aukeratutako ikasle bat.

Hauek dira, besteak beste, sail-ataleko Kontseiluaren eginkizunak:

1. Kontseiluko kideen artetik koordinatzailea aukeratzea. Bera izango da saileko kide anitzeko organoetarako ordezkaria.

2. Saileko Kontseiluari edo, egoki izanez gero, Batzorde Iraunkorrari edo gobernurako, ordezkaritzarako edo administraziorako beste organoei sail-atalerako programazioa, irakaskuntza, antolamendua eta administrazio-zereginak proposatzea.

3. Saileko Kontseiluari sail-atalari zuzenean eragiten dioten gorabeheren berri ematea aldez aurretik.

4. Koordinatzaileak, ondoren, Saileko Kontseiluari emango dio hartutako erabakien berri.

5. Saileko kide anitzeko organoei sail-ataleko kontseiluaren eskumeneko diren arloei buruzko proposamenak egitea.

6. Sail-ataleko urteko memoria onartzea saileko memorian sartzeko.

7. Sail-ataleko aurrekontua gestionatzea.

8. Saileko Kontseiluak eskuordetutako gainontzekoak.

1. – Bilerak ohikoak eta ezohikoak izan daitezke.

2. – Deialdiak ohiko bileretarako egin behar dira, oro har. Saileko Kontseiluak gutxien dela ohiko bi bilera egingo ditu urtean, eta Batzorde Iraunkorrak gutxienez bi bilera seihileko bakoitzean.

3. – Ezohiko bilera egingo da aztertu beharreko gaiak dela-eta hala egin behar denean, baita aplikatu beharreko arautegiak xedatutako kasuetan ere. Ezohiko bileretako aztergaietan ezin dira honako gai hauek agertu: aurreko akten onespena eta galde-eskeak.

4. – Presazko bilerak ezohikoak dira eta deia gutxienez 24 ordu lehenago egin behar da. Halakoetan, bileraren hasieran berretsi egin behar da bilera egiteko arrazoia benetan premiazkoa dela. Berresten ez bada, bilera bertan behera geratuko da besterik gabe.

1. – Kide anitzeko organoetako buruak egin behar du bileretarako deia.

2. – Gainera, kide anitzeko organoetako kideen edo sailetako irakasle doktoreen heren batek eskatzen badu, organoaren bilerarako deia egin behar da. Bilera horiek ezohikoak dira eta eskaera egin eta zazpi egun balioduneko epean egin behar dira gehienez.

3. – Bilerarako deia organoko idazkariak bideratu behar du, aurrerapen nahikoaz eta, edonola ere, bilera baino hiru egun lehenago gutxienez. Bilera non egingo den, zein ordutan eta aztergaiak zehaztu behar ditu deian, bai lehenengo deialdirako, bai bigarrenerako. Bilerarako deian berariaz jaso ezean bigarren deialdiko tokia eta ordua, bigarren deialdia lehenengoaren leku berean izango da lehenengo deialdirako zehaztutako ordua baino 30 minutu beranduago. Aztergaiei buruzko dokumentuak aurrerapen nahikoaz eskuratzeko aukera izan behar dute organoko kideek, eta, edonola ere, bilera baino 24 ordu lehenago.

4. – Deian zehatz jaso behar dira aztergaia osatzen duten puntu guztiak. Puntu horien artean agertu beharko dira organoko kideen % 20ek, gutxienez, deialdia baino 5 egun lehenago eta idatziz idazkari akademikoari eskatutakoak. Aztergaietan agertzen ez diren puntuei buruzko erabakirik ezin izango da hartu; baina organoko kideen bi heren baino gehiago badaude bileran, eta botazioa egin ondoren gehiengo osoak gaia premiazkoa dela uste badu, erabakia hartu ahal izango da.

5. – Guztiak jakitun egon daitezen, deiak argitara eman behar dira organoari dagokion egoitzan eta gainerako gune guztietan, eman ere organoko kideei bilerarako deia egiten zaien egun berean.

1. – Kide anitzeko ordezkari-eginkizunak pertsonalak eta besterenezinak dira.

2. – Organoa behin eratuta, hutsik geratzen diren lekuak kasuan kasuko zerrendetako ordezkoek beteko dituzte. Aipatutako irizpideari jarraitu ondoren bete gabe geratzen den plaza-kopurua talde bateko kideen % 50 baino handiagoa edo organoko kideen % 30 baino handiagoa bada, hauteskunde partzialak egingo dira. Modu horretara hautatutakoek ordezkari-eginkizunak beteko dituzte ordezkatu beharreko kideen agintaldia amaitu arte.

1. – Kide anitzeko organoko kideek organoaren bileretara joateko eskubidea eta betebeharra dute, eta arautegi honek ezartzen dizkien eginkizunak bete behar dituzte. Bileretara joateak unibertsitateko gainerako betebeharrak betetzetik salbuetsiko ditu kontseiluko kideak, baina kasuan kasuko organoek beharrezko neurriak hartuko dituzte betebehar horiek bete egiten direla eta zerbitzua eman egiten dela bermatzeko.

2. – Kide anitzeko organoetako kideek eskubidea dute beren funtzioak betetzeko beharrezko dituzten dokumentuak eta informazioa eskatzeko eta eskuratzeko. Eskaria kide anitzeko organoko buruari egingo diote idatziz, eta hark idatzi hartu eta 10 egun balioduneko epean emango dio erantzuna eskariari. Ezinezkoa izanez gero eskaria onartzea, kide anitzeko organoko buruak erantzun arrazoitua eman beharko du epe berean.

Kide anitzeko organoa balioz eratzeko, beharrezkoa da kideen gehiengo osoa egotea lehen deialdian, edo kideen, gutxienez, heren bat egotea bigarren deialdian. Edozelan ere, burua eta idazkaria, edo haiek eskuordetutakoak, izan beharko dira bertan.

1. – Kide anitzeko organoko buruek bermatu egin behar dute bilera behar bezala betetzen ari dela eta, arrazoirik egonez gero, bertan behera uzteko erabakia har dezakete.

2. – Eztabaidak aztergaiei jarraituz egin behar dira. Dena dela, beharrezkoa izanez gero, kide anitzeko organoak bileraren ordena aldatzea erabaki dezake organoko buruak egindako proposamenari jarraituz.

3. – Beharrezkotzat joz gero, organoko buruak bozketa egin aurretik gaiaren inguruan eztabaidatzeko denbora muga dezake, bai eta egon daitekeen parte-hartze kopurua ere.

4. – Kide anitzeko organoko buruak proposamena egin dezake kide anitzeko organoko kideak bilera lekutik kanporatzeko, baldin eta kide horiek behin eta berriro eragin badute gorabeherarik bileretan. Proposamen hori onartzeko bertaratutako kideen gehiengo osoa behar da.

5. – Kide anitzeko organoko buruaren iritziz egokia bada, kide ez diren pertsonak gonbida ditzake bilerara, gai-zerrendako punturen batekin zerikusia duen iritzia edo informazioa eman dezaten. Aktan bileran gonbidatuak izan direla jaso behar da, eta ez dute botorik emateko eskubiderik izango.

1. – Erabakiak hartu ahal izateko, emandako boto baliodunen artetik gehiengo soila behar izango da, Estatutuek, sailaren arautegiak edo gainerako lege-xedapenek beste gehiengoren bat eskatzen duten kasuetan izan ezik. Horrenbestez, proposamen bakarra izanez gero, onartu egingo da aldeko botoak kontrakoak baino gehiago badira. Bi proposamen daudenean, aldeko boto gehien lortzen duena onartuko da. Proposamenak bi baino gehiago direnean, emandako botoen gehiengoa lortzen duena onartuko da; edo, lehenengo botazioan boto gehien lortu dituzten bi proposamenak hartuta, bigarren botazioan boto gehien lortzen dituena.

2. – Berdinketa izanez gero, berriro egingo da botazioa; orduan ere berdinketa izanez gero, organoko buruaren kalitatezko botoak erabakiko du.

3. – Botazioek isilpekoak izan behar dute kide anitzeko organoko kideren batek hala eskatzen badu. Dena dela, botazioek beti izan behar dute isilpekoak pertsonei buruzkoak badira.

4. – Aurkako botoa ematen dutenek, edo abstenitu egiten direnek, ez dute erantzukizunik izango kide anitzeko organoak hartutako erabakietan, baldin eta aurkako botoa emateko arrazoia jasota geratzen bada. Botazioa isilpekoa denean, interesdunak botoaren arrazoia azaltzen duen testua eman behar dio organoko idazkariari boto-txartelarekin batera. Boto-txartela eta testua aktari erantsi behar zaizkio.

5. – Kide anitzeko organoko kideek beren botoa eta horren azalpena agerraraz dezakete aktan; azalpena idatziz eman behar dute bozkatzean. Unibertsitateko beste organo batzuei egindako proposamenak badira, kideen boto partikularrak beti agerrarazi behar dira haiekin batera.

1. – Idazkariak egingo du bilerako akta. Akta bileran bertan edo hurrengoan onartu behar da, eta aktaren zirriborroa hurrengo bilerako aztergaiei dagozkien dokumentuekin batera banatuko da. Behin onartuta, idazkariak sinatu eta buruak oniritzia emango dio.

2. – Aktan honako hauek jaso behar dira nahitaez: bilerara etorri direnen zerrenda eta azalpena emanez bilera amaitu aurretik alde egin dutenen berariazko aipamena; aztergaiak; bilera non eta zein ordutan egin den; bileran aztertutako puntuak; botazioak nola egin diren eta emaitzak; hartutako erabakien edukia eta, egoki joz gero, arrazoien azalpen laburra.

3. – Aktan boto partikularrak ere jasoko dira, kide anitzeko organoko kasuan kasuko kideek hala eskatzen badute. Kide anitzeko organoko kideek euren parte hartzea edo proposamena aktan hitzez hitz jasotzeko eska dezakete. Horretarako, idatziz aurkeztu behar dute testua eskaera egin eta segituan edo, bestela, organoko buruak esan bezala.

4. – Kide anitzeko organoko kideek aktan aldaketak egiteko proposamenak egin ditzakete akta onartzeko unean. Idazkariak egiaztatu egingo ditu proposatutako aldaketak eta, gehiengoak aldeko botoa ematen badu, onartu egingo dira.

5. – Kide anitzeko organoa aldatu baino lehen, bilera egin beharko da onartzeke dauden akta guztiak onartzeko. Bilera hori egitea ezinezkoa bada, akten zirriborroak bidali beharko zaizkie kide anitzeko organoko kide zirenei, eta hamar eguneko epea eman edukiari buruzko erreklamazioak egin ditzaten. Esandako epearen barruan erreklamaziorik aurkezten ez bada, aktak onartutzat emango dira; erreklamaziorik aurkeztuz gero, berriz, kide anitzeko organo berriak egin beharreko lehen bileran onartu beharko dira.

6. – Aktak behin onartuta, saileko eta sail-ataleko iragarki-oholean argitaratuko dira eta hilabete egongo dira jendaurrean. Kide anitzeko organoko kideek onartuta dauden aktak ikusi ahal izango dituzte aldez aurretik idatzi bidez eskaria eginda buruari, eta arautegi honetako 21.2 artikuluan jasotako baldintza berberetan. Betiere, pertsonen intimitatea babestu beharko da.

1. – Idazkariak kide anitzeko organoak hartutako erabakien fede eman eta ziurtagiriak egingo ditu.

2. – Kide anitzeko organoak hartutako erabakiak hiru egun balioduneko epean argitaratu beharko dira iragarki-oholean, betiere, pertsonen intimitatea babestuta. Organoko idazkariak eta buruak bermatu egin beharko dute bileran hartutako erabakiak argitaratu egiten direla eta gutxien dela hilabete daudela jendaurrean.

1. – Kide anitzeko organoak hartutako erabakiek onartzen direnetik aurrera dute eragina, erabakian bertan kontrakorik adierazi ezean. Erabakien berri eman behar zaie kasuan kasuko organoei.

2. – Pertsonei buruzko erabakiak, irakaslanak esleitzekoak eta lanpostuen zerrendan edo kontratuko langileen zerrendan eragina dutenak zuzenean jakinarazi beharko zaizkie eragindakoei. Erabakiek jakinarazpena egiten den unetik aurrera izango dute eragina. Jakinarazpenak Administrazio Prozeduraren Legean xedatutako moduan egin behar dira.

3. – Arautegi honetako IV. tituluko II. kapituluak aipatzen dituen kide anitzeko organoek hartzen dituzten erabakien kontra gorako errekurtsoa aurkez dakioke errektoreari, erabakia hartu zen bilerako akta argitaratu eta hilabeteko epean.

4. – Pertsonei buruzko erabakien kontra gorako errekurtsoa aurkez dakioke errektoreari, erabakia interesdunari jakinarazi eta hilabeteko epean.

1. – Saileko kide bakarreko organoak dira zuzendaria, idazkaria eta sail-ataleko koordinatzailea.

2. – Saileko zuzendari eta idazkari akademiko karguetan aritzeko, arduraldi osoko kontratua izan behar da, legedian xedatutako salbuespenetan izan ezik. Ezin da, inolaz ere, kargu batean baino gehiagotan aritu.

1. – Zuzendaria Saileko Kontseiluak aukeratuko du saileko irakasle doktoreen artetik (unibertsitateko irakasle kidegoetako doktoreak), eta errektoreak izendatuko du.

2. – Sailean zuzendaririk ez badago, saileko idazkariak edo, bestela, saileko kategoria eta antzinatasunik handieneko kideak, horren berri eman beharko dio idazkari nagusiari, eta batzorde iraunkorra edo, bestela, saileko kontseilua, premiazko bilerara deitu. Bilera horretan behin-behineko zuzendaria aukeratuko da baldintzak betetzen dituztenen artetik, baina, bitartean, kategoria eta antzinatasunik handieneko kideak beteko ditu saileko zuzendari eginkizunak, eta, era berean, bera izango da bilerako buru. Bestalde, artikulu honetan xedatutako eginkizunak betetzen ez badira, edo hiru hilabete baino gehiago igaro eta zuzendaririk aukeratu ez bada dena delakoagatik, errektoreak ofizioz izendatuko du aldi baterako zuzendaria, kasuan kasuko erantzukizunei kalterik egin gabe.

3. – Agintaldia lau urterako izango da eta mugarik gabe berritu ahal izango da.

4. – Zuzendariak Estatutuetako 250. artikuluan jasotako arrazoiengatik utziko du kargua. Artikulu horren arabera Unibertsitateko Klaustroari dagokion zentsura-mozioa Saileko Kontseiluari dagokio kasu honetan.

   Zentsura-mozioa idatzi arrazoitu bidez aurkeztuko da saileko idazkaritzan, gutxien dela Kontseiluko kideen % 20k sinatuta. Idatzian, bestalde, zuzendari izateko hautagai bat zehaztu beharko da. Zentsura-mozioa aurkeztuta eta eskatutako baldintza guztiak betetzen dituela egiaztatuta, zuzendariak, 72 orduko epean, deia bidaliko dio kontseiluari ezohiko bilera egiteko. Zentsura-mozioa aurkeztu eta 15 eguneko epean, gehienez ere, egin beharko da bilera hori. Bilera horretan, lehenengo eta behin, zentsura-mozioa defendatuko du mozioa sinatu duen kideetako batek. Ondoren zuzendari izateko hautagaiak hartuko du parte bere proposamena proposatu eta azaltzeko. Zentsura-mozioa jaso duenak erantzuna emango du eta ondoren, hitza eskatu duten Saileko Kontseiluko kideek hartuko dute parte txandaka, behin aldekoek, behin kontrakoek.

   Zentsura-mozioa onartzeko, Saileko Kontseiluko kideen aldeko botoak kontrakoak baino gehiago izan behar dira. Saileko Kontseiluak mozioa onartzen badu, zuzendariak dimisioa aurkeztuko du berehala. Onartu den mozioan jasotako hautagaia zuzendari hautatu dela ulertuko da.

1. – Errektoreak irakats-betebeharretatik salbuets dezake zuzendaria, arduraldia gehienez ere erdira murriztuta.

2. – Agintaldia amaitzean, zuzendariak irakats-betebeharretatik neurri berean salbuetsita egoteko eskubidea du uneko lauhilekoa bukatu arte, ohiko azterketa aldia barne. Horretarako, gutxienez hiru urte eman behar izan ditu karguan.

1. – Honako eginkizun hauek ditu saileko zuzendariak:

   1. Sailaren ordezkari izatea.

   2. Saileko Kontseiluaren eta Batzorde Iraunkorraren buru izatea, saileko arautegiari jarraiki.

   3. Saileko kideen eskari eta proposamenak jaso eta bideratzea.

   4. Saileko administrazio eta zerbitzuetako langileen funtzioak zuzentzea.

   5. Sailaren urteko memoria, eginkizunen plana eta txosten ekonomikoa egitea.

   6. Saileko Kontseiluak, Batzorde Iraunkorrak eta Sail-atalekoak hartutako erabakiak betearaztea.

   7. Sailak eta saileko kideek irakats-betebeharrak eta gainerako eginkizun akademikoak behar bezala betetzen dituztela bermatzea.

   8. Sailean zientziaren, teknikaren, giza zientzien eta artearen alorreko ikerlanak egiteko beharrezko diren kontratuak sinatzea.

   9. Hirugarren zikloko eta doktoregoko ikasketak koordinatzea programen arduradunekin batera.

   10. Bere eginkizunak betetzeko egoki diren batzordeak eratzea.

   11. Isilpeko informazioa jendaurrean jakinaraz dadin agindu eta diziplina-espedienteak irekitzea proposatzea.

   12. Saileko beste organoei agindu ez zaizkienak, unibertsitateko gobernu-organoek eskuordetutakoak eta Estatutuek edo indarrean dagoen legediak zehaztutako gainerako guztiak.

   13. Gaixorik edo justifikatuta arrazoiengatik kanpoan egonez gero, Saileko Kontseiluaren bidez ordezko bat izendatzea kargua betetzeko baldintzak betetzen dituztenen artetik. Ordezko horrek jardunean beteko ditu zuzendari eginkizunak.

2. – Era berean, lankidetza-hitzarmenak sinatuko ditu, Gobernu Kontseiluaren jarraibideek xedatutako baldintzetan.

1. – Errektoreak izendatuko du idazkaria, saileko zuzendariaren proposamenari jarraiki. Jardunean dauden irakasleak eta ikerlariak izan daitezke idazkari.

2. – Honako hauek dira kargua uzteko arrazoiak: dimisioa aurkeztea, heriotza, lege-ezintasuna, saileko kide izateari uztea eta, zuzendariaren proposamenari jarraiki, errektoreak hala erabakitzea.

3. – Idazkariari dagokio saileko idazkaritza akademikoakberezkoak dituen eginkizunak betetzea, baita zuzendariari laguntzea ere.

4. – Idazkariak saileko kide anitzeko gobernu-, ordezkaritza- eta administrazio-organoen jardunaren eta erabakien fede emango du; akta-liburuak egin eta zaintzeaz arduratuko da eta ziurtagiriak egingo ditu, hala erabakienak, nola saileko dokumentazio ofizialean ageri diren gertakarienak edo ekimenenak.

1. – Koordinatzailea Saileko Kontseiluak aukeratuko du arduraldi osoan dauden irakasle edo ikerlarien artetik. Koordinatzailerik ez badago, saileko zuzendariak premiazko bilerarako deia egingo du koordinatzailea aukeratzeko. Agintaldia lau urterako izango da eta mugarik gabe berritu ahal izango da. Koordinatzaileak Estatutuetako 250. artikuluan jasotako arrazoiengatik utziko du kargua.

2. – Sail-ataleko koordinatzailea sail-ataleko kontseiluaren ordezkari da Saileko Kontseiluan, eta honako eginkizun hauek ditu:

   1. Saileko gobernu organoei irakaskuntza eta ikerketaren arloko planen eta sail-atalaren beharrizanen inguruko memorien berri ematea, baita kontseiluaren erabakien, eskarien eta iradokizunen berri ere.

   2. Bilerako aztergaiak osatzea, sail-ataleko kontseilua bileretara deitu eta bileren buru izatea, bileretako aktak zaindu eta saileko organoei erabakien berri ematea.

   3. Saileko zuzendariari laguntzea irakaskuntzaren arloko eta sailaren eta bertako kideen gainerako eginkizun akademikoak behar bezala betetzen direla bermatzeko, ataleko irakaskuntza eta ikerketa koordinatzea eta, hala badagokio, beharrezko proposamenak egitea.

   4. Sail-ataleko urteko memoria onartzea saileko memorian sartzeko.

3. – Saileko campuseko koordinatzailea edo bertako ikastegi edo sail-ataletako koordinatzailea, izango da bere Sailaren ordezkaria kasuan kasuko campuseko batzarrean (sailaren egoitza ez dagoen campusetan).