1. – Honako hauek dira saileko kontseiluko kideak: zuzendaria, idazkaria, saileko irakasle funtzionario eta lan-kontratuko irakasle iraunkor guztiak, irakasle eta ikertzaile doktore ez iraunkor guztiak, sailera atxikitako doktore guztiak, sailera atxikitako gainerako irakasleen ordezkari bat, hirugarren zikloko ikasleen ordezkari bat, bigarren zikloko ikasleen ordezkari bat, lehenengo zikloko ikasleen ordezkari bat eta administrazio eta zerbitzuetako langileen ordezkari bat.

2. – Irakasleen, ikertzaileen eta administrazio eta zerbitzuetako langileen ordezkarien agintaldia lau urtekoa da. Ikasleen ordezkarien agintaldia urtebetekoa da.

3. – Sailera atxikitako gainerako irakasleen ordezkariak irakasleek eurek aukeratu behar dituzte euren artean.

4. – Lehenengo eta bigarren zikloko ikasleen ordezkarien agintaldia urtebetekoa da, eta saileko irakasleek eskolak ematen dituzten ikastegietako ikasle-kontseiluen bitartez aukeratu behar dira, Ikastegietako Ikasle Kontseiluen Oinarrizko Arautegiak xedatutako prozedurari jarraiki.

5. – Hirugarren zikloko ikasleen ordezkaria saileko zuzendaritzak deituta urtero, azaroaren 15etik abenduaren 15era bitartean, egingo den bileran aukeratu behar da. Bilerara honakoak deituko dira: Saileko Graduondoko Berezko Tituluetan eta Doktorego-programetan eta Tesietan matrikulatutako ikasle guztiak eta sailera atxikita eta prestatze-bidean dauden ikertzaileak. Aipatutako bilera UPV/EHUko Hauteskunde Arautegi Orokorreko 16.5 puntuaren aldaketari jarraiki egingo da (Gobernu Kontseiluak 2005eko irailaren 29an egindako bileran onartutako aldaketa, hain zuzen). Horretarako, saileko zuzendaritzak bilera horretara deitu beharreko ikasleen errolda eskatu beharko dio kasuan kasuko zerbitzuari.

Ordezkari-eginkizunak pertsonalak eta besterenezinak dira. Honako hauek dira ordezkari izateari uzteko arrazoiak:

1. Hiltzea edo ezintasunen bat izatea.

2. Hauteskundeak baliogabetzea.

3. Agintaldia amaitzea.

4. Dimisioa aurkeztea.

5. Ordezkaria aukeratu zuen sailekoa edo taldekoa izateari uztea.

6. Organoen elkarren segidako hiru bileratara edo txandakako bost bileratara justifikatu gabe huts egitea.

1. – Honako hauek dira saileko kontseiluaren eginkizunak:

   1. Saileko zuzendaria hautatzea arautegiak xedatutakoari jarraiki.

   2. Urteko txosten ekonomikoa, saileko irakaskuntzaren eta ikerketaren memoria, eta eginkizunen plana onartzea.

   3. Urteko irakaskuntza-eskaintza programatu eta ebaluatzeko irizpideak onartzea.

   4. Saileko langileei irakaskuntza-betebeharrak eta balizko aldaketak esleitu, arautegi honetako 28. artikuluari eta hurrengoei jarraiki.

   5. Irakasgaien oinarrizko programak ezartzea, kasuan kasuko ikasketa-planaren barruan.

   6. Hirugarren zikloko, doktoregoko eta gainerako ikasketetako (unibertsitateko berezko tituluetara bideratutako ikasketak izan edo ez) eskaintzak proposatzea, kasuan kasuko proposamenak eginez eta bere gain dituen programen ezarpen eta koordinazio akademikoaz arduratuz. Edonola ere, doktoregoko programetako irakaskuntza-zama kasuan kasuko sailei entzun ondoren esleitu behar da.

   7. Doktorego-tesiak ebaluatu behar dituzten pertsonak izendatzeko proposamenak onartzea legeak baimentzen dituen baldintzetan, bai eta bestelako epaimahaietako kideen izendapenak onartzea ere.

   8. Irakasleei eta ikertzaileei ikerketa-eginkizun eta -ekimenetan laguntzea.

   9. Plaza berriak eskatu eta saileko langileen lanpostu-zerrendan egin beharreko aldaketak proposatzea.

   10. Irakasleen irakaslanari buruzko txosten arrazoituak egitea, irakaskuntza-merezimenduak eskuratzeari eta kontratuak berritzeari begira.

   11. Zientziaren, teknikaren eta artearen alorreko lanak egiteko Estatutuetako 141. artikuluan xedatutako kontratuak egiteko baimenak ematea, betiere, sailaren eskumenen esparruan eta Gobernu Kontseiluak onartutako araudiari jarraiki.

   12. Venia docendi eman behar bada, aurrez jakinaraztea.

   13. Beharrezko bitartekoak sortu eta ekimenak egitea, saileko jardunaren kalitatea sustatu eta hobetzeko, baita gestio eraginkorra bermatzeko ere Europako, Estatuko eta Euskal Autonomia Erkidegoko programen baitan. Horretarako, unibertsitatean ezarritako ebaluazio-prozesuak sustatu eta horietan parte hartu behar dute.

2. – Orobat, honako eginkizun hauek ditu saileko kontseiluak:

   1. Gobernu Kontseiluari arautegiaren proiektuak eta, dagokionean, arautegiaren erreforma-proiektuak aurkeztea.

   2. Irakaskuntzaren ezaugarriak kontuan hartuta egoki denean, irakaskuntzaren zati bat beste erakunde batzuetan emateko proposamena egitea Gobernu Kontseiluari, Gobernu Kontseiluak berak baimendutako hitzarmeneko baldintzei jarraituz.

   3. Jarduerak ikastegiekin koordinatzeko programak onartzea.

   4. Dagokionean, sailaren gune fisikoak esleitzeko irizpideak onartzea.

   5. Arautegi honetan jasotako eskumenen esparruan, ordezkariak hautatzeko arauak ematea. Saileko zuzendaritzak deitu behar du hauteskundeetara, Hauteskunde Arautegi Orokorrean xedatutakoari jarraiki.

   6. Indarrean dagoen legediak, UPV/EHUko Estatutuek eta horiek garatuko dituzten arauek zehaztutako gainerako guztiak, baita eskuordetzen zaizkionak ere.

1. – Kontseiluko batzorde iraunkorra honakoek osatzen dute: zuzendaria, idazkaria eta bederatzi irakasle.

2. – Gainera, prestatze-bidean dauden ikertzaileen eta ikasleen ordezkari batek eta administrazio eta zerbitzuetako langileen ordezkari batek hartu behar dute parte batzorde iraunkorrean, biak kontseiluko kideen artean hautatuak.

3. – Batzorde iraunkorreko ordezkariak Hauteskunde Arautegi Orokorrean xedatutakoari jarraiki aukeratu behar dira.

4. – 9. artikuluan araututako arrazoiren bat badago, batzorde iraunkorreko ordezkariek ordezkari izateari utzi behar diote.

1. – Batzorde iraunkorrak saileko kontseiluak eskuordetzen dizkion eginkizun guztiak beteko ditu. Ezin izango dira inola ere eskuordetu hurrengo eginkizunak: Estatutuetako 286.1. artikuluko a), b) eta c) letretan jasotakoak, saileko arautegiaren onarpena eta Estatutuek edo unibertsitatearen araudi orokorrak kontseiluaren eskumen esklusibo eta eskuordetu ezintzat jotakoak.

2. – Estatutuetako 286.1. artikuluko d) eta i) letretan aipatutako eginkizunak betetzeko agintzen bazaio batzorde iraunkorrari, erabakiak bete egin behar dira, saileko kontseiluak berretsi edo aldarazi bitartean.

3. – Saileko arautegiak ez badizkio batzorde iraunkorrari eskuordetzen Estatutuetako 286.1. artikuluko d) eta i) letretan aipatutako eginkizunak, Sailen Oinarrizko Arautegiko 50.3. artikuluak arautegia aldatzeko xedatutako quorum eta botazio sistema berari jarraitu behar zaio eginkizun horiek unean-unean eskuordetzeko. Horretarako, ez da beharrezkoa kontseiluak ezohiko bilera egiterik.

4. – Saileko kontseiluko kideek batzorde iraunkorrak hartutako erabakien berri izan behar dute unean-unean.

1. – Bilerak ohikoak eta ezohikoak izan daitezke.

2. – Deialdiak ohiko bileretarako egin behar dira oro har. Saileko kontseiluak urtean ohiko bi bilera egingo ditu eta batzorde iraunkorrak, berriz, gutxienez bi bilera seihileko bakoitzean.

3. – Ezohiko bilerarako deia egingo dute aztertu beharreko gaiak direla-eta beharrezkoa denean edo aplikatu beharreko araudiak xedatutako kasuetan. Ezohiko bileretako gai-zerrendan ezin dira honako gai hauek agertu: aurreko akten onarpena eta galde-eskeak.

4. – Presazko bilerak ezohikoak dira eta deia 24 ordu lehenago egin behar da gutxienez. Halakoetan, bileraren hasieran berretsi egin behar da bilera egiteko arrazoia benetan premiazkoa dela. Berresten ez bada, bilera bertan behera geratuko da besterik gabe.

1. – Kide anitzeko organoetako buruek egin behar dute kasuan kasuko organoaren bilerarako deia.

   Gainera, kide anitzeko organoko kideen edo saileko irakasle doktoreen heren batek eskatzen badu, organoaren bilerarako deia egin behar da. Bilera horiek ezohikoak dira eta eskaera egin eta zazpi egun balioduneko epean egin behar dira gehienez.

2. – Bilerarako deiak organoetako idazkariek bideratu behar dituzte, aurrerapen nahikoaz eta, edonola ere, bilera baino hiru egun lehenago gutxienez. Bilera non egingo den, zein ordutan eta bertan zein gai aztertuko diren adierazi behar da deialdietan. Organoetako kideek aztertu beharreko gaiei dagozkien dokumentuak aurrerapen nahikoaz eskuratzeko aukera izan behar dute eta, edonola ere, bilera baino 24 ordu lehenago.

3. – Gai-zerrenda osatzen duten puntuak zehatz-mehatz jaso behar dira deialdietan. Puntu horien artean agertu beharko dira organoko kideen % 10ek, gutxienez, 72 ordu lehenago, Idazkaritzan idatziz, eskatutakoak Ezin da hartu gai-zerrendan agertzen ez diren puntuei buruzko erabakirik; hala ere, organoko kideen bi heren baino gehiago badaude bileran, eta bozkatu eta gehiengo osoak gaia premiazkoa dela uste badu, erabakia har daiteke.

4. – Guztiak jakitun egon daitezen, deialdiak argitara eman behar dira organoari dagokion egoitzan eta gainerako gune guztietan, eman ere organoko kideei bilerarako deia egiten zaien egun berean.

1. – Kide anitzeko ordezkariaren eginkizunak pertsonalak eta besterenezinak dira.

2. – Organoa eratu ostean, hutsik geratzen diren lekuak kasuan kasuko zerrendetako ordezkoek bete behar dituzte. Aipatutako irizpideari jarraitu ondoren bete gabe geratzen den leku kopurua talde bateko kideen % 50 baino handiagoa edo organoko kideen % 30 baino handiagoa bada, hauteskunde partzialak egingo dira. Modu horretan hautatutakoak kide izango dira agintaldia amaitu arte.

1. – Kide anitzeko organoetako kideek dagokien organoaren bileretara joateko eskubidea eta betebeharra dute, eta UPV/EHUko oinarrizko arautegiak agintzen dizkien eginkizunak bete beharko dituzte. Bileretara joanez gero, organoetako kideek ez dituzte unibertsitateko gainerako eginkizunak bete behar, baina kasuan kasuko organoek beharrezko neurriak hartu behar dituzte betebehar horiek bete egiten direla eta zerbitzua eman egiten dela bermatzeko.

2. – Kide anitzeko organoetako kideek eskubidea dute euren eginkizunak aurrera eramateko beharrezkoak izan daitezkeen dokumentazioa eta informazioa eskatu eta eskuratzeko. Kide anitzeko organoko idazkariak bi laneguneko epean, gehienez ere, eskaini beharko du kide anitzeko organoko edozein kidek idatziz eskatutako informazioa.

1. – Kide anitzeko organoak balioz eratzeko, beharrezkoa da kideen gehiengo osoa egotea lehen deialdian, edo kideen heren bat egotea, gutxienez, bigarren deialdian. Lehen eta bigarren deialdiaren artean egon beharreko tartea hamabost minutukoa izango da. Edonola ere, organoetako burua eta idazkaria beti egon beharko dira edo, bestela, euren ordezkoak.

2. – Organoak eratzeko quorumari dagokionez, ez dira kontuan hartuko 19. artikuluari jarraituz eskuordetutako botoak.

3. – Organoak bigarren deialdian eratzeko beharrezko quoruma bozketa guztietan da beharrezkoa.

1. – Kide anitzeko organoetako buruek bermatu egin behar dute bilera behar bezala betetzen ari dela eta, arrazoirik egonez gero, bertan behera uzteko erabakia har dezakete.

2. – Eztabaidak gai-zerrendari jarraiki egin behar dira. Dena dela, beharrezkoa izanez gero, kide anitzeko organoek bileraren ordena aldatzea erabaki dezakete, organoetako buruek proposamena egin ondoren.

3. – Beharrezko jotzen badute, organoetako buruek gaia bozkatu aurreko eztabaidaren denbora muga dezakete, bai eta ordura arte egon daitezkeen parte hartzeen kopurua ere.

4. – Kide anitzeko organoko buruaren iritziz egokia bada, kide ez diren pertsonak gonbida ditzake bilerara, gai-zerrendako punturen batekin zerikusia duen iritzia edo informazioa eman dezaten. Bileran gonbidatuak izan direla jaso behar da aktetan, botoa emateko eskubidea izan ez arren.

1. – Erabakiak hartu ahal izateko, emandako boto baliodunen artetik gehiengo soila behar izango da, Estatutuek, sailaren arautegiak edo gainerako lege-xedapenek beste gehiengoren bat eskatzen duten kasuetan izan ezik. Horrenbestez, proposamen bakarra izanez gero, onartu egingo da aldeko botoak kontrakoak baino gehiago badira. Bi proposamen badaude, aldeko boto gehien lortzen dituena onartuko da. Bi proposamen baino gehiago daudenean, emandako botoen gehiengoa lortzen duena onartu behar da edo, lehenengo botazioan boto gehien lortu dituzten bi proposamenen artean, bigarren botazioan boto gehien lortzen dituena.

   Berdinketa izanez gero, berriro egin behar da botazioa; orduan ere berdinketa izanez gero, organoko buruak kalitatezko botoa erabili behar du.

2. – Botazioek isilpekoak izan behar dute kide anitzeko organoko kideren batek hala eskatzen badu. Dena dela, botazioek beti izan behar dute isilpekoak, pertsonei buruzkoak badira.

3. – Aurkako botoa ematen dutenak kide anitzeko organoko erabaki horietatik erator litekeen erantzukizunetik salbuetsita geratuko dira, baldin eta boto hori emateko arrazoiak azaldu badituzte. Botazioak isilpekoak direnean, interesdunek botoaren arrazoia azaltzen duen testua eman behar diote organoko idazkariari botazioan bertan, boto-txartelarekin batera. Boto-txartelak eta testuak aktei erantsi behar zaizkie. Halaber, abstenitzen direnak erantzukizunetik salbuetsita geratuko dira.

4. – Kide anitzeko organoko kideek beren botoa eta horren azalpena agerraraz dezakete aktan; azalpena idatziz eman behar dute bozkatzean. Unibertsitateko beste organo batzuei egindako proposamenak badira, kideen boto partikularrak beti agerrarazi behar dira haiekin batera.

1. – Idazkariak bilerako akta egin behar du. Aktak bileran bertan edo hurrengoan onartu behar dira, eta akten zirriborroak hurrengo bilerako gai zerrendari dagozkion dokumentuekin batera banatu behar dira. Aktak onartu ostean, idazkariek sinatu eta organoetako buruek ontzat eman behar dituzte.

2. – Aktetan honako hauek jaso behar dira nahitaez: bilerara etorri direnen zerrenda eta azalpena emanez bilera amaitu aurretik alde egin dutenen berariazko aipamena; gai-zerrenda; bilera non eta zein ordutan egin den; bileran aztertutako puntuak; botazioak nola egin diren eta emaitzak; hartutako erabakien edukia eta, egoki joz gero, arrazoien azalpen laburra.

3. – Aktetan boto partikularrak ere jaso behar dira, kasuan kasuko kide anitzeko organoetako kideek hala eskatzen badute. Kide anitzeko organoetako kideek euren parte hartzea edo proposamena aktetan hitzez hitz jasotzeko eska dezakete. Horretarako, idatziz aurkeztu behar dute testua eskaera egin eta segituan edo, bestela, organoko buruak adierazitako epean.

4. – Kide anitzeko organoko kideek aktetan aldaketak egiteko proposamenak egin ditzakete akta onartzeko unean. Idazkariak proposatutako aldaketak egiaztatu behar ditu eta, gehiengoak aldeko botoa ematen badu, onartu egin behar dira.

5. – Kide anitzeko organoak aldatu baino lehen, bilera egin behar da onartzeke dauden akta guztiak onartzeko. Bilera hori egitea ezinezkoa bada, akten zirriborroak bidali behar zaizkie kide anitzeko organoetako kide zirenei, eta hamar eguneko epea eman haien edukiari buruzko erreklamazioak egiteko. Ez bada erreklamaziorik aurkezten esandako epearen barruan, aktak onartutzat eman behar dira; erreklamaziorik aurkeztuz gero, berriz, kide anitzeko organo berriak egin beharreko lehen bileran onartu behar dira.

6. – Aktak onartu ostean, saileko kide guztiei bidaliko zaizkie posta elektronikoz eta saileko iragarki-oholean argitaratuko dira, pertsonen intimitatea behar bezala babestuta Posta elektronikoa erabiltzerakoan, aintzat hartu beharko da Administrazio Publikoen Erregimen Juridiko eta Administrazio-prozedura Bateratuari buruzko azaroaren 26ko 30/1992 Legeko 45. artikuluak xedaturikoa. Jatorrizkoak bi laneguneko epean, gehienez ere, saileko kideen eskura egongo dira saileko idazkaritzan.

1. – Idazkariek kide anitzeko organoek hartutako erabakien fede eman behar dute eta ziurtagiriak egin behar dituzte.

2. – Hartutako erabakiak posta elektronikoz helaraziko zaizkie saileko kide guztiei. Halaber, sailaren iragarki-oholean argitaratuko dira, hiru laneguneko epean, pertsonen intimitatea behar bezala babestuta idazkariak eta buruak erabakiak argitaratu egiten direla bermatu behar dute, eta argitaratu eta hilabetez daudela jendaurrean gutxienez.

1. – Kide anitzeko organoek hartutako erabakiek onartzen direnetik aurrera izango dute eragina, erabakietan bertan beste ezer adierazi ezean. Erabakien berri eman behar zaie kasuan kasuko organoei.

2. – Pertsonei buruzko erabakiak, irakaslanak esleitzekoak eta lanpostuen zerrendan edo kontratuko langileen zerrendan eragina dutenak zuzenean jakinarazi behar zaizkie eragindakoei. Erabakiek jakinarazpena egiten den unetik aurrera izango dute eragina. Jakinarazpenak Administrazio Prozeduraren Legean xedatutako moduan egin behar dira.

3. – Arautegi honetako IV. tituluko II. kapituluak aipatzen dituen kide anitzeko organoek hartzen dituzten erabakien kontra gorako errekurtsoa aurkez dakioke errektoreari, erabakia hartu zen bilera-akta argitaratu eta hilabeteko epean.

4. – Pertsonei buruzko erabakien kontra gorako errekurtsoa aurkez dakioke errektoreari, erabakia interesdunari jakinarazi eta hilabeteko epean.

1. – Zuzendaritza eta idazkaritza akademikoa dira saileko kide bakarreko gobernu-, ordezkaritza- eta administrazio-organoak.

2. – Saileko zuzendari eta idazkari akademiko karguetan aritzeko, arduraldi osoz aritu behar da, legedian xedatutako salbuespenetan izan ezik. Ezin da, inolaz ere, kargu batean baino gehiagotan aritu.

2. – Sailean zuzendaririk ez badago, horren berri eman beharko dio idazkari nagusiari saileko idazkariak edo, bestela, saileko kategoria eta antzinatasunik handieneko kideak, eta batzorde iraunkorra edo, bestela, saileko kontseilua premiazko bilerara deitu, behin-behineko zuzendari bat izenda dezan. Halakoetan, kategoria eta antzinatasunik handieneko pertsona izango da bileraren buru, eta saileko zuzendari-eginkizunak beteko ditu. Artikulu honetan xedatutako eginkizunak betetzen ez badira, edo hiru hilabete baino gehiago igaro eta dena delakoagatik zuzendaririk aukeratu ez bada, errektoreak ofizioz izendatuko du behin-behineko zuzendaria, kasuan kasuko erantzukizunei kalterik egin gabe.

3. – Zuzendariaren agintaldia lau urtekoa izango da, eta ezin izango da karguan egon bi agintaldi baino gehiagotan jarraian.

4. – Estatutuetako 250. artikuluan jasotako arrazoiak direla-eta, zuzendariek zuzendari izateari utzi behar diote. Artikulu horren arabera, Unibertsitateko Klaustroari dagokion zentsura-mozioa saileko kontseiluari dagokio kasu honetan.

5. – Zentsura-mozioa: Landareen Biologia eta Ekologia Sailaren Arautegiko 24.4) artikuluan aipatzen den zentsura-mozioa sailaren idazkaritzan aurkeztuko da idatziz, arrazoituta eta, gutxienez, kontseiluko kideen % 20k sinatuta, eta zuzendari izateko hautagai baten izena jaso beharko du. Zentsura-mozioa aurkeztuta eta eskatutako baldintza guztiak betetzen dituela egiaztatuta, zuzendariak saileko kontseiluari dei egingo dio 72 orduko epean ezohiko bilera egiteko. Zentsura-mozioa aurkeztu eta 15 eguneko epean, gehienez ere, egin beharko da bilera hori. Bilera horretan, lehenengo eta behin, zentsura-mozioa defendatuko du mozioa sinatu duen kideetako batek. Ondoren hautagaiak hartuko du parte bere proposamena aurkezteko. Gero, zentsura-mozioa jaso duenak erantzuteko aukera izango du, eta ondoren hitza eskatu duten saileko kontseiluko kideek hartuko dute parte txandaka, behin aldekoek, behin kontrakoek. Zentsura-mozioa onartzeko, saileko kontseiluko kideen aldeko botoak kontrakoak baino gehiago izan behar dira. Saileko kontseiluak mozioa onartzen badu, zuzendariak dimisioa aurkeztuko du berehala. Onartu den mozioan jasotako hautagaia zuzendari hautatu dela ulertuko da.

1. – Errektoreak irakaskuntza-betebeharretatik salbuets dezake zuzendaria, arduraldia gehienez ere erdira murriztuta.

2. – Agintaldia amaitzean, zuzendariak irakaskuntza-betebeharretatik neurri berean salbuetsita egoteko eskubidea du uneko lauhilekoa bukatu arte, ohiko azterketa aldia barne. Horretarako, gutxienez hiru urte edo gehiago eman behar ditu karguan.

1. – Honako eginkizun hauek ditu saileko zuzendariak:

   1. Sailaren ordezkari izatea.

   2. Saileko kontseiluko buru izatea eta, dagokionean, saileko batzorde iraunkorreko buru ere, saileko arautegiari jarraiki.

   3. Saileko langileen eskari eta iradokizunak jaso eta bideratzea.

   4. Saileko administrazio eta zerbitzuetako langileen funtzioak zuzentzea.

   5. Sailaren urteko memoria, eginkizunen plana eta txosten ekonomikoa egitea.

   6. Saileko kontseiluak edo batzorde iraunkorrak hartutako erabakiak betearaztea.

   7. Sailak eta saileko kideek irakaskuntza-betebeharrak eta gainerako eginkizun akademikoak behar bezala betetzen dituztela bermatzea.

   8. Sailean zientziaren, teknikaren, giza zientzien eta artearen alorreko ikerlanak egiteko beharrezko diren kontratuak sinatzea.

   9. Hirugarren zikloko eta doktoregoko ikasketak koordinatzea, programen arduradunekin batera.

   10. Haren zereginak betetzeko egoki diren batzordeak eratzea.

   11. Isilpeko informazioa jasotzea eta diziplina-espedientea irekitzeko proposamena egitea.

   12. Saileko beste organoei agindu ez zaizkienak, unibertsitateko gobernu-organoek eskuordetutakoak eta Estatutuek edo indarrean dagoen legediak zehaztutako gainerako guztiak.

2. – Era berean, lankidetza-hitzarmenak ere sinatu behar dituzte, Gobernu Kontseiluaren jarraibideek xedatutako baldintzetan.

2. – Honako hauek dira kargua uzteko arrazoiak: dimisioa aurkeztea, heriotza, lege-ezintasuna, saileko kide izateari uztea eta errektoreak hala erabakitzea, zuzendariaren proposamenari jarraiki.

3. – Idazkariari dagokio saileko idazkaritza akademikoak berezkoak dituen eginkizunak betetzea, baita zuzendariari laguntzea ere.

4. – Idazkariak saileko kide anitzeko gobernu-, ordezkaritza- eta administrazio-organoen jardunaren eta erabakien fede emango du; akta-liburuak egin eta zaintzeaz arduratuko da eta ziurtagiriak egingo ditu, hala erabakienak, nola saileko dokumentazio ofizialean ageri diren gertakarienak edo ekimenenak.