Batzuetan, izena ematean, tasa bat ordaintzeko eskatu ahal izango da. Tasa hori 90 eurokoa izango da titulazio guztietarako, eta 6. artikuluan aipaturiko edozein kontutan sartuko da.

Diru kopuru hori bi kasutan baino ez da itzuliko: graduondokoa emango ez denean, edo ikaslea onartu ez dutenean. Edozelan ere, ikasleak dirua berreskuratzeko eskaria egin beharko du.

Halakoetan, berezko tituluaren zuzendari akademikoak horren berri eman beharko die ikasle guztiei, izena emateko epea amaitu eta ondorengo bost egunen buruan eman ere. Jakinarazpen horretan adieraziko da zeintzuk diren egin beharreko tramiteak ordaindutako diru kopurua jasotzeko: Berezko Tituluen bulegora zuzendutako idatzia, datu hauekin: ikaslearen datuak, bankuko kontua (20 digitu), kontuaren titularra eta titularraren NANa (ikaslea bera ez bada).

Graduondokoan matrikulatuko diren ikasle onartuei matrikularen preziotik kenduko zaie aurretik ordaindutako diru kopurua.

Tasa horien bidez lortuko den dirua kasuan kasuko berezko tituluari dagokion BGGara joango da.

1. – Berezko titulu bakoitzerako baldintza zehatzak ezarri ahal izango badira ere, ikasleek Gobernu Kontseiluak onartutako Berezko Tituluei buruzko Arautegi Bateratuko I. kapituluan (2006-12-20an onartua) zehaztutako baldintza orokorrak bete beharko dituzte, bai eta arau hauek ere.

2. – Bigarren zikloko unibertsitate-titulazio bateko lehenengo zikloa gainditurik izatea ez da diplomaturaren baliokidetzat hartuko, berezko tituluan onartua izate aldera.

3. – Atzerriko titulua daukaten ikasleak.

   Atzerriko titulua daukaten ikasleek ez dute titulua homologatu behar berezko tituluetara sartzeko.

   Ikasle horiek honako prozedura bete beharko dute:

   Ikasleak sarrera eskaria (I. eranskina) aurkeztuko dio kasuan kasuko titulazioko Akademia Batzordeari, ondorengo agiriekin batera. Agiriok gaztelaniara itzulita aurkeztu beharko dira (frantsesez, ingelesez, italieraz edo portugesez daudenean izan ezik).

   1. Graduondoko ikasketetarako sarrera tituluaren fotokopia erkatua, edo fotokopia eta jatorrizkoa, biak parekatzeko; edo titulua eskatu izanaren agiria.

   2. Egindako irakasgaien ziurtagiria, izena, iraupena eta lortutako kalifikazioa zehaztuta.

      Itzulpenik behar izanez gero, honako eraren batean egin daiteke:

      1. Estatu espainiarrak atzerrian daukan edozein ordezkaritza diplomatikok edo kontsuletxek egindako itzulpena.

      1. Eskatzailearen herrialdeak edo dokumentua egin duen herrialdeak Espainian daukan ordezkaritza diplomatikoak edo kontsuletxeak egindako itzulpena.

      1. Espainian baimenduta edo erregistratuta dagoen zinpeko itzultzaile batek egindakoa.

         Izena emateko prozesuaren barruan, berezko tituluko zuzendari akademikoak ikaslearen espedientea eta aurkeztutako tituluaren egokitasunari buruzko txostena igorriko dio Doktoregoko Azpibatzordeari. Horiek aztertu ondoren, Doktoregoko Azpibatzordeak erabakiaren berri emango dio titulazioko Akademia Batzordeari. Aldeko erabakia hartuz gero, beren-beregi adierazi beharko dute ikaslea onartzea ontzat ematen dutela.

         Onartuta egonda matrikula egin duten ikasleei UPV/EHUko errektoreak egindako baimena emango zaie.

1. – Berezko titulu baten matrikula egiteko prozesua baino lehen, izena emateko epea irekiko da. Hautaketa irizpideek kasu guztietan errespetatuko dituzte lehen adierazitako baldintzak; irizpide horiek irakaskuntza proposamenean ezarritakoak izango dira eta ikastegi, sail edo institutuetako iragarki taulan egongo dira ikusgai izena emateko epe osoan.

   Ikasleen eskariak ez badira heltzen titulua irakasteko beharrezkoa den gutxienezko ikasle kopurura, beharrezkoa izango da Doktoregoko Azpibatzordearen baimena titulua eman ahal izateko. Hori dela eta, matrikula egin baino lehenago, eskari arrazoitua aurkeztu beharko da, aurrekontu berria gaineratuz. Matrikulari ezingo zaio ekin, inolaz ere, Doktoregoko Azpibatzordearen baimena izateke.

2. – Ikasleak hautatu ondoren, zuzendari akademikoak gestio hauek egin beharko ditu:

   1. Ikasle onartuen eta ez onartuen zerrendak argitaratzea, ikasleak onartzeko epea bukatu eta, gehienez ere, hamabost eguneko epean.

   2. Erreklamazioetarako epea ezartzea.

   3. Onartuen behin betiko zerrenda argitaratzea, bai eta graduondoko tituluaren ordutegia ere. Onartutako zerrenden kontra jarritako errekurtsoei erantzuteko Akademia Batzordeak egingo dituen erabakietan beren-beregi adierazi beharko da gora jotzeko errekurtsoa aurkez dakiokeela errektoreari hilabeteko epean, behin betiko zerrendak argitaratu eta biharamunetik kontatzen hasita.

   4. Matrikula egiteko epeak argitaratuko ditu.

   5. Matrikula egiteko daten berri ematea Berezko Ikasketen Atalari, eta ikasle onartuen eta horietako bakoitzak ordaindu beharreko diru kopuruaren zerrenda igortzea bertara, berezko tituluan zein titulaziorekin sartu diren adierazita. III. eranskineko eredua erabiliko da horretarako.

   6. Zerrenda hori matrikula egiteko epea hasi baino gutxienez hamar egun lehenago bidali beharko da Berezko Ikasketen Atalera. Bertan adieraziko da, gainera, ikastaroa noiz hasiko den.

3. – Matrikula epea bukatzen denetik eskolak hasi arte, gutxienez 10 eguneko epea egon behar da.

4. – Matrikula epea bukatu eta biharamunean, berezko tituluaren zuzendari akademikoak Berezko Ikasketen Atalarekin harremanetan jarri beharko da proposamenean zehaztutako gutxieneko matrikula kopurua bete dela jakiteko. Ez bada gutxieneko hori bete, araudi honetako 9. artikuluan zehaztutakoari jarraitu beharko dio. Aipatutako baldintzak betetzen ez badira, baimena eskatu beharko zaio Doktoregoko Azpibatzordeari aurrekontu berriarekin. Ezin izango da, inolaz ere, eskolak ematen hasi azpibatzordearen baimenik gabe.

2. – Matrikula aldatu nahi izanez gero, eskari arrazoitua aurkeztu beharko da, eta Doktoregoko Azpibatzordeak beren-beregi baimendu beharko du.

• Lehenengo matrikula.

  2007. urtean hasiko diren titulazioetarako, matrikula aldia irailaren 17tik urriaren 31ra bitarterako zehaztuko da. Matrikula egiteko epea gehienez ere bi astekoa izango da eta berezko tituluko zuzendari akademikoak adieraziko du noiztik noiz arte izango den.

  2008. urtean hasiko direnetarako, ordea, matrikula aldia 2008ko urtarrilerako zehaztuko da; gehienez ere 2 astekoa izango da.

  Matrikula 6. artikuluan adierazitako lekuetan egingo da.

• Bigarren edo hirugarren mailako matrikula.

  Bigarren eta/edo hirugarren mailako matrikula irailaren 3tik 15era egingo da. Matrikula orria eta ordaindu beharreko tasen ordainagiria Berezko Ikasketen Atalak bidaliko dizkie ikasleei. Behin epea bukatuta, sail eta institutuei igorriko zaie baimena eman dezaten.

• Matrikula epe berria.

  Bigarren matrikula-aldirako, baimena eskatu behar zaio Doktoregoko Azpibatzordeari, matrikularen bigarren epea ordaindu baino lehen eskatu ere.

Ikasle onartuek Berezko Ikasketen Bulegoan egingo dute matrikula (I. Ikasgelategia - Leioa) edo Arabako Campuseko, Bizkaiko Campuseko edo Gipuzkoako Campuseko errektoreordetzetan, kasuan kasuko titulua eskaintzen duten ikastegiek, sailek edo institutuek adierazitako epeetan. Ondokoak dira aurkeztu beharreko agiriak:

1. Matrikula orri arautua, zuzendari akademikoaren baimen eta sinadurarekin. Matrikula hori behin-behinekoa izango da, arautegi honetako 9. artikuluan ezarritakoaren arabera.

2. NANaren fotokopia, edo pasaportearena (ikasle atzerritarrak).

3. Graduondoko ikasketetarako sarrera tituluaren fotokopia erkatua, edo fotokopia eta jatorrizkoa, biak parekatzeko; edo titulua eskatu izanaren agiria.

4. Tasak ondoko kontu hauetako batean sartu izanaren jatorrizko ordainagiria:

   GRADUONDOKO IKASKETAK

   Bilbao Bizkaia Kutxa

   20950292923239008657 kontu zk.

   IBAN KODEA: ES8820950292923239008657

   SWIFT edo BIC KODEA: BASKES2B

   Caja Vital Kutxa

   20970178120010960807 kontu zk.

   IBAN KODEA: ES1120970178120010960807

   SWIFT edo BIC KODEA: CECAESMM097

   Gipuzkoa Donostia Kutxa

   21010381060003302783 kontu zk.

   IBAN KODEA: ES5721010381060003302783

   SWIFT edo BIC KODEA: CGGKES22

5. Tasen murrizketa edo salbuespenerako eskubidea izanez gero, hori egiaztatuko duten agiriak (8.1. artikuluan aipatuak).

   Ikasle txartela aukerakoa da. Txartel hori lortzeko, agiri hauek aurkeztu beharko dituzte:

1. Karneterako argazkia, atzealdean bi abizenak eta izena idatzita.

2. Postazal tinbratua, ikaslearen helbidearekin.

3. Kasuan kasuko tasak aipaturiko konturen batean sartu direla egiaztatzen duen ordainagiria.

   Matrikula egiteko epea bukatu ondoren, ikasleek errektoreordetzetan aurkeztu duten dokumentazioa igorriko da Berezko Ikasketen Bulegora, ofizio batekin eta ikasleen izenen zerrendarekin batera. Berezko Ikasketen Atalak ikasleen matrikularen agiria bidaliko du berezko tituluren bat irakatsiko duen sail, ikastegi edo institutu bakoitzera, artxiba dezaten. Bestalde, honako hauen berri emango dute: matrikulagatik izango diren diru-sarrerak, jasotakoak eta unibertsitateari dagokion diru kopurua gastu orokorrengatik.

1. – Kopurua.

   Sartu beharreko diru kopurua hau izango da: ikasleak egingo dituen ikastaroen kreditu kopurua bider Gizarte Kontseiluak kreditu bakoitzerako ezarriko duen prezioa. Kopuru horri ikaslearen txartela egiteagatik ezartzen dena gehitu beharko zaio, txartel hori eskatzen duten ikasleen kasuan.

   Titulua ikasturte batean baino gehiagotan emateko programatu bada, urtean-urtean egin beharko da matrikula, eta aurtengo matrikulan ikasturte honetan irakatsiko diren kredituei dagokien zenbatekoa ordaindu beharko da.

   Baliozkotutako kredituetarako tasak: arautegi honetako III. kapituluan zehaztutakoak ordaindu beharko dira.

2. – Ordainketa era.

   Ikasleek bi epetan ordain dezakete matrikularen zenbatekoa, % 50 bakoitzean. Lehenengoa matrikula egitean ordainduko da eta bigarrena, otsailaren lehenengo astean, baldin eta 2007. urtean matrikulatutako ikasleak badira; 2008. urtean matrikulatutako ikasleek, berriz, bigarren ordainketa apirileko lehenengo astean egingo dute.

   Ikaslearen txartela epe bakarrean ordaindu beharko da (matrikula egiterakoan).

1. – Tasen murrizketa eta salbuespena egiteko kasuak:

   1. berezko tituluaren antolaketak hala erabakitzen badu, titulu horretarako emandako diru-laguntzetan tasak sartu direlako.

   2. Familia ugari berezietako kideek ez dute ezer ordaindu beharko; familia ugari orokorretako kideek, berriz, matrikularen % 50 ordaindu beharko dute.

      Familia ugari bateko kide izatea aldundiak edo erakunde eskudunak emandako agiri ofizialaren fotokopia erkatu baten bidez edo fotokopia eta jatorrizkoaren bidez, biak parekatzeko, egiaztatuko da; agiri hori iraungi gabe egon behar da. Iraungita badago, agiri hori berritzeko tramiteak egiten ari izana egiaztatu beharko da matrikulan onura hori lortu ahal izateko.

   3. Ekintza terroristen biktimek, eta euren ezkontide eta seme-alabek, salbuespen osoa izango dute.

      Ekintza terroristen biktimek, izaera hori egiaztatzeko, Barne Ministerioko Herritarrentzako eta Terrorismoaren Biktimei Laguntza Emateko Azpizuzendaritza Orokorrak emandako agiria aurkeztuko dute.

   4. Gutxitasunak dituzten ikasleek edo ezinduek, organo eskudunak onartuta ezintasunaren maila % 33tik gorakoa dutenek, ez dute tasarik ordaindu beharko.

      Egoera hori aldundiak edo erakunde eskudunak emandako agiriaren bidez egiaztatu beharko da.

   5. Gizarte Kontseiluak ezarritako beste salbuespen batzuk.

2. – Istripuetarako asegurua:

1. Ikasketa hauetan matrikulatzen diren ikasleak ez dute eskola-aseguruaren babesik. Hori dela eta, zuzendari akademiko bakoitzak polizak egin beharko ditu berezko tituluaren aurrekontuaren kargura.

2. Unibertsitateak erraztu egingo du istripuetarako asegurua egiteko prozedura. Horretarako, Berezko Ikasketen Atala harremanetan jarriko da aseguruen teknikari arduradunarekin, hark behar den informazio guztia bidal dezan UPV/EHUren aseguru-artekaritzara, eta, gero, handik, aseguru etxera.

   Horrela egin ezean, titulazioko zuzendari akademikoak polizaren kopia bidali beharko du Berezko Ikasketen Atalera abenduaren 30a baino lehen.

Aurkeztutako matrikulak behin-behinean onartuko dira, Gobernu Kontseiluak, 2006ko abenduaren 20an, onartutako Berezko Ikasketei buruzko Arautegi Bateratuko baldintzak betetzen diren ala ez egiaztatzeko; azken kasuan titulua irakasteko proposamenak bete behar dituen baldintzen inguruan. Matrikula aurkeztu denetik hiru hilabete igarotzen badira Berezko Ikasketen eta Etengabeko Prestakuntzarako Atalak horren kontra erabaki eta jakinarazpenik eman barik, matrikula onartu egin dela ulertuko da, eta erabaki irmoa izango da ondorio guztietarako.

Matrikula ez onartzeko erabakia arrazoitua izan behar da eta ordaindutako prezio publikoak itzultzea ekarriko du. Erabaki horren kontra gora jotzeko errekurtsoa aurkeztu ahal izango zaio UPV/EHUko errektoreari edo hark eskuordetutakoari.

Matrikula baliogabetu egingo da, baldin eta prezio publikoak ordaintzen ez badira 7. artikuluan zehaztutako epeetan. Bestalde, matrikula baliogabetu egingo da ikasleak eskatuz gero, baina ordaindutako diru kopurua ikastaroa oraindik hasi ez denean baino ez da itzuliko, edota ikastegi, sail edo institutu antolatzaileak berezko tituluetara zuzenduriko ikasketen inguruan Berezko Ikasketei buruzko Arautegi Bateratuan zehaztutako baldintzaren bat betetzen ez duenean.

Ikasleak ez badu betetzen matrikula egiteko baldintzaren bat, aurkeztutako matrikula artxibatu egingo da, interesdunari horren berri eman eta gero. Interesdunak erantzunik ematen ez badu, matrikula-eskaera bertan behera utziko da, horretarako emango den erabakiaren bidez.

Matrikula egin eta gero berezko tituluaren antolatzaileek ikasketak ez direla emango erabakitzen badute, berezko tituluaren zuzendari akademikoak horren berri eman beharko die ikasle guztiei, matrikula egiteko epea amaitu eta 5 eguneko epean. Jakinarazpen horretan adierazita agertu beharko da zeintzuk diren egin beharreko tramiteak ordaindutako prezioak jasotzeko; izan ere, idatzia aurkeztu beharko da Berezko Ikasketen Atalean datu hauekin: ikaslearen datuak, bankuko kontua (20 digitu), kontuaren titularra eta titularraren NANa (ikaslea bera ez bada).

Doktoregoko Azpibatzordeak matrikula egiteko epea bukatu eta gero erabakitzen badu berezko titulua ez dela irakatsiko, tituluaren zuzendari akademikoak horren berri eman beharko die ikasle guztiei, bost eguneko epearen barruan erabakia jaso eta biharamunetik kontatzen hasita. Ordaindutako prezio publikoak jasotzeko egin beharreko tramiteen berri ere emango zaie ikasleei, aurreko atalean adierazitako moduan.

Tramite hori egiteko, IV. eranskineko dokumentua bidaliko dio Berezko Ikasketan Atalak berezko tituluaren zuzendari akademikoari. Zuzendariak inprimakiak bete eta itzuli egingo ditu; atalak, egiaztapenak egin ondoren, Kontabilitate Zerbitzura bideratuko du, BGGa eta horri lotutako kontu korrontea irekitzeko.

BGGaren lehen arduraduna berezko tituluaren zuzendari akademikoa izango da. Zuzendari akademiko bat baino gehiago badira, titulazioa proposatu zuen organoak erabakiko du zein izango den BGGaren arduraduna.

BGGaren bigarren arduraduna berezko tituluaren zuzendaritza akademikoa izango duen saileko zuzendaria izango da. Sail bat baino gehiago badira, Akademia Batzordearen burua dagoen saileko zuzendaria izango da. Irakasle berberak betetzen baditu kargu biak, bigarren arduraduna saileko idazkaria izango da.

Kontabilitate Zerbitzuak jakinaraziko die Berezko Ikasketen Atalari eta sailari BGGaren eta kontu korrontearen zenbakia.

BGGa itxi egingo da titulazioa bertan behera geratzen denean edo bi aldi jarraitutan luzapenik eskatzen ez denean. Hala ere, BBGetako dirua atxiki egingo da berezko titulua irakasten ez denean.

Berezko tituluko irakasle taldeetako aldaketei dagokienez, aldaketok ondo arrazoituta egon beharko dira, eta kontuan hartuko dira baldin eta ezustekoen ondorioz eragindakoak badira (adibidez, laneko baja...). Ez dira onartuko, baina, edukietan egindako aldaketen edo egokitzapenen ondorioz eragindakoak. Horiek, V. eranskinari jarraituz egin beharko dira.

Akademia Batzordearen erabakiaren kontra gora jotzeko errekurtsoa aurkeztu ahal izango dio interesdunak UPV/EHUko Doktorego Azpibatzordeari. Horretarako epea hilabetekoa izango da, jakinarazpena hartzen den egunaren biharamunetik kontatzen hasita.

Kalifikazioa Gai, Ez gai ala Aurkezteke izango da, eta esleituriko kreditu guztiei dagokie. Ez da egongo zati bat gainditzeko aukerarik. Deialdi bakarra egingo da titulu bakoitzerako ezarritako gutxieneko kredituak gainditzeko, eta ez da egongo horretarako salbuespenik, ez bada Doktoregoko Azpibatzordeak horretarako beren-beregiko baimena eman duela.

Ikasturte bat baino gehiago iraungo duten ikastaroen kasuan, azken ebaluazioa egin ahal izango da ikasturtearen bukaeran. Ebaluazioa gaindituz gero, kalifikazioa gorde egingo da eta hurrengo ikasturteren baten antolatuz gero titulazioa, kredituok aitortu ahal izango dira titulazioa lortze aldera.

1. – Kalifikazioen aktak.

   Aktetan adieraziko diren kalifikazioak eskuz egin beharko dira eta berorien zuzendaritza akademikoa izan duten Akademi Batzordeko kideek eta saileko edo institutuko zuzendariak sinatu beharko dituzte, nahitaez. Aktek ez dute emendakin, zirriborro edo zuzenketarik izan behar. Izango balituzte, diligentziaturik egon beharko dute eta lehen aipaturiko pertsonek beren-beregi sinatuta.

   Ikasleen % 20ak aipamen berezia lortu ahal izango du eta tituluan jasota ageriko da.

   Aktak bete eta gero, Berezko Ikasketen Atalera igorriko dira, epea amaitu eta hilabetearen buruan gehienera.

   Kalifikazioak, berezko titulua irakasten duen sail/institutu/ikastegi bakoitzeko iragarki taulan emango dira argitara; erreklamazioak eta abarrak egiteko epeak argitaratze egunean hasiko dira.

Akademia Batzordeak egingo du ikaslearen azken ebaluazioa eta ebaluazio orokorra.

Azken kalifikazioari dagozkion aktak argitaratuta, ikasleak erreklamazio idatzia bidali ahal izango dio UPV/EHUko Doktoregoko Azpibatzordeari, kalifikazioa argitaratu eta hamar egun balioduneko epearen barruan.

Erreklamazioak ebatzi eta horren berri emango zaie ikasleei, gehienez ere hilabeteko epean, erreklamazioa aurkeztutako egunaren biharamunetik aurrera kontatzen hasita.

Doktoregoko Azpibatzordeak hartutako erabakiaren kontra ikasleak gorako administrazio-errekurtsoa aurkeztu ahal izango dio UPV/EHUko errektore jaunari, erabaki horren berri izan eta hilabeteko epean. Errektore jaunak, erreklamazioa ebazteko, txostena eskatuko die Akademia Batzordeari eta Doktoregoko Azpibatzordeari.

Erabakia hori behin betikoa izango da eta administrazio bidea agortuko du.

Ikasleak, matrikulaturik dagoen ikastegi, sail edo institutuan eskatuko du baliozkotzea, eredu normalduan. Hori egiteko azken eguna ikastaroa hasi eta hilabete igarotzen denean izango da.

Tituluko Akademia Batzordeak matrikula aldia amaitu eta hilabeteko epea izango du baliozkotzeak ebazteko, eta hartutako erabakiaren berri emango dio ikasleari. Erabaki horretan honako hauek adieraziko dira: baliozkotutako kredituak eta, baleude, baliozkotu ez direnak, arrazoiak azalduta. Era berean, jakinaraziko du unibertsitateko Doktoregoko Azpibatzordeari errekurtsoa aurkezteko aukera dagoela, eta epea zenbatekoa den zehaztuko da.

Baliozkotzeen erabakia bukatu eta gero, baliozkotzeen akta bidaliko da Berezko Ikasketen Atalera, VI. eranskineko ereduari jarraiki.

2. – Baliozkotzeetarako mugak.

   Lehendik egindako ikasketengatik graduondoko berezko tituluetara bideratutako ikasketa-programetako gaien baliozkotzeak berezko tituluko Akademia Batzordeak erabakiko ditu, Graduondoko Azpibatzordeak ezarritako arautegiari jarraituz.

   Ezin izango dira baliozkotu graduondokora sartzeko bidea eman duen titulazioan egindako kredituak. Bestalde, berezko beste titulu batzuetan lortutako kredituak baliozkotzeko, honakoari jarraitu beharko zaio:

   Aurretik egindako ikasketak Uneko ikasketak Gehienez baliozkotu daitekeen

   kreditu-kop.

   Unibertsitateko espezialista Unibertsitateko masterra Ikasketa-planaren % 50

   Unibertsitateko masterra Unibertsitateko espezialista Ikasketa-planaren % 30

   Unibertsitateko espezialista Unibertsitateko espezialista Ikasketa-planaren % 30

   Unibertsitateko masterra Unibertsitateko masterra Ikasketa-planaren % 30

   UPV/EHUn egindako etengabeko prestakuntza Unibertsitateko masterra edo espezialista Ikasketa-planaren % 30

   Inola ere ez dira baliozkotuko master ofizial eta doktoregoko ikastaroak.

3. – Baliozkotutako kredituen tasak:

   1. Unibertsitate publikoetan buruturiko ikasketa ofizialengatik baliozkotutako kreditua: dohainik.

   2. Titularitate pribatuko unibertsitateetan edo atzerriko ikastegietan buruturiko ikasketa ofizialengatik baliozkotutako kreditua: kredituari dagokion zenbatekoaren % 25.

   3. Unibertsitate honetako berezko titulu berean buruturiko ikasketengatik baliozkotutako kreditua: dohainik.

   4. Unibertsitate honetako beste berezko titulu batean buruturiko ikasketengatik baliozkotutako kreditua: kredituari dagokion zenbatekoaren % 25.

   5. Unibertsitate publikoetan edo ez publikoetan egindako ikasketa ez ofizialengatik baliozkotutako kreditua: kreditu osoa ordaindu behar da.

1. Behar bezala beteriko eskaria.

2. Kasuan kasuko tasak ordaindu direla egiaztatzen duen ordainagiria. Familia ugariko kideen kasuan edo ekintza terroristen biktimen kasuan arautegi honetako 8.1 artikuluan jasotakoa beteko da.

   2. – Aurreko ikasturte akademikoetan matrikulaturiko ikasleek, matrikulaturik egon diren ikastegi, sail edo institutuetako idazkaritzetan eskatu beharko dituzte ziurtagiri akademikoak, eta bertan adieraziko zaien dokumentazioa eman beharko dute.

   3. – Gai kalifikazioa lortu ezean, bertaratze ziurtagiria eskatu ahal izango du ikasleak. Ziurtagiriok Akademia Batzordeak sinatuko ditu, eta batzordeak berak zehaztuko ditu ziurtagiriok emateko baldintzak.

      Egiaztagiri horiek 18. artikuluan jasotakoaren arabera ordainduko dira.

Berezko titulu eta ziurtagiriengatik ordaindu beharreko tasak, baldin eta Gizarte Kontseiluaren erabakia aldatzen ez bada, Eusko Jaurlaritzaren Hezkuntza, Unibertsitate eta Ikerketa Sailak ezarritakoak izango dira.

Tasa horiek 6. artikuluan adierazitako kontuetako batean ordaindu beharko dira.