1. – Honako hauek dira saileko kontseiluko kideak: zuzendaria, idazkaria, saileko irakasle funtzionario eta lan kontratuko irakasle iraunkor guztiak, irakasle doktore ez-iraunkor guztiak, sailari atxikitako doktore guztiak, sailari atxikitako gainerako irakasle ez-doktoreak, hirugarren zikloko ikasleen ordezkari bat, bigarren zikloko ikasleen ordezkari bat, lehenengo zikloko ikasleen ordezkari bat eta administrazioko eta zerbitzuetako langileak.

2. – Ikasleen ordezkarien agintaldia urtebetekoa da.

3. – Lehenengo eta bigarren zikloko ikasleen ordezkarien agintaldia urtebetekoa da, eta saileko irakasleek eskolak ematen dituzten ikastegietako ikasle kontseiluen bitartez aukeratu behar dira, Ikastegietako Ikasle Kontseiluen Oinarrizko Arautegiak xedatutako prozedurari jarraiki.

4. – Hirugarren zikloko ikasleen ordezkaria saileko zuzendaritzak deituta urtero, abenduan, egingo den bileran aukeratu behar da. Bilerara honakoak deituko dira: saileko graduondoko berezko tituluetan eta doktorego programetan eta tesietan matrikulatutako ikasle guztiak eta sailari atxikitako ikerketako bekadunak. Horretarako, saileko zuzendaritzak bilera horretara deitu beharreko ikasleen errolda eskatu beharko dio hala dagokion zerbitzuari.

Ordezkari eginkizunak pertsonalak eta besterenezinak dira, eta honako hauek dira ordezkari izateari uzteko arrazoiak:

1. Hiltzea edo ezintasunen bat izatea.

2. Hauteskundeak baliogabetzea.

3. Agintaldia amaitzea.

4. Dimisioa aurkeztea.

5. Ordezkaria aukeratu zuen sailekoa edo taldekoa izateari uztea.

6. Organoen elkarren segidako hiru bileratara edo txandakako bost bileratara justifikatu gabe huts egitea.

1. – Honako hauek dira saileko kontseiluaren eginkizunak:

   1. Saileko zuzendaria hautatzea arautegiak xedatutakoari jarraiki.

   2. Urteko txosten ekonomikoa, saileko irakaskuntzaren eta ikerketaren memoria eta eginkizunen plana onartzea.

   3. Urteko irakats eskaintza programatu eta ebaluatzeko irizpideak onartzea.

2. – Orobat, honako eginkizun hauek ditu saileko kontseiluak:

   1. Gobernu Kontseiluari arautegiaren proiektua eta, dagokionean, arautegiaren erreforma proiektua aurkeztea, hark onar ditzan.

   2. Irakaskuntzaren ezaugarriak kontuan hartuta egoki denean, irakaskuntzaren zati bat beste erakunde batzuetan emateko proposamena egitea Gobernu Kontseiluari, azken horrek baimendutako hitzarmeneko baldintzei jarraituz.

   3. Jarduerak ikastegiekin koordinatzeko programak onartzea.

   4. Dagokionean, sailaren gune fisikoak esleitzeko irizpideak onartzea.

   5. Saileko arautegian jasotako eskumenen esparruan, ordezkariak hautatzeko arauak ematea. Saileko zuzendaritzak deitu behar du hauteskundeetara, Hauteskunde Araubide Orokorrean xedatutakoari jarraiki.

   6. Indarrean dagoen legediak, UPV/EHUko Estatutuek eta horiek garatuko dituzten arauek zehaztutako gainerako guztiak, baita eskuordetzen zaizkionak ere.

1. – Nazioarteko Zuzenbide Publiko, Nazioarteko Harreman eta Zuzenbidearen Historiako sailak kontseiluaren batzorde iraunkorra izango du. Kontseiluaren batzorde iraunkorra zuzendariak, idazkariak, sail ataletako koordinatzaileek eta bederatzi irakaslek osatuko dute. Alde horretatik, ataletako koordinatzaileak ez dira irakasletzat hartu.

2. – Gainera, bekadunen eta ikasleen ordezkari batek eta administrazioko eta zerbitzuetako langileen ordezkari batek hartu behar dute parte batzorde iraunkorrean, eta biak ala biak kontseiluko kideen artean hautatu behar dira.

3. – Artikulu honen ondorioetarako, ez dira bekaduntzat hartuko bekadun lankideak.

4. – Batzorde iraunkorreko ordezkariak Hauteskunde Arautegi Orokorrean xedatutakoari jarraiki aukeratu behar dira.

5. – 10. artikuluan araututako arrazoiren bat badago, batzorde iraunkorreko ordezkariek ordezkari izateari utzi behar diote.

1. – Batzorde Iraunkorraren eginkizunak izango dira kontseiluak arautegi honi jarraiki eskuordetutakoak. Hurrengo hauek, hain zuzen ere:

   1. Saileko langileei irakats betebeharrak eta balizko aldaketak esleitzea, arautegi honetako 33. artikuluari eta hurrengoei jarraiki.

   2. Irakasgaien oinarrizko programak ezartzea kasuan kasuko ikasketa planaren barruan.

   3. Hirugarren zikloko, doktoregoko eta gainerako ikasketetako (unibertsitateko berezko tituluetara bideratutako ikasketak izan edo ez) eskaintzak proposatzea, kasuan kasuko proposamenak eginez eta euren gain dituzten programen ezarpen eta koordinazio akademikoaz arduratuz. Edonola ere, doktorego programetako irakats zama kasuan kasuko saileko kontseilua entzun ondoren esleitu behar da.

   4. Legediak baimentzen dituen baldintzetan, doktorego tesiak ebaluatu behar dituzten pertsonak izendatzeko proposamenak onartzea, baita bestelako epaimahaietako kideenak ere.

   5. Irakasleei eta ikertzaileei ikerketa eginkizunetan eta ekimenetan laguntzea.

   6. Plaza berriak eskatu eta saileko langileen lanpostuen zerrendan egin beharreko aldaketak proposatzea.

   7. Irakasleen lanari buruzko txosten arrazoituak egitea, irakaskuntza merezimenduak eskuratu eta kontratuak berritze aldera.

   8. Zientziaren, teknikaren eta artearen alorreko lanak egiteko Estatutuetako 141. artikuluan xedatutako kontratuak egiteko baimenak ematea, betiere, sailen eskumenen esparruan eta Gobernu Kontseiluak onartutako araudiari jarraiki.

   9. Venia docendi emateaz informatu behar bada, aurrez jakinarazita.

   10. Beharrezko bitartekoak sortu eta ekimenak egitea, saileko jardunaren kalitatea sustatu eta hobetzeko, baita gestio eraginkorra bermatzeko ere Europako, Estatuko eta Euskal Autonomia Erkidegoko programen baitan. Horretarako, Unibertsitatean ezarritako ebaluazio prozesuak sustatu eta horietan parte hartu behar dute.

2. – Edonola ere, eskuordetutako eginkizunek ezin izango diete kalterik egin sailaren arautegiko eginkizunei, ez sailaren arautegia onartzeari ez eta Estatutuek edo unibertsitatearen gaineko legedia orokorrak kontseiluaren eskumen esklusibo eta eskuordetu ezintzat jotzen dituen eginkizunei ere.

3. – Batzorde iraunkorrak, 1. paragrafoaren a) eta f) letretan aipatutako eginkizunen baitan, hartuko dituen erabakiak ez dira bete egin behar, saileko kontseiluak berretsi edo, hala badagokio, aldarazi bitartean.

4. – Saileko kontseiluko kideek batzorde iraunkorrak hartutako erabakien berri izan behar dute unean-unean.

2. – Ataleko kontseiluak idazkaria izendatu behar du dela oro har, dela unean-unean, bileren eta erabakien inguruko aktak egiteko.

Honako hauek dira ataletako kontseiluetako kide: ataleko irakasle eta ikertzaile guztiak, atalari lotutako administrazioko eta zerbitzuetako langileak eta ikasle bat, kasuan kasuko ikastegi edo ikastegietako ikasle kontseiluek hautatutakoa.

Honako hauek dira ataleko kontseiluaren eginkizunak:

1. Koordinatzailea aukeratzea kideen artean, saileko kide anitzeko organoetan ordezkari izan dadin.

2. Atalari dagozkion irakats eta administrazio eginkizunen programazioa eta antolakuntza proposatzea saileko kontseiluari edo, dagokionean, batzorde iraunkorrari eta bestelako gobernu, ordezkaritza eta administrazio organo osagarriei.

3. Atalari dagozkion auzien berri ematea saileko kontseiluari.

4. Euren eskumeneko auzien inguruko proposamenak egitea saileko kide anitzeko organoei.

5. Ataleko urteko memoriak onartzea saileko memorian txertatzeko.

6. Ataleko aurrekontua kudeatzea.

7. Saileko kontseiluak eskuordetutako gainerakoak.

1. – Bilerak ohikoak eta ezohikoak izan daitezke.

2. – Deialdiak ohiko bileretarako egin behar dira oro har. Saileko kontseiluak urtean bitan gutxienez egin behar du ohiko bilera, eta batzorde iraunkorrak, berriz, gutxienez bi bilera seihileko bakoitzean.

3. – Ezohiko bilerarako deia egingo dute aztertu beharreko gaiak direla-eta beharrezkoa denean edo aplikatu beharreko araudiak xedatutako kasuetan. Ezohiko bileretako gai zerrendan ezin dira honako gai hauek agertu: aurreko akten onespena eta galde-eskeak.

4. – Presazko bilerak ezohikoak dira eta deia gutxienez 24 ordu lehenago egin behar da. Halakoetan, bileraren hasieran berretsi egin behar da bilera egiteko arrazoia benetan premiazkoa dela. Berresten ez bada, bilera bertan behera geratuko da besterik gabe.

1. – Kide anitzeko organoetako buruak egin behar du bileretarako deia. Gainera, kide anitzeko organoko kideen edo saileko irakasle doktoreen % 33k eskatzen badute, organoaren bilerarako deia egin behar da. Bilera horiek ezohikoak dira eta eskaera egin eta zazpi egun balioduneko epean egin behar dira gehienez.

2. – Bilerarako deiak organoko idazkariak bideratu behar ditu, aurrerapen nahikoaz eta, edonola ere, bilerak egin baino gutxienez hiru egun lehenago. Bilerak non egingo diren, zein ordutan eta zein gai aztertuko diren adierazi behar da deialdian. Aztertu beharreko gaiei buruzko dokumentuak aurrerapen nahikoaz eskuratzeko aukera izan behar dute organoko kideek, eta, edonola ere, bilera egin baino 24 ordu lehenago.

3. – Gai zerrenda osatzen duten puntuak zehatz-mehatz jaso behar dira deialdietan. Puntu horien artean, organoko kideen gutxienez % 10ek saileko zuzendaritzari kontseiluaren hurrengo bilera deia argitaratu eta hurrengo 48 orduetan eskatutakoak agertu behar dute. Ezin da hartu gai zerrendan agertzen ez diren puntuei buruzko erabakirik; hala ere, organoko kideen bi heren baino gehiago badaude bileran, eta bozkatu eta gehiengo osoak gaia premiazkoa dela uste badu, erabakia har daiteke.

4. – Guztiak jakitun egon daitezen, deialdiak argitara eman behar dira organoari dagokion egoitzan eta gainerako gune guztietan, eman ere organoetako kideei bileretarako deia egiten zaien egun berean.

1. – Kide anitzeko ordezkari eginkizunak pertsonalak eta besterenezinak dira.

2. – Organoa eratu ostean, hutsik geratzen diren lekuak kasuan kasuko zerrendetako ordezkoek bete behar dituzte. Aipatutako irizpideari jarraiki eta bete ezin den leku kopurua kideentzako lekuen % 50ekoa edo handiagoa edo organoetako kideentzako lekuen % 30ekoa edo handiagoa bada, hauteskunde partzialak egin behar dira lekuak betetzeko. Modu horretara hautatutakoek ordezkatu beharreko kideen agintaldia amaitu arte bete behar dituzte ordezkari eginkizunak.

1. – Kide anitzeko organoko kideek organoaren bileretara joateko eskubidea eta betebeharra dute, eta arautegiak ezartzen dizkien eginkizunak bete behar dituzte. Bileretara joanez gero, organoetako kideek ez dituzte unibertsitateko gainerako eginkizunak bete behar, baina kasuan kasuko organoek beharrezko neurriak hartu behar dituzte betebehar horiek bete egiten direla eta zerbitzua eman egiten dela bermatzeko.

2. – Kide anitzeko organoko kideek eskubidea dute administrazio idazkariari euren eginkizunak behar bezala aurrera eramateko beharrezkoa duten eta saileko idazkaritzaren eskutan dagoen dokumentazioa eta informazioa eskatu eta eskuratzeko, betiere pertsonen intimitaterako eskubidea babestuta.

1. – Kide anitzeko organoak balioz eratzeko, beharrezkoa da kideen gehiengo osoa egotea lehen deialdian, edo kideen gutxienez heren bat egotea bigarren deialdian. Lehen eta bigarren deialdiaren artean ordu erdiko tartea egotea beharrezkoa izango da. Edonola ere, organoko buruak eta idazkariak beti egon behar dute edo, bestela, euren ordezkoek.

2. – Organoa eratzeko quorumari dagokionez, ez dira kontuan hartuko, 23. artikuluari jarraituz, eskuordetutako botoak.

3. – Organoa bigarren deialdian eratzeko beharrezko quoruma bozketa guztietan da beharrezkoa.

1. – Kide anitzeko organoko buruak bermatu egin behar du bilera behar bezala betetzen ari dela eta, arrazoirik egonez gero, bertan behera uzteko erabakia har dezake.

2. – Eztabaidak gai zerrendari jarraiki egin behar dira. Dena dela, beharrezkoa izanez gero, kide anitzeko organoak bileraren ordena aldatzea erabaki dezake organoko buruak egindako proposamenari jarraituz.

3. – Beharrezkotzat joz gero, organoko buruak gaiaren inguruan eztabaidatzeko denbora muga dezake, bozketa egin aurretik, bai eta egon daitekeen parte hartze kopurua ere.

4. – Kide anitzeko organoko buruaren iritziz, egokia bada, kide ez diren pertsonak gonbida ditzake bilerara, gai zerrendako punturen batekin zerikusia duen iritzia edo informazioa eman dezaten. Aktan bileran gonbidatuak izan direla jaso behar da. Gonbidatu horiek ez dute inolaz ere botoa emateko eskubiderik izango.

1. – Erabakiak hartu ahal izateko, emandako boto baliodunen artetik gehiengo soila beharko da, Estatutuek, ikastegiaren arautegiak edo gainerako lege xedapenek beste gehiengoren bat eskatzen ez duten kasuetan izan ezik. Horrenbestez, proposamen bakarra izanez gero, onartu egingo da aldeko botoak kontrakoak baino gehiago badira. Bi proposamen badaude, aldeko boto gehien lortzen dituena onartuko da. Bi proposamen baino gehiago daudenean, emandako botoen gehiengoa lortzen duena onartuko da edo, lehenengo botazioan boto gehien lortu dituzten bi proposamenen artean, bigarren botazioan boto gehien lortzen dituena. Berdinketa izanez gero, berriro egin behar da botazioa; orduan ere berdinketa izanez gero, organoko buruak kalitatezko botoa izango du.

2. – Botazioek isilpekoak izan behar dute kide anitzeko organoko kideren batek hala eskatzen badu. Dena dela, botazioek beti izan behar dute isilpekoak, pertsonei buruzkoak badira.

3. – Aurkako botoa ematen dutenek ez dute erantzukizunik izango kide anitzeko organoak hartutako erabakietan, baldin eta aurkako botoa emateko arrazoia jasota geratzen bada. Era berean, ez dute erantzukizunik izango abstentzioa aurkezten dutenek. Botazioa isilpekoa denean, interesdunak botoaren arrazoia azaltzen duen testua eman behar dio organoko idazkariari, boto txartelarekin batera. Boto txartelak eta testuak aktari erantsi behar zaizkio.

4. – Arautegi honek botoa kide anitzeko organoko beste kide batzuen esku uztea baimentzen du. Kide anitzeko organoko kideek boto bakar bat izan dezakete eskuordetuta. Organoetako kideek idatziz adierazi behar dute botoa eskuordetu egin dutela, eta idatzi hori bilerako aktari erantsi behar zaio.

5. – Kide anitzeko organoko kideek beren botoa eta horren azalpena agerraraz dezakete aktan; azalpena idatziz eman behar dute bozkatzean. Unibertsitateko beste organo batzuei egindako proposamenak badira, kideen boto bereziak beti agerrarazi behar dira haiekin batera.

1. – Idazkariak bilerako akta egin behar du. Akta bileran bertan edo hurrengoan onartu behar da, eta aktaren zirriborroa hurrengo bilerako gai zerrendari dagozkion dokumentuekin batera banatuko dira. Akta onartu ostean, idazkariak sinatu eta organoko buruak ontzat eman behar du.

2. – Aktan honako hauek jaso behar dira nahitaez: bilerara etorri direnen zerrenda eta azalpena emanez bilera amaitu aurretik alde egin dutenen berariazko aipamena; gai zerrenda; bilera non eta zein ordutan egin den; bileran aztertutako puntuak; botazioak nola egin diren eta emaitzak; hartutako erabakien edukia eta, egoki joz gero, arrazoien azalpen laburra.

3. – Boto bereziak ere jasota egon behar dira aktan, baldin eta boto berezia eman duten kideek hala eskatzen badute. Kide anitzeko organoko kideek euren parte hartzea edo proposamena aktetan hitzez hitz jasotzeko eska dezakete. Horretarako, idatziz aurkeztu behar dute testua eskaera egin eta segituan edo, bestela, organoko buruak adierazitako epean.

4. – Kide anitzeko organoko kideek aktetan aldaketak egiteko proposamenak egin ditzakete akta onartzeko unean. Idazkariak egiaztatu egin behar ditu proposatutako aldaketak eta, gehiengoak aldeko botoa ematen badu, onartu egin behar dira.

5. – Kide anitzeko organoa aldatu baino lehen, bilera egin behar da onartzeke dauden akta guztiak onartzeko. Bilera hori egitea ezinezkoa bada, akten zirriborroak bidali behar zaizkie kide anitzeko organoko kide zirenei, eta hamar eguneko epea eman edukiari buruzko erreklamazioak egiteko. Ez bada erreklamaziorik aurkezten esandako epearen barruan, aktak onartutzat eman behar dira; erreklamaziorik aurkeztuz gero, berriz, kide anitzeko organo berriak egin beharreko lehen bileran onartu behar dira.

6. – Aktak, behin onartuta, saileko kideek idazkaritzako agiritegian eskuratu ahal izango dituzte kontsultetarako, betiere pertsonen intimitatea babestuta.

1. – Idazkariak kide anitzeko organoak hartutako erabakien fede eman eta ziurtagiriak egin behar ditu.

2. – Erabakiak saileko iragarki oholetan argitaratuko dira (egoitzan eta eskolak ematen diren beste ikastegietan) horiek hartu eta berehala, eta, beti ere, hiru egun balioduneko epean, pertsonen intimitatea babestuta. Edonola ere, organoko idazkariak eta buruak erabakiak argitaratu egiten direla bermatu behar dute, baita ere, argitaratu eta hilabete batez gutxienez jendaurrean egongo direla.

1. – Kide anitzeko organoak hartutako erabakiek onartzen direnetik aurrera dute eragina, erabakian bertan kontrakorik adierazi ezean. Erabakien berri eman behar zaie kasuan kasuko organoei.

2. – Pertsonei buruzko erabakiak, irakats betebeharrak esleitzekoak eta lanpostuen zerrendan edo kontratuko langileen zerrendan eragin zuzena duten pertsonei jakinarazi behar zaizkie. Erabakiek jakinarazpena egiten den unetik aurrera dute eragina, eta jakinarazpenak Administrazio Prozeduraren Legean xedatutako moduan egin behar dira.

3. – Sailaren arautegiko IV. tituluko II. kapituluak aipatzen dituen kide anitzeko organoek hartzen dituzten erabakien kontra gorako errekurtsoa aurkez dakioke errektoreari, erabakia hartu zen bilerako akta argitaratu eta hilabeteko epean.

4. – Pertsonei buruzko erabakien kontra gorako errekurtsoa aurkez dakioke errektoreari erabakia interesdunari jakinarazi eta hilabeteko epean.

2. – Sailean zuzendaririk ez badago, horren berri eman beharko dio idazkari nagusiari saileko idazkariak, edo, bestela, saileko kategoria eta antzinatasunik handieneko kideak, eta batzorde iraunkorraren bilerarako deia egin edo, bestela, saileko kontseilua bilerara deitu berehala, xedatutako baldintzak betetzen dituena izenda dezaten saileko behin-behineko zuzendari. Halakoetan, kategoria eta antzinatasunik handieneko kidea izango da bilerako buru, eta saileko zuzendari eginkizunak beteko ditu. Artikulu honetan xedatutako eginkizunak betetzen ez badira, edo hiru hilabete baino gehiago igaro eta ez bada zuzendaririk aukeratu dena delakoagatik, errektoreak ofizioz izendatuko du behin-behineko zuzendaria, kasuan kasuko erantzukizunei kalterik egin gabe.

3. – Zuzendariaren agintaldia lau urtekoa da. Zuzendaria behin bakarrik berrautatu daiteke, eta lehen hautaketako gehiengo berdina lortu beharko du.

4. – Zuzendariak Estatutuetako 250. artikuluan jasotako arrazoiengatik utziko du kargua. Zentsura mozioaren arrazoia azaltzen duen idazkia aurkeztuko da saileko Idazkaritzan. Kontseiluko kideen % 20k, gutxienez, sinatu behar du mozioa eta zuzendari izateko hautagai baten izena behintzat agertu behar da. Zentsura mozioa aurkeztu eta baldintza guztiak betetzen dituela egiaztatu ondoren, zuzendariak saileko kontseiluari bilera baterako deia egingo dio hurrengo 72 orduetan. Bilera, zentsura mozioa aurkezten denetik hasita, gehienez ere, hamabost eguneko epean egingo da. Eztabaidan, lehenik eta behin, zentsura mozioa sinatu duten saileko kontseiluko kideetako batek mozioa defendatuko du. Jarraian, zuzendari izateko hautagaiak hartuko du hitza eta bere proposamena egin eta azalduko du. Zentsura jaso duenak erantzuteko eskubidea izango du, eta, ondoren, saileko kontseiluko kideek hitz egingo dute, hala nahi izanez gero. Aldeko eta aurkako txandak egongo dira.

   Zentsura onartzeko, kontseiluko kideen aldeko boto gehiago egon behar dira. Saileko kontseiluak onartutako zentsura mozioa onartuz gero, zuzendariak dimisioa aurkeztuko du segidan. Onartutako zentsura mozioan zuzendari izateko azaltzen zen hautagaia zuzendari berritzat hartuko da.

1. – Errektoreak irakats betebeharretatik salbuets dezake zuzendaria, eta arduraldia gehienez ere erdira murriztu.

2. – Agintaldia amaitzean, zuzendariak irakats betebeharretatik neurri berean salbuetsita egoteko eskubidea du uneko lauhilekoa bukatu arte, ohiko azterketa aldia barne. Horretarako, gutxienez hiru urte edo gehiago eman behar ditu karguan.

1. – Honako eginkizun hauek ditu saileko zuzendariak:

   1. Sailaren ordezkari izatea.

   2. Saileko kontseiluko buru izatea eta, dagokionean, saileko batzorde iraunkorreko buru ere bai, saileko arautegiari jarraiki.

   3. Saileko kideen eskariak eta iradokizunak jaso eta bideratzea.

   4. Saileko administrazio eta zerbitzuetako langileen funtzioak zuzentzea.

   5. Sailaren urteko memoria, eginkizunen plana eta txosten ekonomikoa egitea.

   6. Saileko kontseiluak, batzorde iraunkorrak eta, dagokionean, ataletako kontseiluek hartutako erabakiak betearaztea.

   7. Sailak eta saileko kideek irakats betebeharrak eta gainerako eginkizun akademikoak behar bezala betetzen dituztela bermatzea.

   8. Sailean zientziaren, teknikaren, giza zientzien eta artearen alorreko ikerlanak egiteko beharrezko diren kontratuak sinatzea.

   9. Hirugarren zikloko eta doktoregoko ikasketak koordinatzea programen arduradunekin batera.

   10. Eginkizunak betetzeko egoki diren batzordeak eratzea.

   11. Isilpeko informazioa jasotzea eta diziplina espedientea irekitzeko proposamena egitea.

   12. Saileko beste organoei agindu ez zaizkienak, unibertsitateko gobernu organoek eskuordetutakoak eta Estatutuek edo indarrean dagoen legediak zehaztutako gainerako guztiak.

2. – Era berean, lankidetza hitzarmenak sinatu behar ditu, Gobernu Kontseiluaren jarraibideek xedatutako baldintzetan.

2. – Honako hauek dira kargua uzteko arrazoiak: dimisioa aurkeztea, heriotza, lege ezintasuna, saileko kide izateari uztea eta zuzendariaren proposamenari jarraiki errektoreak hala erabakitzea.

3. – Idazkariari dagokio saileko idazkaritza akademikoak berezkoak dituen eginkizunak betetzea, baita zuzendariari laguntzea ere.

4. – Idazkariak saileko kide anitzeko gobernu, ordezkaritza eta administrazio organoen jardunaren eta erabakien fede emango du; akta liburuak egin eta zaintzeaz arduratuko da, eta ziurtagiriak egingo ditu, hala erabakienak, nola saileko dokumentazio ofizialean ageri diren gertakarienak edo ekimenenak.

2. – Ataleko koordinatzailea ataleko kontseiluaren ordezkari da saileko kontseiluan, eta honako eginkizun hauek ditu:

   1. Saileko gobernu organoei irakaskuntza eta ikerkuntza arloko planen eta atalen beharrizanen inguruko memorien berri ematea, baita kontseiluen erabakien, eskarien eta iradokizunen berri ere.

   2. Bilerako gai zerrendak osatu, ataleko kontseilua bileretara deitu eta haien buru izan, bileretako aktak zaindu eta saileko organoei erabakien berri ematea.

   3. Saileko zuzendariari laguntzea irakaskuntza eman eta sailaren eta bertako kideen gainerako eginkizun akademikoak behar bezala betetzen, ataleko irakaskuntza eta ikerkuntza koordinatu eta beharrezko proposamenak eginez.

   4. Ataleko urteko memoria egitea, saileko memoria osatzeko.

3. – Gizarte eta Komunikazio Zientzien Fakultateko ataleko koordinatzaileari dagokio saileko ordezkaria izatea Bizkaiko Campuseko Batzarrean.