Arautegia
InprimatuEBAZPENA, 2013ko maiatzaren 14koa, Ekonomiaren Garapen eta Lehiakortasuneko sailburuarena, «Joxe Mari Korta» sarien 2013ko deialdia argitaratzen duena, «Joxe Mari Korta» sariak arautzen dituen 2009ko uztailaren 29ko Aginduan ezarritako esparruaren barruan.
Identifikazioa
- Lurralde-eremua: Autonomiko
- Arau-maila: Agindua
- Organo arau-emailea: Ekonomiaren Garapen eta Lehiakortasun Saila
- Jadanekotasuna-egoera: Indarrean
Aldizkari ofiziala
- Aldizkari ofiziala: EHAA (Euskal Herria)
- Aldizkari-zk.: 109
- Hurrenkera-zk.: 2637
- Xedapen-zk.: ---
- Xedapen-data: 2013/05/14
- Argitaratze-data: 2013/06/07
Gaikako eremua
- Gaia: Administrazioaren antolamendua; Ogasun eta Ekonomía
- Azpigaia: Instituzional; Ekonomia
Testu legala
2009ko uztailaren 29ko Aginduak (2009ko abuztuaren 10eko EHAA, 151. zk.) arautzen ditu «Joxe Mari Korta» sariak. Agindu hori Ekonomiaren Garapen eta Lehiakortasuneko sailburuaren 2011ko apirilaren 20ko Aginduaren bidez aldatu zen (2011ko maiatzaren 17ko EHAA, 92. zk.).
Agindu horren 4. artikuluan ezarritakoaren arabera, bidezkoa da 2013ko ekitaldiko sarien deialdia egitea eta horretarako eman beharreko arauak ematea.
Horiek horrela, aipatutako aginduaren 4. artikuluan ezarritako ahalmenaz baliatuz, hau
«Joxe Mari Korta» sariak arautzen dituen Industria eta Berrikuntzako sailburuaren 2009ko uztailaren 29ko Aginduan aurreikusitako laguntzen 2013ko deialdia egitea da ebazpen honen helburua. Agindu hori, Industria, Berrikuntza, Merkataritza eta Turismoko sailburuaren 2011ko apirilaren 20ko Aginduak aldatu zuen, «Joxe Maria Korta» sariak arautzen dituenak.
Agindu arautzailearen 3. artikuluan zehazten diren pertsona fisikoak izan daitezke ebazpen honen bitartez deitutako sarien onuradun.
Aurkeztutako hautagaiek Aginduan ezarritako baldintzak betetzen dituztela egiaztatu beharko dute, Agindu arautzailearen 5. artikuluan xedatutakoaren arabera.
Hautagaitzak eta aginduzko gainerako agiriak Ekonomiaren Garapen eta Lehiakortasun Saileko Kabinete eta Komunikazio Zuzendaritzara bidali behar dira (Donostia kalea 1, 01010 Vitoria-Gasteiz), Herri Administrazioen Araubide Juridiko eta Prozedura Erkideari buruzko azaroaren 26ko 30/1992 Legearen 38.4 artikuluan ezarritako moduetakoren batean.
Eskabideak aurkezteko epea hilabetekoa izango da, ebazpen hau argitaratu eta hurrengo egunetik aurrera.
AZKEN XEDAPENETATIK LEHENENEGOA
Deialdi-ebazpen honek Euskal Herriko Agintaritzaren Aldizkarian argitaratu eta hurrengo egunetik aurrera izango ditu ondorioak.
AZKEN XEDAPENETATIK BIGARRENA
Ebazpen honen aurka, berraztertzeko errekurtsoa aurkeztu ahal izango zaio Ekonomiaren Garapen eta Lehiakortasuneko sailburuari hilabeteko epean, ebazpena Euskal Herriko Agintaritzaren Aldizkarian argitaratu eta hurrengo egunetik aurrera.
Vitoria-Gasteiz, 2013ko maiatzaren 14a.
Ekonomiaren Garapen eta Lehiakortasuneko sailburua,
ARANTZA TAPIA OTAEGI.
Gaiarekin lotutako edukiak
Arauaren historia
- Ikus: AGINDUA, 2013ko ekainaren 7koa, Ekonomiaren Garapen eta Lehiakortasuneko sailburuarena, 2013ko «Joxe Mari Korta» sarietako epaimahaia izendatzeko dena.
- Ikus: AGINDUA, 2013ko irailaren 16koa, Ekonomiaren Garapen eta Lehiakortasuneko sailburuarena, 2013ko ekitaldiko «Joxe Mari Korta» sariak ebazteko dena.
- Ikus: AGINDUA, 2009ko uztailaren 29koa, Industria eta Berrikuntzako sailburuarena, "Joxe Mari Korta" sariak arautzeko dena.