Euskal Autonomia Erkidegoko Nekazarien Elkarteei eta horien Batasunei buruzko urtarrilaren 20ko 13/2004 Dekretuaren bidez, Euskal Autonomia Erkidegoko ekoizpena elkarrekin merkaturatzen duten nekazarien elkarteak eta horien batasunak aitortzeko oinarrizko arauak ezarri ziren.

Dekretu horren 2. artikuluaren arabera, izendapen hori lortzeko, ekoizteko eta merkaturatzeko gutxieneko bolumenak bete beharko dira, bai eta produktu bakoitzerako edo produktu-multzoetarako elkartean gutxienez egon beharreko kide kopurua ere. Produktuak eta kopuruak eranskinean jasota daude. Halaber, 7. artikuluak dioenez, Nekazaritza eta Arrantzako sailburuaren agindu baten bidez, nekazarien elkarteei nahiz horien batasunei aldatu egin ahal izango zaizkie produktu bakoitzari edo produktu-multzoei dagokienez ekoizpenaren eta negozioen gutxieneko bolumenak, bai eta elkartean nahiz batasunean gutxienez egon beharreko kide kopurua ere. Kopuruak eta produktuak dekretu honen eranskinean jaso dira; beste produktu batzuk edo beste produktu-multzo batzuk ere sartu ahal izango dira.

Nekazaritza sektorearen ezaugarri nagusia, eta bereziki zerealaren azpisektorearena, hauxe da: nekazaritza-ekoizleen zahartzea eta jardunean diharduten ekoizleen azalera eta ekoizpena areagotzea. Gauzak horrela, zerealen sektorean diharduen Nekazarien Elkartearen izendapena jasotzeko behar den gutxieneko ekoizle-kopurua (400), urtarrilaren 20ko 13/2004 Dekretuaren eranskinean aurreikusita dagoena, gehiegizkoa da, eta zaila gertatzen zaie zenbait entitateri izendapen hori jasotzea, eskatutako negozio-bolumena izan arren, gutxieneko ekoizle-kopurura ez direlako iristen.

Agindu honen bidez, zerealen sektorean diharduen Nekazarien Elkartearen izendapena jasotzeko behar den gutxieneko ekoizle-kopurua (400), urtarrilaren 20ko 13/2004 Dekretuaren eranskinean aurreikusita dagoena, aldatu nahi da. Hori dela eta, honako hau