Euskal Autonomia Erkidegoko Nekazarien Elkarteei eta horien Batasunei buruzko urtarrilaren 20ko 13/2004 Dekretuaren helburua zen Euskal Autonomia Erkidegoko ekoizpena elkarrekin merkaturatzen duten nekazarien elkarteak eta horien batasunak aitortzeko oinarrizko arauak eta betekizunak ezartzea.

Dekretu horren 2. artikuluan jaso bezala, aitorpena lortzeko, ekoizteko eta merkaturatzeko gutxieneko bolumenak bete beharko dituzte, bai eta produktu bakoitzerako edo produktu-multzoetarako elkartean gutxienez egon beharreko kide kopurua ere. Produktuak eta kopuruak dekretu honen eranskinean jaso dira. Halaber, 7. artikuluan adierazitako moduan, Nekazaritza eta Arrantzako sailburuaren agindu baten bidez, nekazarien elkarteei nahiz horien batasunei aldatu egin ahal izango zaizkie produktu bakoitzari edo produktu-multzoei dagokienez ekoizpenaren eta negozioen gutxieneko bolumenak, bai eta elkartean nahiz batasunean gutxienez egon beharreko kide kopurua ere. Kopuruak eta produktuak dekretu honen eranskinean jaso dira; beste produktu batzuk edo beste produktu-multzo batzuk ere sartu ahal izango dira.

Ardi- eta ahuntz-okelaren eta ardi-esnearen ekoizleek adierazi dute urtarrilaren 20ko 13/2004 Dekretuan ezarritakoan xedatutakoarekin bat egin nahi dutela eta Nekazarien Elkartea sortu, hortaz, gutxieneko produkzio- eta negozio-bolumenak ezarri behar dira, baita elkarteko gutxieneko ekoizle-kopurua ere, dekretu horren eranskinera batzeko. Ondorioz, hauxe