Euskal Autonomia Erkidegoko Nekazarien Elkarteei eta horien Batasunei buruzko urtarrilaren 20ko 13/2004 Dekretuak helburu zeukan nekazaritzako produktuen eskaintzan dauden egitura-hutsuneak konpontzea, nekazariak elkartzea sustatuz, garapen ekonomikoan esku hartzea horrela lortuko baita, alegia, elkarrekin jardunez eskaintza bateratzeko eta ekoizpena merkatuaren beharrei egokitzeko.

Dekretu horren 2. artikuluan, kooperatibek, eraldaketarako nekazaritza-sozietateek eta nortasun juridiko propioa duen beste edozein entitateak nekazarien elkarte izateko aitorpena jasotzeko bete behar dituen eskakizunak eta baldintzak jasotzen dira. Eskakizun horien artean ekoizteko eta merkaturatzeko gutxieneko bolumenak behar dira, bai eta produktu bakoitzerako edo produktu-multzoetarako elkartean gutxienez egon beharreko kide kopurua ere. Produktu eta kopuruok dekretu horren eranskinean jaso dira.

Aipatutako dekretuaren 7. artikuluan zehaztutakoaren arabera Nekazaritza, Arrantza eta Elikadura sailburuaren agindu baten bidez, nekazarien elkarteei nahiz horien batasunei aldatu egin ahal izango zaizkie -produktu bakoitzari edo produktu-multzoei dagokienez- ekoizpenaren eta negozioen gutxieneko bolumenak, bai eta elkartean nahiz batasunean gutxienez egon beharreko kide kopurua ere.

Pasa dira lau urte dekretua indarrean jarri zenetik eta antzeman da hazitarako patatari dagokionez, horren ekoizpenaren bilakaerak behera egin duela, eta ekoizleen beherakada handia ez dator bat hektarea-beherakadarekin. Izan ere, gaur egungo ustiategiak lehenagokoak baino handiagoak dira eta euren profesionaltasunarekin egokiagoak dira:

Azken urteotan EAEko hazitarako patataren ekoizpena eta komertzializazioak izandako bilakaera kontuan izanda, egungo arauak egokitu behar dira laboreari eutsi ahal izateko. Horregatik beharrezkoa da urtarrilaren 20ko 13/2004 Dekretuaren eranskina aldatzea, hazitarako patataren 30 ekoizle kide dituzten ekoizle-elkarteak baitan hartzeko aukera emanez, elkarteei 1.800.000 euroko gutxienezko negozio-kopurua eskatuko zaiela.

Horiek horrela, beharrezkoa da urtarrilaren 20ko Dekretuan hazitarako patata-ekoizleen elkarteak eratzeko eta aitortzeko eskatzen zen gutxieneko negozio-kopurua eta gutxieneko kide-kopurua gutxitzea.

Hori dela bide, txosten egokien ondoren eta ukitutako sektoreekin kontsultatu ondoren, honako hau