Euskal Unibertsitate Sistemaren otsailaren 25eko 3/2004 Legearen 81.1 artikuluaren arabera, honako hauek dira Agentziaren gobernu-organoak:

1. Administrazio-kontseilua.

2. Zuzendaria.

1. ¿ Agentziaren gobernu-organo nagusia da administrazio-kontseilua, eta, Euskal Unibertsitate Sistemaren otsailaren 25eko 3/2004 Legearen 82. artikuluaren arabera, honako kide hauek ditu:

   1. Kontseiluburua, unibertsitateen gaietan eskumenak dituen sailburua edo berak eskuorde izendatutakoa.

   2. Agentziako zuzendaria.

   3. Unibertsitateen gaietan eskumena duen sailburuak izendatutako hiru pertsona.

   4. Lehendakariak izendatutako ospeko hiru pertsona.

   5. Euskal Herriko Unibertsitateko errektorea.

   6. Euskal unibertsitate-sistemako gainerako unibertsitateetako errektoreak.

   7. Euskadiko Unibertsitate Kontseiluak izendatutako ospe jakineko bost pertsona.

2. ¿ Estatutuon 8.1 artikuluaren c), d) eta g) letrek aipatutako administrazio-kontseiluko kideak lau urterako izendatzen dira, eta iraupen bereko beste agintaldi baterako baino ezin dira berriz aukeratu.

3. ¿ Administrazio-kontseiluko kideek kontseilukide izateari utziko diote honako hauetakoren bat gertatuz gero:

   1. Agintaldia amaitzea.

   2. Uko egitea.

   3. Izendatu zituen organoak berak kargutik kentzea.

   4. Ezintasun iraunkorra edo heriotza.

   5. Karguaren ondorioz kontseilukide direnek kargu horri uztea.

4. ¿ Administrazio-kontseiluko kideak ezingo dira batzorde iraunkorretako kide izan, eta ezingo dute inolako ebaluatze-, egiaztatze- edo ziurtatze-lanik egin.

Honako eginkizun hauek dagozkio Agentziaren administrazio-kontseiluari:

1. Agentziaren estatutuak egin eta onartzea.

2. Agentzia zuzentzea, haren kudeaketa eta jarduera planak onartzea eta horien jarraipena egitea.

3. Agentziaren jarduera-irizpide eta ¿ildo orokorrak onartzea, hezkuntza-administrazioaren eta dagokien unibertsitateen proposamenekin bat etorriz.

4. Ebaluazioa, egiaztapena eta ziurtapena egiteko irizpide edo adierazle orokorrak proposatzea, 5. artikuluak aurreikusitako Agentziaren eginkizun bakoitzerako; irizpide edo adierazle horiek nazioartean onartuak izan behar dute. Dekretuz onartuko dira adierazle horiek.

5. Agentziaren jarduera aldian-aldian ebaluatzea.

6. Agentziaren aurrekontu-aurreproiektua, behin-behineko finantza-egoerak eta urteko jardueren memoria onartzea, eta unibertsitateen gaietan eskumenak dituen sailari helaraztea, indarreko arauen arabera. Era berean, Agentziaren kontu-likidazioa formulatzea egokituko zaio.

7. Agentziako zuzendaria izendatu eta kargutik kentzea, orobat adituen batzordeko kideak, horiek izendatzea egokitzen zaionean.

8. Honako hauek onartzea, hala bada: barne-araudia, aurrekontu-kudeaketari buruzkoa eta Agentziak gauzatzen dituen jarduera eta programen funtzionamenduari buruzkoa. Orobat, Agentzia ahalik eta ondoen antolatu eta aritzeko neurri egokiak hartzea.

9. Agentziaren estatutuen aldaketa prestatu eta onartzea.

10. Obra-, instalazio- eta zerbitzu-proiektuak onartzea.

11. Hala badagokio, zorpetze-gaietan eskumena duen sailari proposatzea zorpetze-eragiketak eta abalak ematekoak, Jaurlaritzaren Kontseiluari helarazteko.

12. Kreditu- eta diruzaintza-eragiketak onartzea ekitaldian zehar.

13. Agentziak bere zerbitzuak emateko prezioak onartzea.

14. Agentziak, estatutuok markatutako helburuak lortzeko, erakunde publiko eta pribatuekin sinatu behar dituen kontratuak eta hitzarmenak onartzea.

15. Agentziako zuzendariaren eta Agentziak berak kontrataturiko gainerako langileen ordainsariak finkatzea, eta, hala bada, administrazio-kontseiluko kideen, adituen batzordeko kideen eta ebaluazio-batzordeetako kideen bertaratze-dietak ere.

16. Agentziaren kode etikoa onartzea, Agentziaren jardueren objektibotasuna eta inpartzialtasuna bermatzeko. Kodea agerikoa izango da, Euskal Unibertsitate Sistemaren otsailaren 25eko 3/2004 Legearen 88. artikuluak xedatu duenaren arabera.

17. Era guztietako egintza, errekurtso eta erreklamazio judizial eta administratiboak erabiltzea Agentziaren eskubide eta interesen defentsan.

18. Beste autonomia-erkidego batzuetan, estatuan edo atzerrian unibertsitateen kalitatea ebaluatu, egiaztatu eta ziurtatzeko eginkizunak dituzten beste agentzia batzuekin harremanak lotzeko baimena ematea, elkarlanerako, lankidetzarako eta elkarren artean informazioa trukatzeko, baita erakunde horiekiko hitzarmenak sinatzeko baimena ematea ere.

    Euskal Unibertsitate Sistema osatzen duten unibertsitateek informazioa jasoko dute aipatu eta harreman eta trukeetatik atera daitezkeen akordio eta hitzarmenei buruz.

19. Estatutuok edo indarrean dagoen gainerako legeriak emandako beste edozein eginkizun, baita Agentziaren beste organoren bati espresuki esleitu gabe dauden eginkizunak ere.

20. Euskal Unibertsitate Sistemaren otsailaren 25eko 3/2004 Legearen 113. artikuluak aurreikusitako hitzarmena, publikoak ez diren unibertsitateetako irakasleen ebaluazioa garatzeari buruzkoa, onartzea.

1. ¿ Administrazio-kontseilua, normalean, urtean birritan bilduko da, gutxienez. Nolanahi ere, Agentziaren administrazio-kontseiluak edonoiz egin dezake ohiz kanpoko edo aparteko bilera, kontseiluburuak erabakita edota kontseilukideen laurden batek eskatuta.

2. ¿ Kontseiluburuari dagokio administrazio-kontseiluaren bileretarako deia egitea, bileren buru izatea, bilerak etetea eta amaitutzat jotzea, kontseiluaren deliberazioak gidatzea eta, berdinketarik izanez gero, kalitatezko botoz ebaztea, baita beste pertsona batzuk kontseiluaren bileretara joateko baimena ematea ere, baldin eta pertsona hori bertaratzea egokitzat jotzen bada erabili behar diren gaiak direla eta.

3. ¿ Kontseiluak bere kideen artean izendatuko ditu kontseiluburuordea, kontseiluburuaren ordez arituko dena kontseiluburuaren kargua hutsik, edo kontseiluburua kanpoan edo gaixo dagoenean, eta idazkaria, honako eginkizun hauek dituena: kontseiluaren bileren aktak egin eta kontseiluburuaren oniritziarekin izenpetu, dagozkion ziurtagiriak egin eta kide anitzeko organoen idazkariek berezko dituzten gainerakoak.

4. ¿ Administrazio-kontseiluaren bilerak balioz eratzeko, kontseiluburu eta idazkariaz edo horien ordezkoez gain, kideen erdia eta bat bertaratu behar dira.

5. ¿ Botoen gehiengoz hartuko dira akordioak, estatutuen aldaketa salbu, kontseiluko kideen bi herenen berariazko akordioa beharko da-eta horretarako.

   Ezin izango da baliozko akordiorik hartu gai-zerrendan sartu ez diren gai berriei buruz, non eta bileran kontseiluko kide guztiak ez dauden eta gaiaren urgentzia erabakitzen ez duten, gehiengoaren aldeko botoz.

6. ¿ Osoko bilkuran eta batzorde iraunkorrean aritu daiteke administrazio-kontseilua. Batzorde iraunkorrak honako kide hauek izango ditu: kontseiluburua; Agentziako zuzendaria; Universidad del País Vasco / Euskal Herriko Unibertsitateko errektorea; Euskal Unibertsitate Sistema osatzen duten gainerako unibertsitateetako errektoreak; sailburuak izendaturiko hiru pertsonetako bat, administrazio-kontseiluak aukeratua; lehendakariak izendatutako hiru pertsona ospekoen arteko bat, administrazio-kontseiluak aukeratua; eta Euskadiko Unibertsitate Kontseiluak izendatutako bost pertsona ospe jakinekoen arteko bat, administrazio-kontseiluak aukeratua. Batzorde iraunkorrak estatutuon 9. artikuluaren j), n), p) eta q) letretan jasotako eginkizunak izango ditu, baita administrazio-kontseiluak espresuki eskuordetzen dizkion beste guztiak ere.

   Administrazio-kontseiluak erabakiko du batzorde iraunkorraren bileren maiztasuna, eta batzorde iraunkorrak, era berean, bere jardueren berri emango dio kontseiluari, aldiro.

7. ¿ Estatutuok edo Euskal Unibertsitate Sistemaren otsailaren 25eko 3/2004 Legeak aurrez ikusi ez dituztenerako, Herri Administrazioen Araubide Juridikoaren eta Administrazio Prozedura Erkidearen 30/1992 Legeak, azaroaren 26koak, xedatutakoa hartuko da arau.

Aurreko artikuluan ezarritakoaz gain, kontseiluburuari dagozkio:

1. Agentziaren erakunde-ordezkaritza.

2. Eusko Jaurlaritzari eta Eusko Legebiltzarrari informazioa ematea Agentziaren jarduerari buruz.

3. Agentziaren helburu, xede eta eginkizunak betetzen direla begiratzea.

4. Administrazio-kontseiluak eskuordetutako eginkizun oro.

1. ¿ Agentziako zuzendariak agentzia zuzenduko du. Administrazio-kontseiluak izendatuko du, kontseiluburuak proposatuta, sei urteko aldirako. Aldi hori behin luza daiteke.

2. ¿ Honako eginkizun hauek dagozkio Agentziako zuzendariari:

   1. Administrazio-kontseiluaren eta haren batzorde iraunkorraren erabakiak betetzea, eta administrazio-kontseiluari helaraztea dagozkion proposamenak, baita eskatzen zaizkion txosten, azterlan eta analisiak ere.

   2. Agentziaren jarduerak zuzendu, antolatu, kudeatu eta ikuskatzea, administrazio-kontseiluaren jarraibideen arabera.

   3. Agentziaren jarduera-programaren eta zerbitzu-katalogoaren proposamena prestatzea, eta administrazio-kontseiluari aurkeztea, onar ditzan, hala badagokio.

   4. Lanpostu-zerrendaren proposamena prestatzea, eta Agentziako berezko langileei eta Agentziari atxikitakoei buruzko kontratazio-, zuzendaritza-, kudeaketa- eta gainbegiratze-eginkizunak betetzea.

   5. Urteko aurrekontuaren eta horren aldaketen aurreproiektua prestatu eta administrazio-kontseiluari helaraztea, hark aztertu, eta, hala bada, onar ditzan.

   6. Agentziaren kudeaketa ekonomikoa zuzentzea, onartutako aurrekontuaren eta hori betetzeko oinarrien arabera.

   7. Agentziaren ondarea administratzea, administrazio-kontseiluaren jarraibideen arabera, eta administrazio-kontseiluak gai honetan ematen dizkion eskuordetzen barruan. Agentziaren instalazioen eta ekipamenduaren kontserbazioaz eta mantentzeaz arduratzea.

   8. Kontratazio-organo gisa dagozkion eskumenak erabiltzea, administrazio-kontseiluak ezarritako mugen barruan. Estatutuok eta Euskal Unibertsitate Sistemaren otsailaren 25eko 3/2004 Legeak aipatzen dituzten kontratuak eta lankidetza-hitzarmenak izenpetzea, Agentziaren izenean.

   9. Agentziaren legezko ordezkaritza betetzea, eta horren indarrez, Agentziari betebehar edo erantzukizun ekonomikoak ezarri dizkioten epaiak eta ebazpenak betearaztea.

   10. Lan-metodoen hobekuntzaz eta kalitateaz arduratzea, baita berrikuntza teknologikoak sartzeaz ere.

   11. Administrazio-kontseiluari eta haren barruan eratutako batzordeei informazioa ematea, haien eginkizunak egoki betetzeko behar duten guztian, eta Agentziaren jardun onerako egoki iritzitako proposamenak egitea.

   12. Adituen batzordeak proposatuta, ebaluazio-batzordeetako kideak izendatu eta kargutik kentzea, administrazio-kontseiluak onartu ondoren.

   13. Estatutuok eta indarrean dauden gainerako arauek emandako beste edozein eginkizun, baita administrazio-kontseiluak beren-beregi agindu edo eskuordetuak ere, administrazio-kontseiluari estatutuon 9. artikuluko a), b), c), d), e), f), g), o), p) eta r) idatz-zatiek emandakoak salbu.

3. ¿ Agentziako zuzendari kargua ordaindua izango da, eta erabateko dedikazio esklusiboa eskatuko du, Agentziaren barruko zereginei dagokienez. Euskal Autonomia Erkidegoan funtzio publikoetan aritzeko bateraezintasunei buruzko abenduaren 20ko 32/1983 Legeak ezarritako aplikatuko zaio.

Zuzendariaren kargua hutsik, edo zuzendaria kanpoan edo gaixo dagoenean, kontseiluburuak edo honek eskuordetuak hartuko ditu bere gain zuzendariaren eginkizun guztiak.

1. ¿ Adituen batzordea da Agentziaren zientzia- eta teknika-izaerako kide anitzeko organoa.

2. ¿ Hona adituen batzordearen osaera:

   1. Agentziako zuzendaria, batzordeburu izango dena.

   2. Unibertsitateen gaietan eskumena duen sailburuak izendatutako hiru pertsona, onartutako ospea duten euskal unibertsitate-sistemako ikertzaile eta irakasleen artean hautatuak.

   3. Irakaskuntzan eta/edo ikerkuntzan onartutako ospea duten nazioarteko unibertsitate-komunitateko hamabi pertsona, eta horietatik sei, gutxienez, euskal unibertsitate sistemakoak izango dira. Administrazio-kontseiluak izendatuko ditu horiek guztiak.

3. ¿ Aurreko paragrafoko b) eta c) letretan aipatzen diren kideak urtebeterako izendatuko dira, eta aldi hori luzatzeko modukoa da. Honako hauek izango dira adituen batzordeko kide izateari uzteko arrazoiak:

   1. Arduraldia amaitzea.

   2. Uko egitea.

   3. Kargutik kentzea, izendatu zituen organoak proposatuta.

   4. Ezintasun iraunkorra edo heriotza.

4. ¿ Adituen batzordeak, bere jarduerak objektiboak eta inpartzialak izango direla bermatzeko, Agentziak onartutako kode etikoa izango du arau, eta honako eginkizun hauek beteko ditu:

   1. Ebaluazio-adierazle edo -irizpideak prestatu, eta administrazio-kontseiluari helaraztea, hark onar ditzan. Irizpide horiek objektiboak eta agerikoak izango dira, eta bat etorriko dira nazioarteko komunitate zientifikoak hartutakoekin.

   2. Ebaluazio-, egiaztapen- eta ziurtapen-prozesuak inpartzialak eta objektiboak izan daitezen zaintzea.

   3. Ebaluazio-, egiaztapen- eta ziurtapen-eginkizunez arduratzen diren ebaluazio-batzordeetako kideen izendapena eta kargu uztea proposatzea zuzendariari, administrazio-kontseiluak onartu ondoren.

   4. Zuzendariari eta administrazio-kontseiluari aholkua ematea, aztertzeko jartzen dizkioten gai guztietan.

   5. Administrazio-kontseiluak beren-beregi agindu edo eskuordetutako beste edozein eginkizun; orobat, estatutuok eta indarrean dauden gainerako arauek emandakoak.

5. ¿ Agentziako zuzendaria izango da adituen batzordearen bileren burua, eta idazkaria izendatuko du batzorde horretako kideen artetik. Bilera horiek balioz eratzeko, aipatu karguez gain, kideen erdia eta bat bertaratu behar dira. Botoen gehiengoz onartuko dira adituen batzordearen akordioak, ebaluazio-batzordeetako kideak izendatu eta kargutik kentzea salbu, adituen batzordeko kideen bi herenen aldeko bota beharko da-eta horretarako.

1. ¿ Agentziak, bere eginkizunak betetzeko, zientzia-komunitatearen aholkularitza eskuratuko du, ebaluazio-batzordeen bitartez. Ezagutza-arloen edo espezialitateen arabera sortuko dira ebaluazio-batzorde horiek, edota garatu beharreko ebaluazio-prozesuaren berezitasunen arabera.

2. ¿ Ebaluazio-batzorde bakoitzak zazpi kide izango ditu, eta Agentziako zuzendariak izendatuko ditu, adituen batzordearen proposamenez, nazioarteko zientzia-komunitateko irakasle doktoreen artean. Hala ere, izendatutako adituetatik hiru, gutxienez, izango dira euskal unibertsitate sistemakoak.

3. ¿ Ebaluazio-batzordeetako kideak bi urterako izendatuko dira, eta ezingo dira berriz aukeratu kargua utzi zutenetik bi urte igaro arte.

4. ¿ Ebaluazio-batzordeetako kideek batzordekide izateari utziko diote honako hauetakoren bat gertatuz gero:

   1. Agintaldia amaitzea.

   2. Uko egitea.

   3. Izendatu zituen organoaren proposamenez kargutik kentzea.

   4. Ezintasun iraunkorra edo heriotza.

5. ¿ Ebaluazio-, egiaztapen- eta ziurtapen-prozesuen emaitzak Agentziako zuzendarien ebazpenen bitartez formalizatuko dira, dagokion ebaluazio-batzordeak txostena eman ondoren. Ebaluazio-batzordeek, erabaki horiek hartzeko, honako hauek izango dituzte arau: estatutuok ezarritakoak, Agentziaren administrazio-kontseiluak erabakiak hartzeari dagokionez.

6. ¿ Ebaluazio-, egiaztapen- eta ziurtapen-prozesuetan administrazio-bideari amaiera ematen dioten ebazpenak jakinarazteko gehienezko epea sei hilabetekoa izango da. Epe hori igaro eta ebazpen adierazirik eman ez bada, emaitza positiboa dela ulertuko da.