Euskal Herriko Autonomia Elkartearen eremu barruan ertain eta unibertsitate mailako irakaskuntzetan eman den eboluzioa eta hezkuntza-maila ezberdinentzako egoitza-eskolatokiak eduki beharra kontutan hartuz, beharrezko da Irakaskuntza Integratuetako Eibarko Ikastegia birregituratzea, Apirilaren 15eko 82/1986 Dekretoak eta Unibertsitate-Erreformarako Legeak eratutako ikastegien antolaera-modeloei haren egitura eta jarduera egokituz. Ondorioz, Hezkuntza, Unibertsitate eta Ikerketa Sailburuaren proposamenez eta Jaurlaritza-Kontseiluak 1987.eko Irailaren 15ean egindako batzarrean aztertu eta onartu ondoren, honako hau XEDATZEN DUT: LEHENENGO ATALBURUA.Xedapen orokorrak. Lehenengo artikulua.- Irakaskuntza Integratuetako Eibarko Ikastegia Eibarko Hezkuntza-Konplexuan bilakatzen da, honako hauek osatuko dutela Konplexu hori, hau da, Ikastegiek eta zerbitzuek, eta Dekreto honetako bigarren artikuluan aipatzen diren Ikastegiek batean dituzten instalazio eta tegiek. Bigarren artikulua.- Honako hauek osatuko dute Eibarko Hezkuntza-Konplexua: a) Irakaskuntza Ertainetarako Integratutako eta H.H.I.ko Ikastegiak. b) Industria-Ingeniaritza Teknikorako Unibertsitate Eskolak. c) Gerentziak. d) Egoitza-Ikastegiak, hainbat ikastegi ezberdinetan eratuko dela. e) Geroan, indarrean dauden legeen arabera, sor daitezkeen Ikastegiek. Hirugarren artikulua.- Bertan biziko diren eta bai kanpoan bizi izango diren ikasleen onarpena, Hezkuntza Unibertsitate eta Ikerketa Sailak egingo duen deialdi publiko eta berezi baten bidez egingo da eta arauz ezarri dadinari atxikiko zaio. Dena-dela, ikasle bekadunek lehentasuna izango dUte. Laugarren artikulua.- Dekreto hau argitara dadin egunean Irakaskuntza Integratuetako Eibarko Ikastegian behin-betiko destinoa izan eta Irakaskuntza Integratuetako irakasleen Eskaletako langilegoa, bigarren artikuluan aipatzen diren Ikastegietakoren batetarako izendatua izango da Hezkuntza, Unibertsitate eta Ikerketa Sailaren Aginduz, horretarako, tituloak, gaitasuna, merezimenduak, ikastegien beharrak eta irakasleen lehentasunezko nahiak kontutan hartuko direla. Bosgarren artikulua.- Dekreto hau argitaratzen den egunean Irakaskuntza Integratuetako Eibarko Ikastegian behin-betiko destinoa izan dezaten eta irakaskuntza-lana egiten ez duten langilegoa, Hezkuntza-Konplexua osatzen duten Ikastegietakoren betetarako izendatua izango da Hezkuntza, Unibertsitate eta Ikerketa Sailaren Aginduz. Seigarren artikulua.- Eibarko Hezkuntza-Konplexuak, plantilarentzako diruez eta Ikastegi bakoitzarentzako aurrekontu bereziez aparte, Konplexuko zerbitzu bateratuetarako aurrekontu-diruak eta langileak izango ditu. BIGARREN ATALBURUA. Eibarko Hezkuntza-Konplexuaren egituraz. Zazpigarren artikulua.- Ikastegi Integratuaz. Irakaskuntza Ertainetarako Integratutako eta H.H.I.-ko Ikastegian, Lanbide Hezkuntzako ikasketa-egitamuak hartzen dituen eta baimenaren gai izan diren arlo, prefesio eta espezialitateak eta Irakaskuneza Integratuetako lehengo Ikastegian ematen ziren irakaskuntzak emango dira eta bai akademia-agintariek, B.B.B.-ko, U.B.I.-ko eta helduen hezkuntza iraunkorreko ikasketa-egitamuak geroan baimendu ditzakeenak ere. Zortzigarren artikulua.- Industria-Ingeniaritza Teknikorako Unibertsitate Eskolaz. Industria-Ingeniaritza Teknikorako Unibertsitate Eskolan, Industriako Ingeniaritza Teknikorako ikasketa-egitamuak hartzen dituenak emango dira, Irakaskuntza Integratuetako Eibarko lehengo Ikastegian ematen ziren Elektrizitate espezialitatea, Industria-Elektronika arloa eta baimenaren gai izan daitezkeen espezialitate eta arloak. Bederatzigarren artikulua.- Egoitza-Ikastegiaz. Egoitzari dagozkion eta Hezkuntza-Konplexuko Ikastegietan bizi izan eta ikasleentzako diren eskolaz kanpoko, hezkuntza eta kultura mailako jardunak garatuko dira Egoitza-Ikastegian. HIRUGARREN ATALBURUA. Hezkuntza-Konplexuko zainketa orokorraren ardura duten organoez. Hamargarren artikulua.- Honako hauek dira Hezkuntza-Konplexuko zainketa orokorraren ardura izango duten organoak: a) Gerentea. b) Administrazio eta zerbitzuen gestiorako Unitateko Buruzagia. Lehenengo sekzioa: Gerenteaz. Hamaikagarren artikulua.- Hezkuntza-Konplexuaren agintaritza nagusia Gerenteari dagokio, Zerbitzu-Buru batek duen maila izango duela eta bere izendapena eta kargutik kentzea Hezkuntza, Unibertsitate eta Ikerketa Sailburuak egingo duela. Hamabigarren artikulua.- Gerentzia-Kontseiluak emango dizkio aholkuak Hezkuntza-Konplexuko Gerenteari, Kontseilu hori honako hauek osatuko dutela: a) Ikastegi bakoitzeko Zuzendariak. b) Egoitza-Ikastegiko Zuzendariak. c) Administrazio eta zerbitzuen gestiorako Unitateko Buruzagiak. Hamahirugarren artikulua.- Honako hauek dagozkio Gerenteari: a) Hezkuntza-Konplexuaren ordezkotza ofizialki egitea. b) Konplexuak guztientzako dituen zerbitzu, instalazio, leku, etxe eta eraikintzen zuzendaritza eramatea eta koordinakuntza egitea Gerentzia-Kontseiluaren aholkupean. c) Hezkuntza-Konplexuari dagozkion eta Ikastegi ezberdin guztientzako diren hezkuntza eta eskolaz kanpoko jardunen zuzendaritza eramatea eta koordinakuntza egitea, Ikastegi ezberdinetako gobernu-organoei, beren aginte-eremu barruan, dagozkien ahalmenen kaltetan gabe. d) Indarrean dauden legeak eta gainontzeko erabakiak bete eta betearaztea eta bai bere aginte-eremuaren barruan horiek egokiro aplika daitezela zaintzea ere. e) Hezkuntza-Konplexuak izendatuta dituen eta irakasletza-lana gauzatzen ez duten langileen buruzagitza egitea, Konplexu bereko beste Ikastegiren bati aitxikita egon ez daitezenaren baldintzapean. f) Hezkuntza-Konplexuko bateratutako zerbitzu eta eskuarteen ekonomia eta administrazio mailako jardunak koordinatzea, horien gestio egoki bat egin dadila zainduz. g) Hezkuntza-Konplexuko aurrekontu orokorraren proposamena egitea Sailak dituen aurrekontu-gaitasunen eta bere aginte-eremuaren barruan, horretarako Gerentzia-Kontseiluaren arauzko aholkua jaso beharko duela eta Hezkuntza-Konplexuko Ikastegietako gobernu-organoenak diren lege-ahalmenen kaltetan gabe. h) Gastuetarako baimena eman eta ordainketak egin daitezela agintzea Hezkuntza-Konplexuko aurrekontuen arabera. i) Kontratapenak eta garbiketa, garraio, zainketa, jantoki eta Hezkuntza-Konplexuko horien antzeko beste edozein eratako zerbitzuak bete daitezela gainbegiratzea. j) Arauz ematen zaizkion gainontzeko egitekoak. Bigarren sekzioa: Administrazio eta Zerbitzuen Gestiorako Unitateko Buruzagiaz. Hamalaugarren artikulua.- Administrazio eta Zerbitzutarako Gestio-Unitate bat izango du gerentziak. Hamabosgarren artikulua.- Gestiorako Unitate-Buruzagiaren ardura da, Hezkuntza-Konplexuko administrazioaren eta guztientzakoak diren zerbitzuen gestioa burutzea Gerentearen agintaritzapean. Kargu hau deialdi publiko bidez beteko da eta Sekzioko Buruzagiaren maila izango du. Hamaseigarren artikulua.- Honako hauek dagozkio administrazio eta zerbitzuen gestiorako Unitate-Buruzagiari: a) Administrazio eta ekonomia mailako zerbitzu orokorren plangintza egitea, horietan agintzea eta gestioaren lehentasunak zehaztea. b) Hezkuntza-Konplexuko zerbitzu orokorrei dagozkien lanen plangintza egitea eta horiekiko agintaritza burutzea. c) Hezkuntza-Konplexuko aurrekontu orokorren aurreproiektua lantzea Sailaren aurrekontu-ahalbideen barruan. d) Hezkuntza-Konplexuko inbentarioa egitea eta gaurkotzea, zerbitzu, instalazio, etxe eta konplexuko eraikintzei dagozkien eta inbentariagarriak diren materialeak bakarrik jasoko direla bertan. e) Hezkuntza-Konplexuko liburuak eta artxibo orokorrak zaintzea. f) Hezkuntza-Konplexuko guztientzako zerbitzuen ekonomia alorreko gestioari darion kontaduritza zaintzea. g) Bere agintearen alorrean eta Gerentearen zuzendaritzaren menpe, Hezkuntza-Konplexuaren ekintzei buruzko urteko txostena egitea. h) Gerenteak baimendutako gastuak bideratu eta dagozkion ordainketak egitea. i) Gerenteak esku emanda, Hezkuntza-Konplexuari atxikita egon, baina hori osatzen duten Ikastegiei atxikita ez dauden eta irakaskuntza-egitekoa ez duten langileen lanariburu izatea. j) Gerenteak bere agintearen alorrean leporatu liezazkiokeen egiteko eta erantzukizunak edo legeak aitor dakizkionak. Hirugarren sekzioa: Egoitza-Zentruko Zuzendariaz. Hamazazpigarren artikulua.- Egoitza-Zentruaren gobernua zuzendariari dagokio eta honen izendapena, Hezkuntzako Gipuzkoako Lurralde-Ordezkariak egingo du, hiru urteko epe baterako, bere destinua Egoitzan duten irakasleen artean eta Gerentzia-Kontseilua entzun ondoren. Institutoko Zuzendariaren lan-maila izango du. Hamazortzigarren artikulua.- Egoitza-Zentruko Zuzendariak, Egoitza-Zentruaren gobernu-egitekoei dogozkionetan, ikastetxeetako buruzagien laguntza izango du. Hemeretzigarren artikulua.- Egoitza-Zentruko Zuzendariari honako hauek dagozkio: a) Egoitza-Zentruko jardunekin erabilgarri diren orden eta elkarbizitza-alorreko erizpideak finkatzea eta, orohar, bere agintearen alorrean ikasleentzako hezkuntza eta kultura alorreko moeta guztietako ekintzak suztatzea. b) Egoitza-Zentruari atxikitako langileekiko buruzagitza-lana egitea. c) Egoitza-Zentruko Zuzendariak esku emanda, beren ikastetxean ordena eta elkarbizitzaren suztapenaren arduradunak izango diren ikastetxeetako buruzagiak koordinatzea. d) Arauz aitor dakizkion gainontzeko egitekoak. LAUGARREN ATALBURUA. Ikastegien gobernu-organoez. Lehenengo sekzioa: Irakaskuntza Ertainetako Ikastegi Integratuaren eta H.H.I.-ren Gobernu-Organuez. Hogeigarren artikulua.- 1. Irakaskuntza Ertainetako Ikastegi Integratuan eta H.H.I.-n, gobernu-organuak, pertsona bakarrekoak nahiz kolegiatuak, eta beren egitekoak Euskal Herriko zentru publikoetan Gobernu-Organuak osatzeko modua eta beren egitekoak araupetzen dituen Apirilaren 15eko 82/1986 Dekretuan adierazitakoak izango dira. 2. Gaiak horrela eskatzen baldin badu, Zentru lntegratuaren Zuzendariak, Hezkuntza-Konplexuko gobernu organu nagusiei dei egin ahalko die, Eskolako Kontseiluaren bilkuretan parte hartzeko, eta horiek hitz egiteko eskubidea izango dute baina ez botua ematekoa. Bigarren sekzioa: Industria Ingeniaritza Teknikorako Unibertsitate Eskolaren Gobernu-Organuez. Hogeita batgarren artikulua.- Industria Ingeniaritza Teknikorako Unibertsitate Eskolak, Unibertsitatearen Berrikuntzari buruzko Legean finkatutako gobernu-organuak izango ditu. ALDIBATERAKO ERABAKIA Hezkuntza, Unibertsitate eta Ikerketa Sailak, Dekretu hau indarrean sartu eta urtebeteko epearen barruan, Industria Ingeniaritza Teknikorako Unibertsitate Eskolari dagozkionetan, Unibertsitatearen Berrikuntzari buruzko Legean emandako aginduak eta hau gara dezaten manuak beteko ditu. INDARGABETZEZKO ERABAKIA Irakaskuntza Integratuen Eibarko Ikastegiaren gobernu organuak osatzeko modua eta honen egitekoak araupetzen dituen Hezkuntza, Unibertsitate eta Ikerketa-Sailaren 1986.eko Ekainaren 20ko Agindua indargabetuta gelditzen da. AZKEN ERABAKIAK Lehenengoa.- Hezkuntza-Konplexuaren eta bere Ikastegien estrukturazio osoa, dagozkien araudi organikoen bidez finkatzeko baimena ematen zaio Hezkuntza, Unibertsitate eta Ikerketa-Sailari. Bigarrena.- Dekretu hau, Euskal Herriko Aldizkari Ofizialean argitara dadin egunaren biharamonean sartuko da indarrean. Gasteizen, 1987.eko Irailak 15. Lehendakaria, JOSE ANTONIO ARDANZA GARRO. Hezkuntza, Unibertsitate eta Ikerketa-Sailburua, JOSE RAMON RECALDE DIEZ.