Osakidetza-Euskal Osasun Zerbitzuko Administrazio Batzordearen 2004ko urtarrilaren 26ko Erabakiaren bitartez, zeinak arautzen baitzuen zerrenda sistema pertsonal ez-finkoa Osakidetzako Zerbitzu Erakundeetan sartzeko, zerrenda sistema arautu zen Osakidetza-Euskal Osasun Zerbitzuko zerbitzu Erakundeetan aldi baterako kontratazioa egiteko kontuan edukiz 2002ko Enplegu Eskaintza Publikoko deialdiaren emaitzak.

Era berean, geroago indarraldian jarri da 186/2005 Dekretua, uztailaren 19koa, zeinaren bitartez arautzen baitira Osakidetza Zuzenbide Pribatuko Ente Publikoko Postu Funtzionalak.

Halaber, Osakidetza-Euskal Osasun Zerbitzuko Administrazio Batzordearen 2006ko uztailaren 20ko Erabakiaren bitartez, Ente Publikoaren Lan Eskaintza Publikoa onartu zen 2006. urterako, deialdi horren oinarri orokorrak Osakidetza-Euskal Osasun Zerbitzuko zuzendari nagusiaren urriaren 4ko 1082/2006 Ebazpenean arautuak daudelarik, bertan onartzen baitira Osakidetza-Euskal Osasun Zerbitzuan lotura estatutario finkoa lortzeko hautaketa prozesuak arautuko dituzten oinarri orokorrak.

2004ko urtarrilaren 26ko Erabakiaren hemeretzigarren atalean ezartzen denaren arabera, bertan aurreikusten den erregulazioa aplika dakieke 2006ko Lan Eskaintza Publikotik eratorrita sortzen diren zerrenda berriei.

Aplikazio hori praktikara eramateko, beharrezkoa da indarrean dagoen erabakiko atal batzuk gaur egungo araudira egokitzea, kontuan hartuz aipaturiko arau aldaketak, bai eta 2006ko LEPko deialdiaren oinarrietan aurreikusten direnak eta Osakidetza-Euskal Osasun Zerbitzuan euskararen erabilpena normalizatzeari buruzko martxoaren 18ko 67/2003 Dekretua indarrean jartzean eratorriko diren ondorioak ere.

Horregatik, Osakidetza-Euskal Osasun Zerbitzuko Administrazio Batzordeak hartzen du honako

ERABAKIA:

Lehenbiziko atala. Aplikazio eremua.

Erabaki honen arabera erregulatuko da nola sartu aldi baterako pertsonal estatutarioa, bai pertsonal sanitarioa eta bai gestioko eta zerbitzuetako pertsonala Osakidetzaren ardurapeko zerbitzu-erakundeetan, eta orobat erretiro partziala hartu duten langileak ordezkatzeko errelebu kontratuaren bitartezko enplegu laboraleko erlazioa daukan pertsonalari dagokionez ere.

Erabaki honen ondorioetarako, pertsonal estatutario finkoa aipatzean barne hartzen dira Osakidetzari atxikitako pertsonal laboral finkoa eta pertsonal funtzionarioa.

Bigarren atala. Izendapen modalitateak.

Azken bi paragrafoak kentzen dira eta berdin geratzen da atalaren gainerako guztia.

Hirugarren atala. Aplikazio eremua.

Beste hiru kasu gehitzen dira, lanpostu hutsen zerrendatik estaliko direnak:

6. Aldi baterako barne promozioak.

7. Maila altuagoko funtzioak betetzea.

8. Errelebuko lan kontratuak.

   Laugarren atala. Zerrendak prestatzeko irizpidea.

   Zerrendak ezarriko den baremo honen arabera egongo dira ordenatuta:

   1. 2006ko LEParen oposaketa fasea: gehienez 100 puntu. Berdin idatzia geratzen da, aldaketa bakar honekin: 2002ko EEP dioen lekuan, 2006ko LEP jarrita.

   2. Esperientzia profesionala: gehienez 60 puntu.

   3. Berdin idatzia geratzen da, aldaketa bakar hauekin: 2002ko EEP dioen lekuan, 2006ko LEP eta gehienez 51 puntu dioen lekuan, gehienez 60 puntu jarrita.

      Euskarari buruzko atalean testu berri batek ordezkatzen du aurrekoa:

      Euskara.: Euskararen erabilpena normalizatzeari buruzko martxoaren 18ko 67/2003 Dekretuan jasoak dauden aurreikuspenak aplikatuz, eta dagokion dokumentazioa ekarri bitartean, maila bakoitzari euskararen atalean esleituko zaion puntuazioa 2006ko LEPko deialdiaren oinarrietan aurreikusten dena bera izango da.

   4. Puntuazio berdinketa:

      Berdin idatzia geratzen da, aldaketa bakar honekin: 2002ko EEP dioen lekuan, 2006ko LEP jarrita.

      Bosgarren atala. Zerrendetan izen ematea.

   1. puntua. Eskabidearen aurkezpena. Internet bidez bakarrik egingo da, http://www. osanet.net/ webgunean edo Osakidetzako intraneten ageri den eredua betez.

   2. puntua. Hautagaien baldintzak.

      Hemen arautzen diren zerrendetan sartu ahal izateko, hautagaiek Osakidetza-Euskal Osasun Zerbitzuko zuzendari nagusiaren urriaren 4ko 1082/2006 Ebazpenaren 6.2 oinarrian aurreikusiak dauden baldintzak bete behar dituzte, bertan onartzen baitira Osakidetza-Euskal Osasun Zerbitzuan lotura estatutario finkoa lortzeko hautaketa prozesuak arautuko dituzten oinarri orokorrak (EHAA, 2006ko urriaren 24koa), eta orobat maila/postu funtzional bakoitzeko deialdiaren oinarri espezifikoei dagokienez ere.

      Hautagaiek, eskabideen aurkezpenerako epemugako egunean eskatzen diren baldintza guztiak bete behar dituzte, eta betetzen jarraitu, zerrendetan iraun ahal izateko.

   3. puntua. Aurkeztu beharreko dokumentazioa.

      Berdin idatzia geratzen da, aldaketa bakar honekin: 2002ko EEP dioen lekuan, 2006ko LEP jartzen du.

      4, 5.5 eta 5.6 puntuak berdin geratzen dira.

      Seigarren atala. Uko egiteak.

      Atal guztian maila erreferentzia maila/postu funtzionala erreferentziaz ordezkatzen da.

      1, 6.3, 6.4, 6.5, 6.6, 6.7, 6.8 eta 6.9 puntuak berdin geratzen dira.

   2. puntua. Izendapen eskaintzei uko egitea.

      10. eta o) kausak kentzen dira.

          Beste kausa bat gehitzen da:

      14. Hautagaia bere bizitza pertsonalaren, familiako zein laneko bizitzaren adiskidetze eskubideaz baliatzen ari denean.

          Honako kausa hauek aldatzen dira:

      1. Hautagaia Funtzio Publikoko legeri orokorrean edota edo eskaintzaren unean indarrean dagoen Osakidetzako pertsonalarentzako lan baldintzen erabakian jasoak dauden zerbitzu berezien egoeran deklaratua izateko kasuetakoren batean aurkitzen denean.

      2. Izendapena eskaini zaion zerrenda tipologian maila/postu funtzional desberdineko izendapenen bat edukitzeagatik edo Arlo zerrendako eskaintza hori hautagaiak aukeratu ez duen Zerbitzu Erakunderen baterako delako.

      3. Berdin idatzia geratzen da, aldaketa bakar honekin: 2002ko EEP dioen lekuan, 2006ko LEP jartzen du.

      6. Hautagaia egoera hauetakoren batean aurkitzen denean: Aldi baterako Ezintasuna, Erabateko Ezintasuna, Ezintasun Absolutua edo Baliaezintasun handia; kasu horietan ez zaio eskainiko izendapen berririk harik eta era fede emailean alta jakinarazten ez den bitartean, dagokion zerbitzu Erakundean hori frogatzen duen dokumentua aurkeztuz.

         Zazpigarren atala. Zerrenden berraktibatzea.

         Aldaketarik gabe.

         Zortzigarren atala. Zerrendetatik kanporatzea.

         Paragrafo berri bat gehitzen da:

         Kontratazio zerrendetan barne harturiko pertsonala zerrendetatik kanporatu ahal izango da atal honetan jasoak dauden kausengatik eta adierazten diren efektuekin. Zerbitzu Erakunde bakoitzeko Kontratazio Batzordeak aztertuko ditu kanporatzeak eta aztertu ahal izango dituzte kanporatuek aurkeztu ditzaketen alegazioetan oinarrituta.

         Halaber, pertsonal kanporatua berriro zerrendetan barne hartu ahal izango da. Osakidetzak beretzat gordetzen du hautagai kanporatuak berriro deitzeko eskubidea, maila/postu funtzional jakin bateko indarrean dagoen zerrenda agortu denean eta geroko utzi ezin daitekeen premia asistentzialen bat estali beharra dagoenean.

         Bederatzigarren atala. Zerrenden aldaketa.

         Aldaketarik gabe.

         Hamargarren atala. lanpostu hutsak eta erreserbatuak estaltzeko egoera bereziak.

         Aldaketarik gabe.

         Hamaikagarren atala. Ordezkapen eta gertakizunetarako egoera bereziak.

         Aldaketarik gabe.

         Hamabigarren atala. Prestakuntza.

         Aldaketarik gabe.

         Hamahirugarren atala. Erreserbak.

         Aldaketarik gabe.

         Hamalaugarren atala. Pertsonalaren ordezkarientzako informazioa eta izendapenen publizitatea.

         Honela idatzita geratzen da:

         Hilero, Zerbitzu Erakundeek Pertsonal Juntari informazioa emango diote egin diren izendapenei buruz, dela plaza hutsak eta erreserbatuak estaltzeko, dela ordezkapen eta gertakizunetarako, SAP-an horretarako egokitua dagoen txosten ereduan. Era berean, Pertsonal Zuzendaritzako dagokion iragarki taulan argitaratuko dira, izendapenen publikotasuna bermatzeko.

         Emandako informazioa dela-eta arlo sindikalean sor litekeen edozein arazo idatziz aurkeztu behar da izendapenak egin direneko dagokion Zerbitzu Erakundean eta honek 30 laneguneko gehieneko epe barruan emango du erantzuna.

         Hamabosgarren atala. Basurtuko eta Santiago ospitaleei dagozkien zerrendak.

         Aldaketarik gabe.

         Hamaseigarren atala. Zerrenda berrien premiak.

         Honela idatzita geratzen da:

         1. Arau orokor gisa, behin zerrendak indarrean jarri direnean bosgarren atalean ezartzen diren irizpideen arabera, zerrendak itxita geratuko dira.

         2. Halere, talde profesional hauei dagozkien maila/postu funtzionaletan: A.1 Fakultatibo mediku eta teknikariak, B.1 Diplomadun Sanitarioak eta C.1. Teknikari Espezialista Sanitarioak, zerrendak betiere zabalik egongo dira, eta kasu horretan urte osoan zehar jasotzen diren eskabideak hurrengo urteko lehen hiruhilekoan barematuko dira, laugarren atalean ezartzen diren irizpideen arabera, eta ondoren berehalaxe indarrean dauden zerrendak ordenatu egingo dira aurkezturiko merituen arabera lehentasunak ezarriz.

            Baremazioa egiten den arte, eskabideak aurkeztu diren dataren arabera ordenatuko dira, eta egun berean aurkezten diren kasuan, adin handienaren irizpidea aplikatuko da, premia larri eta geroko utzi ezineko bat estaltzeko zerrendetara jo beharko litzatekeen kasuan.

         3. Baldin beharrezko balitz dauden zerrendetan aurreikusten ez diren maila/postu funtzionaletan izendapenak egitea, deialdi publikora joko da, dagokion hautaketa prozesuaren ondoren, hautagaien zerrenda prestatzeko.

            Hautaketa prozesu horrek balio ahal izango du, behar izanez gero, Osakidetza sareko gainerako leku guztietan gerta daitezkeen maila/postu funtzional bereko premia guztiak estaltzeko.

         4. Zerrendaren bat agortuko balitz, izen emateko epe bat zabalduko da eskabide berriak egiteko, eta hauek laugarren atalean aurreikusten denaren arabera barematuko dira.

            Hamazazpigarren atala. Zerrenden iraunaldia.

            Honela idatzita geratzen da:

            Lehenengoa. Zerrenda bakoitza indarrean egoten hasiko da dagokion maila/postu funtzionalaren 2006ko Lan Eskaintza Publikoaren hautaketa prozesuko lanpostuen esleipena xedatzen duen Ebazpena EHAAn argitaratu den egunaren biharamunean.

            Bigarrena. Baldin 2006ko Lan Eskaintza Publikotik eratorritako dagozkion mailetako zerrenda berriak egin gabe badaude, era honetan jokatuko da:

            3.1. artikuluari dagozkion estaldurak (lanpostu hutsen zerrenda) Giza Baliabideen zuzendariaren Ebazpenaren II. eranskinaren arabera egingo dira (plazarik gabeko aprobatuak), horren bitartez onartzen baita aprobaturiko hautagaien behin betiko zerrenda.

            3.2 artikuluan aurreikusten diren izendapenak (ordezkapenen zerrenda) erabaki hau indarrean jartzean indarrean dagoen Ordezkapen eta Gertakizunen zerrendaren bitartez egingo dira.

            Hirugarrena. 2006ko LEPko deialdian barne hartu ez ziren espezialitate medikoetako maila/postu funtzionalei dagozkien zerrendak, erabaki honetan ezartzen diren irizpideen arabera prestatuko dira, salbu oposaketa faseko oharrari dagokionean, hori eginiko azken LEPko zerrenda izango baita. Esperientzia profesionalaren efektuetarako, kontuan hartuko dira 2006ko azaroaren 29ra arte prestaturiko zerbitzuak.

            Era berean, hautaketa prozesurik egin ez den maila/postu funtzionaletan zerrendak prestatzea beharrezko gertatzen bada, kontuan hartuko dira 2006ko azaroaren 29ra arte emandako zerbitzuak eta euskarako hizkuntza-eskakizuna, erabaki honetako laugarren atalean ezartzen diren irizpideen arabera.

            Hemezortzigarren atala. 2002ko EEPko hautaketa prozesuko puntuazioaren iraunaldia.

            Honela idatzita geratzen da:

            2004ko urtarrilaren 26ko erabakitik ondorioztaturiko zerrendetan izen emandako pertsonalak, 2002ko EEPtik eratorritako zerrendetan izen emateko eskabidea egiten badu, era proportzionalean mantenduko zaio dagokion maila/postu funtzionalean 2002ko EEPko oposizio faseko puntuazioa, baldin 2006ko LEPn lortutakoa baino altuagoa bada, uztailaren 19ko 186/2005 Dekretua indarraldian sartzean ondorioztatuko diren salbuespenekin, dekretu horrek arautzen baititu Osakidetza Zuzenbide Pribatuko Ente Publikoko Postu Funtzionalak, eta kontuan edukirik erabaki honen eranskinean barne hartzen den maila/postu funtzionalen arteko baliokidetasunen koadroa.

            Hemeretzigarren atala. Erabakiaren iraunaldia.

            Aldaketarik gabe.

            Hogeigarren atala. Indarrean jartzea.

            Erabaki hau ondorioak izaten hasiko da onartzen duten egunaren biharamunetik aurrera.

            Vitoria-Gasteiz, 2008ko maiatzaren 29a.

            Administrazio Kontseiluko lehendakaria,

            GABRIEL M.ª INCLÁN IRIBAR.