Arreta Soziosanitarioa

Ingalaterrako Osasun eta Gizarte Zerbitzuen Sailak Integrazioari eta Berrikuntzari buruzko Liburu Zuria argitaratu du: Elkarlanean, guztientzako osasun- eta gizarte-arreta hobetzeko (Integration and innovation: working together to improve health and social care for all), Osasunari eta Gizarte Zerbitzuei buruzko lege-proiektu berri bat egiteko lege-proposamen batzuk jasotzen ditu.

Ikerketa Sozial Aurreraturako iS+D Fundazioak zaintza- eta mendekotasun-politikei buruzko zenbaki monografiko bat argitaratzen du Prisma Social aldizkarian (2021eko lehen hiruhilekoa), eta bertan Europarako eta Latinoamerikarako azterketa konparatua jasotzen da.

Aldaketa demografikoak Europan duen eraginari buruzko txosten bat argitaratu du Europako Batzordeak, Europako gizarteak zahartzearen aurrean dituen erronkei eta aukerei buruzko eztabaida politikoaren aurreko urrats gisa.

The King 's Fund-ek argitaratutako txosten batean, Erresuma Batuan gizarte- eta osasun-arreta integratzeko prozesuan lidergoari laguntzeak duen garrantzia jorratzen da, eta erabakiak hartzeko ikuspegi inklusibotik eratorritako indargune batzuk eta ekimenak hedatzeko tokiko lidergoaren esperientzia nabarmentzen dira.

The King's Fundek argitaratutako artikulu batek eskalako tresna digitalak osasun-arretan eta zainketen horniduran txertatzeari buruz hitz egiten du, COVID-19 pandemiaren eta Erresuma Batuan hartutako isolamendu- eta urruntze-neurrien ondoren laguntza-jarduerari eusteko aukera gisa.