Energia eraginkortasun eta energia berriztagarrien alorreko jarduerak: Eranskin administratibo komunak: a) I.1 eranskina. Diru laguntza jasotzeko eskabidea Administrazioarentzat (ESEak ez daude honen barruan), behar bezala beteta eta bertan azaldu behar diren dokumentuak hauexek dira: • Sinatzailearen NANaren kopia. • Alkate edo kargu hautatzeko ziurtagiriaren kopia. • IFKaren kopia. • Oinarri hauetan adierazitakoari jarraiki, diru laguntza eskatzeko orrian edo inprimakian adierazitako kontu korrontearen (24 digitu) titularra onuraduna dela egiaztatzen duen banketxearen agiria. Laguntzen programa honek eskatzen dituen baldintza guztiak betez gero, kontu horretan sartu edo ordainduko da diru laguntza. b) I.2 eranskina. Diru laguntza jasotzeko eskabidea enpresentzat bakarrik, behar bezala beteta eta bertan azaldu behar diren dokumentu hauek: • Sinatzailearen NANaren kopia. • IFKaren kopia. • Sozietatea eratzeko eskritura, arau edo aktaren kopia. • Sinatzailea ahalordetzeko eskrituraren kopia edo ordezkatzeko ahalmenaren dokumentu egiaztagarria. • Foru Ogasunean dagozkion ordainketak eginak dituela egiaztatzen duen egiaztagiri eguneratua. • Gizarte Segurantzan dagozkion ordainketak eginak dituela egiaztatzen duen egiaztagiri eguneratua. • Oinarri hauetan adierazitakoari jarraiki, diru laguntza eskatzeko orrian edo inprimakian adierazitako kontu korrontearen (24 digitu) titularra onuraduna dela egiaztatzen duen banketxearen agiria. Laguntzen programa honek eskatzen dituen baldintza guztiak betez gero, kontu horretan sartu edo ordainduko da diru laguntza. c) II. eranskina. Aurkezten duen proiektu bera egiteko, beste administrazio edo erakunde publiko edo pribatu bati eskatutako edota emandako beste diru laguntzei buruzko adierazpena. Beste diru laguntza osagarririk jaso ez bada ere, dokumentu hau aurkeztu beharko da. d) III. eranskina. Onaraduna izateko bateraezintasuna dakarren zigor edo debeku administratibo edo penalik ez izateari buruzko adierazpena. e) IV. eranskina. Enpresatzat hartzeko adierazpena, 651/2014 Araudiaren ondorioetarako, eta enpresa txikia edo ertaina bada. f) V. eranskina. Eskatzailea enpresa bat denean, erantzukizun-adierazpena: Herrialde Pobretuekiko Justizia eta Elkartasunerako Gutunaren abenduaren 28ko 14/2007 Legea beteta, enpresak ez duela helburu sozialik eta ez dela aritzen armagintzaren ekoizpen, merkaturatze eta finantzaketan ere. g) VI. eranskina. Enpresan 250 langile baino gehiago izanez gero, zinpeko adierazpena aurkeztu beharko da, enpresan emakume eta gizonen arteko Berdintasun Plana dutela egiaztatzeko 3/2007 Legearen arabera. h) 651/2014 Araudiaren menpeko enpresen kasuan, eta enpresa handiak badira, eragin sustatzailearen justifikazioa, araudi horren 6.2 artikuluaren arabera. Energia eraginkortasun alorreko jarduerak: Eranskin tekniko zehatzak: i) VII.1 eranskina. Energia eraginkortasuna. Administrazioaren dokumentazio teknikoa, eta bertan honako dokumentu hauek azaldu behar dira: • VII.1 eranskina. Behar bezala beteta. • Memoria tekniko-ekonomikoa (10 orrialde gehienez), diruz lagunduko den proiektu bakoitzeko, eta bertan hauxe adierazi beharko da: proiektuaren deskribapena eta inplementatzeko epea, instalazio edo hasiera eskemak (hala badagokio) eta kalkuluen laburpena (3 orrialde gehienez). • Proiektuaren energia-kalifikazioa eta kanpo argiteria publiko proiektuen kasuan, energia-kalifikazioaren justifikazioa. • Kanpo argiteria proiektuei dagokienez, REEAEk (Kanpo Argiteria Instalazioetan Energia Eraginkortasun Araudia den 1890/2008 Errege Dekretuak) eta bere jarraibide tekniko osagarriak diotena betetzen dela adierazpena. • Aurrekontu zehaztua, eta diru laguntzaren eskatzaileak onartua eta sinatua. Dokumentu hau zehatza izango da sail ekonomiko ezberdinei dagokienez, eta diru laguntzaren eskatzaileak sinatu beharko du, dokumentua onartzen duen froga gisa. Ez da inolako aurrekonturik onartuko, baldin eta sail ekonomiko gehituak baditu, energia instalazioaren sail ekonomiko garrantzitsuenak bereiztea galaraztea ekar dezaketenak. • Aurreikusitako energia aurrezpenaren justifikazioa (2 orrialde gehienez). • Eraikinen inguratzaile termikoaren energia birgaitzeari lotutako proiektuen kasuan. HE-1 (CTEren Energia Eskariaren Mugaketa) dokumentuan eskatzen dena betetzen dela justifikazioa. • Jarduera PAESaren barruan justifikatzeko dokumentua. Udalak baldin badu (4. oinarria edo atala), • Alkateen Ituna sinatu duela egiaztatzen duen agiria (PAES prestatzeko proiektuen kasuan). • Udal Energia Plana (UEP). • Udal Energia Plan (UEP) baten barruan dauden jarduerei jarraipena egiteko justifikazioa. j) VII.2 eranskina. Energia eraginkortasuna. Enpresen dokumentazio teknikoa, eta bertan honako dokumentu hauek azaldu behar dira: • VII.2 eranskina. Behar bezala beteta. • Memoria tekniko-ekonomikoa diruz lagunduko den proiektu bakoitzeko, eta bertan hauxe adierazi beharko da: proiektuaren deskribapena eta inplementatzeko epea, instalazio edo hasiera eskemak eta kalkuluen laburpena. • Proiektuaren energia-kalifikazioa eta kanpo argiteria publiko proiektuen kasuan, energia-kalifikazioaren justifikazioa. • Kanpo argiteria proiektuei dagokienez, 1890/2008 Errege Dekretuak eta bere jarraibide tekniko osagarriak diotena betetzen dela adierazpena. • Eraginkortasun handiko inbertsioaren gainkostua, «konbentzional» edo «estandar» baten aldean, 651/2014 Araudiaren 38., 41., 46. eta 49. artikuluen arabera. • Aurrekontu zehaztua, eta diru laguntzaren eskatzaileak onartua eta sinatua. Dokumentu hau zehatza izango da sail ekonomiko ezberdinei dagokienez, eta diru laguntzaren eskatzaileak sinatu beharko du, dokumentua onartzen duen froga gisa. Ez da inolako aurrekonturik onartuko, baldin eta sail ekonomiko gehituak baditu, energia instalazioaren sail ekonomiko garrantzitsuenak bereiztea galaraztea ekar dezaketenak. • Aurreikusitako energia aurrezpenaren justifikazioa. • Eraikinen inguratzaile termikoaren energia birgaitzeari lotutako proiektuen kasuan. HE-1 (CTEren Energia Eskariaren Mugaketa) dokumentuan eskatzen dena betetzen dela justifikazioa. Energia berriztagarrien alorreko jarduerak: Eranskin tekniko zehatzak: k) VIII. eranskina. Energia berriztagarriak. Administrazioaren zein enpresen dokumentazio teknikoa, eta bertan honako dokumentu hauek azaldu behar dira: • VIII. eranskina. Behar bezala beteta. • Memoria tekniko-ekonomikoa, diruz lagunduko den proiektu bakoitzeko, eta bertan hauxe adierazi beharko da: proiektuaren deskribapena eta inplementatzeko epea, instalazio edo hasiera eskemak eta kalkuluen laburpena. • Aurrekontu zehaztua, eta diru laguntzaren eskatzaileak onartua eta sinatua. Dokumentu hau zehatza izango da sail ekonomiko ezberdinei dagokienez, eta diru laguntzaren eskatzaileak sinatu beharko du, dokumentua onartzen duen froga gisa. Ez da inolako aurrekonturik onartuko, baldin eta sail ekonomiko gehituak baditu, energia instalazioaren sail ekonomiko garrantzitsuenak bereiztea galaraztea ekar dezaketenak. • Energia berriztagarrien erabileran oinarritzen diren energia instalazioetarako badira eskatzen den diru laguntza eskabidea, beharrezkoa bada gaur egun indarrean dagoen Eraikuntza Kode Teknikoak (CTE) xedatutakoaren arabera, dokumentazio justifikagarria aurkeztu beharko da, aipatu kodea ez zaiola aplikagarria egiaztatzeko; adibidez, CTE indarrean sartu aurreko obra lizentziaren kopia, dagokion eskrituraren kopia, argi, gas, telefono eta abarren ordainagiriaren kopia; betiere. • Energia sortzeko ekipoaren fabrikatzailearen zehaztapen teknikoak (fabrikatzaile bakoitzak ematen duen dokumentazio teknikoaren kopia). • Instalazioaren potentzia termikoa 70 kW baino handiagoa bada, proiektuaren kopia. l) IX. eranskina. Energia berriztagarriak. Instalazioa deskribatzeko fitxa teknikoa, bai administrazioarena bai enpresena. Zehaztasunez bete behar da energia berriztagarrien alorreko instalazioari lotutako diru laguntza bakoitzari dagokiona.