txoloma
iz. Zool. Kolunbidoen familiako hegaztia, 32 cm inguru luzea, usoaren antzekoa (Columba oenas). Luma gehienak gris urdinxkak izaten ditu; hego eta isats-puntetakoak, aldiz, beltzak, paparrekoak more gorrixkak eta isatsaren gainekoak eta azpikoak gris argiak. Europa guztian, iparraldeko eskualdeetan izan ezik, eta Asiako mendebalean bizi da. Landare-hazia jaten du, batez ere.
