Seien taldea
1918. urte inguruan sortu zen frantses musikagile taldea. Kideak Darius Milhaud, Francis Poulenc, Arthur Honegger, Georges Auric, Louis Durey eta Germaine Tailleferre izan ziren. Taldeak soiltasuna bilatzen zuen, eta R. Wagner-en eta R. Strauss-en germaniar erromantizismoaren eta Debussyren inpresionismoaren aurka jo zuen. Erik Satie musikagilea eta Jean Cocteau olerkigilea izan ziren eredu nagusiak, nahiz eta bakoitzak bere lanetan bere nortasuna gorde.