Ozawa, Seiji
Japoniar orkestra zuzendaria (Hoten, Mantxuria, 1935). Tokioko Toho musika eskolan egin zituen musika ikasketak, eta geroago Berlinen, H. Karajanekin. 1960. urtean Koussevitzky saria irabazi zuen. 1961-1962 eta 1964-1965 urteetan L. Bernsteinen zuzendari laguntzailea izan zen New Yorkeko orkestra filarmonikoan. Geroago, 1964-1969 urteetan, Chicagoko Ravinia Jaialdiaren zuzendaria izan zen. 1965ean Torontoko orkestra sinfonikoaren zuzendari nagusi izendatu zuten, eta 1970ean San Francisco-koa. 1973. urtean Bostongo orkestra sinfonikoaren zuzendari eta musika arduradun izendatu zuten. Ospetsuak dira Ozawaren estilo kementsua eta XIX. mendeko lan sinfonikoen interpretazio bikainak.
