malko
iz. Negar tanta. v Malko aparatua. Anat. Malkoak isurtzen dituen organo multzoa. Bi atal ditu: malko guruinak eta malko hodiak. Malkoek begia hezetzen eta garbitzen dute. v Malko guruinak. Malkoak isurtzen dituzten kanporako guruinak. Begi bakoitzak malko guruin bat du, eta guruin bakoitzak bi zati: orbitakoa (orbitaren goi–kanpo aldean) eta betazalekoa (goiko betazalaren kanpo aldean). v Malko hodia. Begiaren barne aldean malkoak jaso eta sudurrera daramatzan hodia. Begi bakoitzak malko hodi bat du. Malko zorro izena ematen zaio malko hodiaren goialdean den zaku itxurako zabalguneari.
