lasturrin
iz. Bot. Arazeoen familiako belar landare iraunkorra, zingira ertzetan hazten dena, 75 cm inguru luzea (Acorus calamus). Uretan 25 cm baino azpirago sortzen da. Sustrai sendo adartsua izaten du, eta hostoa berriz ezpata belarraren itxurako luzea, kolorez berdea eta ertz zuriak dituena. Pinaburu luze estu baten antzeko lore berde horixka izaten du. Sustraia urdaileko ondoezak sendatzeko erabiltzen da.
