handien-txikien orokorrak
Zuzen errealaren barnean definituriko D azpimultzo batean, f(x), balio errealez osaturiko funtzio bat izanik eta xo, adierazitako eremu errealaren puntu bat, funtzioaren handien orokorra izango da, baldin bere balioa, eremu errealeko beste edozein punturena baino handiagoa edo hura bezalakoa bada; hau da, f(xo) ≥ f(x) bada, x, D-ko puntua delarik. Era berean, desberdintza honen zeinua aldatuz, txikien orokorra defini daiteke. v Handien-txikien orokor estuak. xo ≠ x delarik, f(xo) > f(x) betetzen duen D azpimultzoko puntuari handien orokor estua esaten zaio. Era berean desberdintza honen zeinua aldatuz, txikien orokor estua defini daiteke. v Handien-txikien erlatiboak. f funtzioak mugatzen duen eremuko xo puntu bati handien erlatiboa deritza, baldin eta f-k puntu horretan hartzen duen balioa inguruneko puntuetan hartzen duenarena baino handiagoa bada; zehatzago esanda, xo f-ren handien erlatiboa da, f(xo) ≥ f(x) betetzen bada definizio eremuko edozein x-entzat, x eta xo-ren arteko tartea, r zenbaki erreal positibo bat baino txikiagoa bada. Desberdintasun hau estua bada, hau da f(xo) > f(x) edozein xo ≠ x delarik, handien erlatibo estua esaten zaio. Ezberdintasunen zeinuak aldatuz, txikien erlatiboaren eta txikien erlatibo estuaren definizioak ateratzen dira.
