Garay de Monglave, François Eugène
Lapurtar idazlea (Baiona, 1796 - Baiona, 1873). Zuzenbide ikasketak egin zituen. Espainian, Brasilen eta Portugalen ibili zen soldadu. Frantziara itzuli eta Diable boiteux (1823) eta Journal de l´Institut historique (1834) egunkariak sortu zituen. Azken honetan argitaratu zuen Altabiçcaren cantua (1834), Orreagako guduaren garaiko kantua izango balitz bezala aurkeztu zuena. Harik eta W. Webster-ek 1883an gezurra argitu zuen arte istilu handia sortu zuen kantu horrek. Harenak dira, halaber, Historie de l´Espagne (1825, Espainiako historia), Chants Nationaux basques (1846, Euskal kanta nazionalak), Fantaisie poétique sur l´Espagne (1853, Espainiari buruzko fantasia poetikoa), eta Les légendes des Pyrénées (1857, Pirinioetako elezaharrak) obrak.
- Garaudy, Roger
- garau-sartzaile
- garau-sartze
- garautegi
- garautu*
- Garay de Monglave, François Eugène
- Garay Vecino, Jesus
- Garay, Anton
- Garay, Blasco de
- Garay, Francisco
- Garay, Juan de
