Euskararen tresnak

Lur hiztegi entziklopedikoa

Kultura eta Hizkuntza Politika Saila

Duparc, Henri Fouques

Frantses musikagilea (Paris, 1848 - Mont-de-Marsan, 1933). César Franck musikagilearen ikaslea eta Société nationale de musique elkarteko sortzailetariko bat izan zen. Malariak jota, ezin izan zuen 1885. urteaz geroztik ezer sortu. Hasierako obra gehienak suntsitu zituen, eta haietatik hiru melodia baizik ez zituen gorde. Obra nagusiak: Laendler (1874), Leonora (1875), Soupir (Hasperena), Invitation au voyage (Bidaia gonbita), Extase (Estasia), Phydilé eta La Vie antérieur (Aurreko bizia).