Brisbane
Queensland (Australia) estatuko hiriburu eta portua, estatuaren hegoaldean, Ozeano Barearen ertzean. 1.171.300 biztanle (1986). Brisbane hiria Sydney eta Townsville herriekin loturik dago burdinbide baten bitartez. Unibertsitatea. Brisbaneko eskualdea, Australiako mendikatearen hegoaldean, garrantzi handiko nekazaritza eta artzaintza tokia da. Merkataritza eta industriagunea: petrolio eta azukre findegiak, altzairugintza, ontzigintza, mekanika eta janari industria. Australiako porturik garrantzitsuenetakoa da. v Historia. 1824. urtean sortua, 1839tik aurrera molde guztietako kolonoei zabaldu zizkien ateak Brisbane hiriak.
