Bermuda uharteak

Ozeano Atlantikoko uhartedi britainiarra, Bahama uharteen ipar-ekialdean. Antilletako uhartetzat har daitezkeen 150 koralezko uharte horietatik 20tan besterik ez da bizi jendea. Nagusiak, Main Island, 53 km² eta 54.893 biztanle dituena (% 60 beltzak eta mulatoak). Hiriburua: Hamilton (3.000 biztanle). Hizkuntza ofiziala, ingelesa.  v  Klima. Gulf Stream ur lasterraren eraginpeko klima gozoa du. Landaredia ugaria.  v  Ekonomia. Tomateak, azukre erremolatxa, kafea, bananak, tabakoa. Arrantza (otarrainak). Turismoa (528.000 bisitari 1984an).  v  Historia. Juan Bermúdez espainiarrak 1515. urte aldera aurkitu ondoren, Bermuda uharteek kolonia britainiarra osatzen dute 1612tik. 1968an autonomi estatutu berezi bat eman zioten. 1940an aireportu bat eraiki zuten bertan Estatu Batuek.

• bermiforme
• bermifugo
• bermikulita
• bermis
• bermizida
• Bermuda uharteak
• bermut
• Berna
• Berna
• berna
• Bernabe, santua