Athalie
Racineren tragedia. Racinek idatzi zuen azkena izan zen (1691). Saint-Cyr ikastetxeko neskentzat egina, Bibliako kontakizunari jarraitzen zaio. Joadek Joas Ataliaren iloba hezi du Eliazin izenaren azpian ezkutatuz. Erregina amesgaitz batek asaldaturik tenplura doa, eta han aurkitzen du Eliazin, ametsetan bere hiltzaile agertzen zena, eta atzeman nahi izango du. Joadek, ordea, levitak armatu, eta Joas koroatua aurkezten die. Levitek Atalia tenplutik egotzi eta hil egingo dute.
