abade
iz. Monasterio bateko burua. || Bizk. Apaiza. || abade(-)etxe. iz. Erretore etxea, apaizetxea. || Abadea duen monasterioa. v Historia. Monasterioko abadea monasterioko fraideek hautatzen dute, oro har, baina Eliz agintaritza gorenak onartu behar du bere kargua hartu ahal izateko. Kargu hori bizitza osorako izaten da, kargua onartu dionak kentzen ez badu; eta dimisioa ere, Eliz agintaritzak onartu arte ez da baliozkoa. Abade kargua, Sortaldeko kristauen artean sortua, San Benitok zabaldu zuen Europan. Gaur egun, antzina bezala monasterio bakoitza bere buruaren guztiz jabe eta aske izan ordez, hierarkia batean mailakaturik daude, monasterioak bezala abadeak.
