Tetsuo bound to fail (Tetsuo porrotari lotuta) da bideo-instalazio honen titulua, eta Sergio Pregok Bartzelonako Antonio Barnola galerian iaz egindako erakusketaren zati da. Hala ere, lan hau lehen aldiz 1998an erakutsi zen Bilboko Consonni fabrika zaharrean. 40 argazki--kamerak aldi berean egiten dute argazkia, eta hainbat ekintza jasotzen dituzte. Horiek guztiak bilduta, artistak bideo hau muntatu du.
Argazkietan artista beraren irudia ager-tzen da, eta airean dagoela aterata dagoenez, artista lebitatzen ari dela dirudi. Beste irudi batzuetan artista agertzen da ur koloreztatuko zorrotada bat airera botatzen den unean. Ur-zorrotada horrek instant bat irauten duten eskulturak sortzen ditu. Proiekzioan zehar, gainera, aldian- -aldian leherketak gertatzen dira.
