Aurkezpena| Kokapena | Programa | Araudia | Emaitzak | Argazkiak
Eusko Jaurlaritzaren Kirol Zuzendaritzak, Euskadiko Boleiboleko Federazioarekin lankidetzan, EUSKADIKO XXIV. ESKOLARTEKO KIROL JOKOAK antolatuko ditu, 2005ko maiatzaren 28an Vitoria-Gasteizko Soin Hezkuntzarako Euskal Erakundearen instalazioetan. Hona hemen arautegia:
1. JOKATZEKO MODUA
Liga sistema, itzuli bakarrekoa.
Mailak:
Infantilak : 1991 eta1992an jaiotako neska-mutilak.
2. EKIPOEN OSAKETA
Ekipo bakoitzak gehienez ere 12 jokalari izango ditu, lehen eta bigarren entrenatzaileez gain.
Ekipo bakoitzak bi kamiseta joko edukitzea beharrezkoa da, ez dadin gertatu bi ekipok kamiseta berdinak eramatea.
3. PARTIDUAREN IRAUPENA
Bost setetik gehien irabazten dituen ekipoa izango da irabazle. Seta irabazten du 2 puntuko aldea atereaz 25 puntu lehen lortzen dituenak. Dena den, bosgarren seta bi puntuko aldea atereaz 15 puntu lehen lortzen dituenak irabaziko du, baina ez dago gehienezko puntu mugarik.
Set bakoitzean 6 aldaketa egin daitezke gehienez, eta bi hutsarte eskatu ahal izango dira.
4. BALOIA ETA SAREAREN ALTUERA
Baloia, larruzkoa eta Mikasa VL-200 eredukoa, edo antzekoa, izango da.
Sarearen altuera hau izango da :
Nesken kasuan : 2,10 m.
Mutilen kasuan : 2,24 m.
5. SARIAK
Ondorengo sariak emango dira:
Garaikur bana lehen eta bigarren sailkatutako taldeei kategoriako.
6. AZKEN OHARRA
Arautegi honetan azaltzen ez diren kontu guztietarako, ondorengo testuak hartuko dira kontuan:
a) 14/ 1998 LEGEA, Ekainaren 11koa, Euskadiko kirolarena.
b) Eusko Jaurlaritzako Kultura Sailaren 1985eko uztailaren 2ko Agindua, Eskolarteko Euskadiko Jokoak arautzekoa.
c) Eusko Jaurlaritzako Kultura eta Turismo Sailaren 1985eko uztailaren 29ko Agindua, Eskola Kiroletako lehiaketez diziplina-arauak jartzeari buruzkoa.
d) Eusko Jaurlaritzako Kultura Sailaren 1986ko maiatzaren 20ko Agindua, Euskadiko Jokoak arautzen dituen 85.07.02-ko Agindua aldatzen duena.
e) Eskola Kirolari buruzko ekainaren 5eko 160/1990 Dekretua.
f) Abuztuaren 24ko 337/1990 Dekretua, 160/1990 Dekretua aldatzen duena.
g) Boleiboleko Euskal Federazioaren Arautegian erabakitakoa.
|
