| Txingudik berebiziko garrantzia du Ekialdeko Atlantikoko ibilbidean. Leku estrategikoa da ibilbide horren barruan, iparraldeko latitudeetatik datorren hegazti-fluxu handi bat bideratzen duen migrazio-inbutua baita. Zenbait oztopo natural daudenez, Kantauri itsasoa eta Pirinioetako mendi garaiak, esaterako, itogune moduko bat sortzen da eta, horren ondorioz, mokozabalek, kurriloek, zikoinek, uxoek, antzarek eta beste espezie migratzaile batzuek ezinbestez pasa behar dute Euskal Herriko eskualde honetatik barrena. | 
