Osasun sistemaz

OECDk txosten bat argitaratu du, eta sakon aztertzen du han zer ezaugarri behar dituen, XXI. mendean, osasunaren arloko informazio-sistema integratu batek, eta esaten du zenbateko garrantzia duten arlo hauetatik datozen datuek: gertakari akutuen arretatik, osasun publikoaren arloko esku-hartzeetatik eta gizarte-arretarekin lotutakoetatik (datu sozialak, ekonomikoak eta ingurumenekoak).

International Longevity Centre (ILC) zentroak txosten bat argitaratu du, G20ko herrialdeetan osasun-arloko prebentzio-politiken eta desberdintasunei aurre egitearen aldeko apustua lehenestearen garrantzia nabarmentzeko, biztanleriaren zahartze progresiboa bizi duen mundu honetan.

Erresuma Batuko etxebizitzak arretaren eta laguntzaren etorkizunean izango duen zereginari buruzko Batzordeak (Commission on the Role of Housing in the Future of Care and Support) ibilbide-orri bat egin du, 65 urtetik gorako biztanleentzako zainketa eta laguntzak dituzten bizitegi-aukerak aztertzeko.

Desgaitasun Fisikoa eta Organikoa duten Pertsonen Espainiako Konfederazioak (COCEMFE) 'Desgaitasun organikoaren Liburu Zuria' egin du. Liburu horrek desgaitasun organikoa duten pertsonen egoera deskribatzen du, eta kolektibo horren eskubideen aitorpena aldarrikatzen du.