| Eskuliburu honen helburu nagusia hauxe da: kasu bakoitzean bete beharreko administrazio-prozeduren eta aurkeztu beharreko dokumentazioaren berri ematea meatze-ustiategi baten sustatzaileari. Horretarako, lehen-lehenik lege-esparrua ezarriko dugu, hiru ikuspegitatik begiratuta: jardueraren beraren ikuspegitik, ingurumen-ikuspegitik eta hirigintza-ikuspegitik. Aurrerago, legez finkatutako administrazio-prozedurak azalduko ditugu modu eskematikoan, eta bukatzeko, aurkeztu beharreko dokumentu guztien edukia zehaztuko dugu. Horretaz guztiaz gain, ingurumen-dokumentuak errazago egite aldera, hainbat erreferentzia bibliografiko emango ditugu. | 
