DATUAREN BABESARI BURUZKO INFORMAZIO OSAGARRIA

1. Datuen babesari buruzko oinarrizko informazioa

2. Datuen babesari buruzko informazio osagarriak

Ematen dizkiguzun datu pertsonalak "Lurralde plangintzari, etxebizitzari eta garraioei buruzko estatistika-ikerketak eta inkestak " izeneko tratamendu-jarduerari erantsiko zaizkio.

Datuen babesari buruzko oinarrizko informazioa

Informazio gehigarria: datuak babesteari buruzko informazioa zabaldu ahal izango duzu webgune hauetan:

https://www.euskadi.eus/datu-babesa

https://www.euskadi.eus/proteccion-datos

Honako hauek betetzeko:

• Datuak Babesteko Erregelamendu Orokorra: https://www.boe.es/doue/2016/119/L00001-00088.pdf
• Datuak Babesteko eta eskubide digitalak bermatzeko Lege Organikoa: https://www.boe.es/boe/dias/2018/12/06/pdfs/BOE-A-2018-16673.pdf
• 4/1986 Legea, apirilaren 23koa, Euskal Autonomia Erkidegoko Estatistikari buruzkoa

itzuli 

Datuen babesari buruzko informazio osagarriak

1.- Zein da zure datuen tratamenduaren arduraduna?

Datuen tratamenduaren ardura duen organoa Eusko Jaurlaritzako Lurralde Plangintza, Etxebizitza eta Garraio Saileko Zerbitzu Zuzendaritza da.

Helbidea: Donostia kalea 1, PK 01010 Vitoria-Gasteiz

Telefonoa: 945 018 800

Eusko Jaurlaritzako Datuak Babesteko ordezkariaren harremanetarako datuak honako hauek dira:

Helbidea: Donostia kalea 1, 01013 Vitoria-Gasteiz

Telefonoa: 945 018 680

Posta elektronikoa: dpd-dbo@euskadi.eus

Web-orria: www.euskadi.eus/datu-babesa    

2.- Zein helbururekin tratatzen ditugu zure datu pertsonalak?

Datuak EAEko etxebizitza-premia eta -eskaria zein etxebizitzaren egoera ezagutzeko erabiltzen ditugu, ekainaren 27ko 8/2019 Legearen bidez onartutako 2019-2022 Euskal Estatistika Planaren barruan.

Ez ditugu datuen tratamendu automatizatuan soilik oinarritutako erabaki automatizatuak lantzen. Profilak ere ez ditugu egiten.

3.- Zenbat denboraz gordetzen ditugu zure datuak?

Zure datuak iraunkorki gordetzen ditugu, Euskal Autonomia Erkidegoko Estatistikari buruzko apirilaren 23ko 4/1986 Legearen 16. artikuluan aurreikusitakoaren arabera.

4.- Zein da datuak tratatzeko legitimazioa?

Tratamendua beharrezkoa da interes publikoaren izenean edo tratamenduaren arduradunari honako lege hauek emandako botere publikoen izenean egindako eginkizun bat betetzeko:

• 4/1986 Legea, apirilaren 23koa, Euskal Autonomia Erkidegoko Estatistikari buruzkoa .
• 8/2019 Legea, ekainaren 27koa, 2019-2022 Euskal Estatistika Planari buruzkoa .

Eskatzen zaizun informazioa emateko betebeharra duzu, Euskal Autonomia Erkidegoko Estatistikari buruzko apirilaren 23ko 4/1986 Legearen 10. artikuluan aurreikusitakoaren arabera. Funtsezko informazio osatugabea ematea edo ez hornitzea lege horren 24. eta 25. artikuluetan aurreikusitako arau-hauste administratibo zehagarritzat jotzen da.

5.- Zein hartzaileri jakinaraziko zaizkio zure datuak?

 Inola ere ez zaizkie datuak lagako hirugarrenei. Zure datuak Euskal Autonomia Erkidegoko Estatistikari buruzko apirilaren 23ko 4/1986 Legearen 19. artikulutik 23.era araututako sekretu estatistikoak babesten ditu.

6.- Zein dira zure eskubideak zure datuak ematen dizkiguzunean?

Interesdun orok eskubide hauek ditu:

• Sarbidea: tratamenduaren erantzulearengandik zuri buruzko datu pertsonalak tratatzen ari diren ala ez berresteko eskubidea, eta, hala badagokio, datuok eskuratzeko eskubidea. 
• Zuzenketa: zuri dagozkizun datu pertsonal zehaztugabeak zuzentzeko eskubidea, eta osatu gabeko datu pertsonalak osatzekoa, adierazpen gehigarri baten bidez barne. 
• Ezabatzea (ahazteko eskubidea): zuri dagozkiozu datu pertsonalak ezabatzeko eskubidea, inguruabar hauetakoren bat gertatzen denean:
• Edo datu pertsonalak jada ez badira beharrezkoak datu horiek biltzeko edo beste modu batera tratatzeko helburuei dagokienez;
• Edo interesdunak tratamenduaren oinarri den adostasuna kentzen badu eta tratamendua beste oinarri juridiko batean oinarritzen ez bada;
• Edo interesdunak tratamenduaren aurka egiten badu eta tratamendurako bestelako arrazoi legitimoak gailentzen ez badira;
• Edo datu pertsonalak legez kontra tratatu badira;
• Edo datu pertsonalak ezabatu egin behar dira legezko betebehar bat betetzeko;
• Edo datu pertsonalak Parlamentuaren eta Kontseiluaren 2016ko apirilaren 26ko 2016/679 (EB) Erregelamenduaren 8. artikuluko 1. paragrafoan aipatutako informazio-gizartearen zerbitzu-eskaintzarekin lotuta lortu badira.

Datu pertsonaletarako edozein esteka ezabatzeko eskubidea, horiek ezabatzeko betebeharra dagoenean.

• Muga: datu pertsonalen tratamendua mugatzeko eskubidea, honako kasu hauetan:
• Edo datu pertsonalen zehaztasuna aurkaratzen denean, arduradunak datuok zehatzak direla egiaztatzeko aukera ematen duen epe batean;
• Edo tratamendua legez kontrakoa bada eta interesdunak datu pertsonalak ezabatzearen aurka egiten badu eta, horren ordez, erabilera mugatzeko eskatzen badu;
• Edo arduradunak jada ez baditu datu pertsonalak behar tratamenduaren helburuetarako, baina interesdunak behar baditu erreklamazioak formulatzeko, egikaritzeko edo defendatzeko;
• Edo interesdunak tratamenduaren aurka egin badu, erantzulearen arrazoi legitimoak interesdunarenak baino gehiago diren egiaztatzen den bitartean.
• Eramangarritasuna: zure datu pertsonalak formatu egituratu batean jasotzeko eskubidea, erabilera komuneko eta irakurketa mekanikoko formatuan, eta beste arduradun bati helarazteko eskubidea, baldin eta tratamendua bitarteko automatizatuen bidez egiten bada.
• Tratamendu automatizatua: gainera, eskubidea duzu soilik tratamendu automatizatuan oinarritutako erabaki baten xede ez izateko, profilak egitea barne, baldin eta horrek zuregan ondorio juridikoak eragiten baditu edo antzeko eragin nabarmena badu.

Eskubide horiek erabiltzeko aukera duzu tratamenduaren arduradunaren aurrean: "datuen babesarekin lotutako eskubideak baliatzea" .

Era berean, Datuak Babesteko Euskal Bulegoan edozein erreklamazio egiteko ahalmena duzu, eta aldez aurretik Datuak Babesteko ordezkariari zuzendu ahal izango diozu erreklamazioa: https://www.euskadi.eus/web01-a2datuba/eu/contenidos/arbitraje_denuncia_reclamacion/recl_10842/eu_def/index.shtml

 itzuli 

Etxebizitzen Beharren eta Eskariaren Inkestara (EBEI) itzultzea