Dantza Garaikidearen Zirkuituaren XIII. edizioa (2017)

"NOCTURNO" CÍA. CIELO RASO

Egilea: Igor Calonge
Koreografoa: Igor Calonge
Zuzendaritza eszenikoa: Igor Calonge
Ekoizpena: Beatriz Churruca
Musika: Gabriel F.
Soinu Teknikaria: Gabriel F.
Interpreteak: Nekane Mendizabal, Gorka Gurrutxaga, Martí Güell y Leire Otamendi
Iraupena: 50’
Kontaktua: igorcalonge@yahoo.es

CURRICULUMA
Teatro de Açucar (Brasil) eta Cía. Igor Calonge (Espainia) konpainien interes artistiko, pedagogiko eta sozialen elkarketatik sortu zen Cielo Ras0 konpainia gaztea. Hizkuntza, ikerketa eta produkzioak trukatuz, sorkuntza-gune bateratua eratu zuten. Bat-egite horren emaitza Espainian eta Brasilen gauzatutako antzerki-lanak, dantza-lanak, ikastaroak eta lantegiak izan dira. Konpainiak hainbat formatutako 10 ikuskizun baino gehiago ekoiztu ditu 8 urteko lankidetzaren bidez. Taldearen bereizgarriak indar interpretatiboa eta emozionala, kalitate teknikoa eta gorputz osoaren ikerketa zorrotza dira. Oraingoan azken lana aurkeztuko digute, Nocturno.

LABURPENA
Agertokian, kutxa beltz bat, higatua. Gizon batek distantzia luzea egiten du igerian, bare-bare, lurrean pausatu gabe, argia eraldatu gabe. Hagak jaitsi ahala, metroak oihal beltz zimurtzen dituzte lurrean. Oihalok, eguneroko tentsioan, espazio mugagabearen ilusioa sortzen laguntzen dute; baina, orain, jaitsitakoan, eraitsitako belak dirudite.
Argi guztiak buruaren parean daude, eta beti ezkutuan geratzen diren haga guztiak, bata bestearen atzean jarrita, altzairuzko lokarriez estu-estu lotuta. Agertokia biluzik geratzen da, ondoren berriz ere muntatzeko. Aho ilun baten ahosabairantz igoko da gero, beste paisaia bat, bestelako espazio bat, agerian utziz.