Kosmetikoen osagai hautatuak determinatzeko kromatografia elektrozinetiko mizelarrean oinarritutako metodoen garapena eta aplikazioa
44 bisita jaso dira
Autoretza:
Josu Lopez Gazpio
Zuzendaria:
Esmeralda Millan Martin
Unibertsitatea:
Euskal Herriko Unibertsitatea
Fakultatea:
Kimika Fakultatea
Saila:
Kimika Aplikatua
Jakintza-arloa:
Kimika
Urtea:
2014
|Memoria honetan kromatografia elektrozinetiko mizelarrean (MEKC) oinarritutako hainbat metodo deskribatzen dira, zainketa pertsonalerako produktuetan eta etxeko produktuetan musketa poliziklikoak, lurrin alergenoak, kontserbagarriak eta bentzofenonaren deribatuak diren zenbait ultramore iragazki banatzeko eta kuantifikatzeko. Metodoen garapenean esperimentu-diseinua eta erantzun-gainazalen metodologia erabili ziren aldagai esperimentalak aztertzeko eta optimizatzeko. Gainera, erantzun-funtzio kromatografiko aldatua proposatu zen, eta metodoak optimizatzeko tresna erraza eta eraginkorra dela ikusi zen. Garatutako metodoen ezaugarri analitikoak ebaluatu ziren eta egokiak zirela ikusi zen. Horretarako, zenbait ezaugarri analitiko aztertu ziren baldintza optimoetan: kalibraketa zuzenak, zehaztasuna, doitasuna, detekzio eta kuatifikazio mugak. Azkenik, deskribatutako metodoak erabili ziren merkaturatutako etxeko eta zainketa pertsonalerako hainbat produktu analizatzeko; horrela, metodoak matrize desberdinetan aplikatzeko modukoak direla frogatu zen. Garatutako hiru metodoekin lortutako emaitzek eta laginen prestaketaren erraztasunak agerian jarri zuten metodologia horiek alternatiba oso interesgarriak direla instrumentazio konplexuagoa erabiltzen duten metodo tradizionalen aldean.Herein various methods for the separation and quantification of polycyclic musks, allergenic fragrances, preservatives, and benzophenone-type ultraviolet filters in personal care products and household products by micellar electrokinetic chromatography (MEKC) are described. In their development, experimental design and response surface methodology were applied for the study and optimization of the experimental variables. In addition, a modified chromatographic response function was proposed as a simple and reliable instrument to optimize such methods. The analytical characteristics of the developed methodologies were successfully evaluated carrying out the corresponding studies of the calibration lines, precision, accuracy, limits of detection and quantification in optimal conditions. Finally, the described methods were used in the analysis of several commercial products for personal care, demonstrating the applicability of the methods in different matrices. The obtained results with the three developed procedures, and the simplicity of the sample treatment showed that these methods are interesting alternatives to conventional methods that use more complex instrumentation.
