Lan eta Enplegu Sailaren 2023-2027. urterako euskararen erabilera normalizatzeko plan estrategikoa

Euskararen Plan Estrategikoaren helburuak erakundearen funtzioari, herritarrekiko harremanari eta barne‑antolaketari lotuta daude, eta honakoak dira. helburu nagusiak:

1. Herritarrei arreta euskaraz bermatzea

• Herritarrak euskaraz artatzea horrela eskatzen badute.
• Aurrez aurreko arreta, telefono bidezkoa eta bide telematikoak lehen hitzetik euskaraz eskaintzea.

2. Barne‑funtzionamenduan euskararen erabilera handitzea

• Lan‑harremanetan (bilera, posta elektronikoa, barne‑oharrak…) euskararen erabilera areagotzea.
• Euskaraz lan egiteko gai diren langileek euskaraz lan egiteko aukerak eta baldintzak izatea.

3. Langileen gaitasun linguistikoa indartzea

• Euskara ezagutza nahikorik ez duten langileentzat prestakuntza‑planak eskaintzea.
• Euskara ikasteko eta hobetzeko motibazioa eta erraztasunak sustatzea.

4. Dokumentazioa eta komunikazioa euskaraz bermatzea

• Dokumentu ofizialak, inprimakiak eta ereduak euskaraz sortu eta eguneratzea.
• Kanpo‑komunikazioan (webgunea, sare sozialak, kanpainak…) euskarak leku nagusia izatea.
• Euskarazko testuen kalitatea eta zuzentasuna zaintzea.

5. Euskara lan‑dinamikan txertatzen hastea

• Arlo edo unitate jakin batzuetan, euskararen presentzia handitzeko lehen urratsak ematea, betiere langileen gaitasuna eta testuingurua kontuan hartuta.
• Lan‑jardun jakin batzuetan (ohar laburrak, barne‑jakinarazpenak, txantiloi errazak…), euskararen erabilera sustatzen hastea
• Eguneroko lanean lagungarri izango diren hizkuntza‑irizpide erabilgarriak baliatzea.

6. Kudeaketa eta jarraipen sistema egokia ezartzea

• Urtez urteko jarraipena egitea eta hobekuntza‑neurriak proposatzea.
• Arduradun eta egitura argiak izendatzea euskararen kudeaketarako.

7. Sentsibilizazioa eta lidergo instituzionala sustatzea

• Zuzendaritzaren eta arduradunen lidergo aktiboa bultzatzea.

Euskararen aldeko jarrerak eta balioak sentsibilizazio‑ekintzen bidez indartzea.

XIII. Legegintzaldia