Eusko Jaurlaritzak René Cassin Saria 2003an sortu zuen giza eskubideen aldeko ekintza nabarmenak publikoki aitortzeko.

Sari honek René Cassini zor dio izena, 1887an Baionan jaioa eta Giza Eskubideen Aldarrikapen Unibertsalaren inspiratzaile nagusitzat hartua. Bakearen Nobel Saria jaso zuen, 1968an.

Justizia eta Giza Eskubideen Sailaren Giza Eskubideen eta Biktimen Arretaren zuzendaritzak urtero irekitzen du hautagaiak aurkezteko deialdia hilabete bateko epearekin. Ondoren, saria merezi duen pertsona edo erakundea aukeratzeko, Giza Eskubideen lotura duten ospe handiko 9 pertsonak osatutako epaimahaia eratzen da.

Justizia eta Giza Eskubideen sailak

Justizia eta Giza Eskubideen Sailak René Cassin Saria emateko ekitaldia egiten du urtero abenduaren 10ean, Giza Eskubideen Egunean. Saritutako pertsonen eta kolektiboen konpromisoa publikoki aitortzeko eta mundu osoan giza eskubideak defendatzen dituztenei mezu argia bidaltzeko aukera da.

René Cassin Saria erreferente gisa finkatu da, eta Euskadi giza eskubideen babesean, bermean eta sustapenean kokatzen du. Saritutako pertsona eta kolektiboa aintzatesteaz gain, sari honek giza eskubideen urraketei lotutako egungo eztabaidak eta erronkak ikusarazten laguntzen du.

Justizia eta Giza Eskubideen Sailarentzat, René Cassin Sariaren helburua da giza eskubideen kultura bizirik mantentzea, horiek defendatzen dutenei aitortzea eta giza duintasuna babestea lehentasuna dela nabarmentzea.

2025eko deialdia