Udal errolda, INE.

Kontu Ekonomikoak, Eustat.

Barne produktu gordina" (BPG), merkatuko prezioetan, produkzio-unitate egoiliarren produkzio-jardunaren azken emaitza da. Hiru modutan defini daiteke:

-a)BPG erakunde-sektoreen edo jarduera adarren balio erantsi gordinen batura da, zergak gehituta eta produktuentzako diru-laguntzak kenduta (jarduera adar eta sektoreei ematen ez zaizkienak).Era berean, ekonomia osoaren produkzioaren kontuko saldoaren berdina da BPG.

-b)BPG erakunde-unitate egoiliarren ondasun eta zerbitzuen azken erabileren (azken kontsumoaren gastua eta kapital-eraketa gordina) batura da, ondasun eta zerbitzuen esportazioak gehituta eta inportazioak kenduta.

-c)BPG ekonomia osoaren ustiapen-kontuko erabileren batura da (soldatapekoen ordainketak, zergak, produkzioaren eta inportazioen gaineko diru-laguntzak kenduta, ustiapen-soberakin gordina eta ekonomiaren errenta misto osoa).

Udalerriko BPGaren datuen periodikotasuna bost urtekoa da. Izan ere, disponibilitate urteak input-output tauletako (IOT) baseak eguneratzeari lotuta daude. Hau da, 0z edo 5ez bukatzen diren urteak.