Pikara Magazine: ekimen sozial eta feministako proiektua

Berritzailea da, honako arrazoiengatik

Kazetaritza-aldizkari baten barruan, beren aldarrikapenak eta praktikak zabaltzeko kanala eskaintzen die, azpiegitura behar duten kolektibo feministei eta beste gizarte-mugimendu batzuei.

Pikara Magazine kazetaritza-aldizkari bat da, ikuspegi feminista duena, ikuspegi urratzailea, kritikoa eta gozamenerakoa.

Lehengo beste proiektu batzuekin inspiratuta abiatu ziren, hala nola Andra egunkaria edo Frida aldizkaria Bilbon; hedabide kritikoak, hala nola Periódico Diagonal, eta komunikazio feministako proiektuak, hala nola Mujeres en Red eta Bitch Media-k. Bere eskola Genero-Ikuspegidun Kazetarien Sarea (RIPVG) eta bere euskal homologa Kazetarion Berdinsarea izan ziren, eta horiekin batera berretsi izan zuten genero-ikuspegia ezinbesteko tresna dela zer gertatzen ari den eta zergatik gertatzen ari den kontatzeko. Kazetarion Berdinsareko emakumeek, bere komunikazio-proiektu propioa irudikatu zutenean, eta denbora gutxian hamarnaka pertsona hartu zuten parte: kazetariak, ikasleak, feministak, blogariak, proiektuan konfiantza itsua izan zutenak. 

2010ean sortu zen, Genero-Ikuspegidun Kazetarien Euskal Sarearen eskutik, ohiko hedabideetan ikuspegi honen inguruko historien falta zegoela ikusita.

Pikara Magazine EME KOMUNIKAZIOA, KOOP irabazi asmorik gabeko kooperatibaren proiektua da. ELK. TXIKIA.

2010etik Pikara Magazine hazi egin da. Webgune bezala abiatu zena, paperezko aldizkari autoeditatua ere bada orain, eta egiten duten prestakuntza- eta aholkularitza-lan guztia ere bai, antolatzen duten kultura-jarduerak, beste komunikabide kritiko batzuekiko lankidetza iraunkorra... Komunikazio feminista egiten du gero eta formatu eta espazio gehiagotan.

Gainera, urtean paperezko lau monografiko argitaratzen ditu, eta urtero gutxienez ale berezi bat argitaratzen du: inprimatu eta banatzeko azpiegitura behar duten pertsonekin edo kolektiboekin lankidetzan egindako argitalpenak. 

Gero eta proiektu pluralagoa, inklusiboagoa eta eskuragarriagoa izateko urratsak eman ditu eta ematen jarraitzen du. Emakume zurien, paioen, heterosexualen, zisgeneroen, hirietakoen, unibertsitate-ikasketadunen, neurotipikoen eta desgaitasunik gabekoen nagusitasuna hausten duten emakume kolaboratzaileekin lan eginez. Edukiak hizkuntza gutxituetan, zeinu-hizkuntzan eta artikuluak irakurketa errazaren irizpideetara egokituz. Oraindik ere ditugun oztopoez eta bazterketez kontzientziatuz. 

Transmedia egin izan da, bideo, fotokazetaritza eta komiki gehiago txertatuz, beste proiektu feminista batzuen podcastak barne, eta generoak eta formatuak hibridatuz. 

Lankidetzan oinarritutako hedapenerako tresna gisa azpimarratzekoa da “En Comunicadas” atala, Pikara Magazinengandik hurbil dauden kolektibo feministen eta beste gizarte-mugimendu batzuen edukien argitalpenerako atala dena —nahiz eta ez dauden ados haien ikuspegi guztiekin—, haien lana errazago zabaltzeko.

Gainera, Eztabaida Feministako Fororako atal bat ere eskaintzen du. Bertan, feministen arteko elkarrizketa lasai eta konstruktiboa sustatzen da.

•  Kazetaritza-kultura zintzo eta eraldatzaile baten parte dira. Begirada kritikoa eta intersekzionala dakarte, beharrezkoa dena feminismoa joera dela esaten duten oraingo honetan. Oraindik foku mediatikotik kanpo geratzen diren errealitateei argia ematen saiatzen dira. 

•  Clickbaitera zuzenduta dauden eta kontsumo azkarreko artikuluen titularren aurrean, kazetaritza pausatua eskaintzen dute, sakona, ikuspegi berriak irekitzen dituena, eta hau, gizarte-mugimenduekin eta pentsamenduaren teoria kritikoekin harreman hurbila izateari esker. 

•  Gizarte-eraldaketarako beste eragile bat direla uste dute, gizarte-mugimenduekin batera doana, eta haientzat baliagarria izan nahi duena, beren aldarrikapenak, praktikak eta beren sistema kapitalista eta kolonialista heteropatriarkalarekiko alternatiba barreiatuz. 

•  Feminismoak ez die bakarrik hain edukiei eta begiradari eragiten, kazetaritzako errutinei dagokienez ere gidatu egiten die, zainketak eta samurtasuna erdigunean jarriz. Komunikabide hegemonikoen alternatiba dira, ez soilik argitaratzen dugunagatik, baizik eta enpresa-ereduagatik, lehiakortasunaren logikei eta egitura hierarkikoei uko egiteagatik. 

•  300.000 bisita inguru izaten dituzte hilean, eta 3.000 harpidedun baino gehiago.

•  Nazioartera zabaldu da: webgunera egindako bisiten %40 Espainiako Estatutik kanpokoak dira.