Zer da konfinamendua, eta zer berrogeialdia? Zergatik da hain garrantzitsua?

Pertsona bati edo pertsona talde bati ezarritako bereizketa eta mugimendu-murrizketa da.

Konfinamenduaren edo berrogeialdiaren helburu nagusia infekzioaren transmisioa geldiaraztea eta kontrolatzea da, kutsatzeak saihesteko eta hedapena kontrolatzeko.Une honetan bereziki garrantzitsua da, kasu guztietarako beharrezkoa eta egokia den osasun-arreta bermatu ahal izateko.

Zer alde dago berrogeialdiaren eta konfinamenduaren artean?

Konfinamendua Gobernuaren dekretuak ezartzen du herritar guztientzat. Konfinamenduaren aldian, probintziaren deskonfinamendu-fasearen arabera baimenduta dauden kasuetan irten ahal izango da etxetik.

Aldiz, COVID-19aren kasu positiboak direlako edo horrelako pertsonekin kontaktu estuan egon direlako osasun-langileek ezarritako berrogeialdian dauden pertsonak EZIN izango dira etxetik irten berrogeialdiak dirauen aldian.

http://www.euskadi.eus/etxeko-bakartzea/web01-a2korona/eu/

Zer egin behar da etxera iristean? 

• Kendu oinetakoak etxean sartzean
• Utzi poltsa, giltzak, diru-zorroa, mugikorra eta abar sarrera ondoko bazter batean (kutxa edo antzeko batean) eta desinfektatu.
• Jostailuak atera badituzu, garbitu etxean berriz sartu aurretik. Ez atera garbitzeko zaila den jostailurik
• Garbitu eskuak
• Kendu arropa eta ez astindu
• Garbitu arropa, batez ere leku itxi eta jendetsuetan egon bazara.