Protokolo hau, babesgabetasun egoera, tratu txarrak, sexu-jazarpena edo sexu-abusuak (fisikoak nahiz psikologikoak) jasaten ari diren, jasan dituzten edo jasan ditzaketen adingabeei dagokienez, hezkuntza-arloko prebentzio eta jarduketarako eta adingabe horiekin esku hartzen duten agenteen arteko lankidetzarako da. Protokoloaren helburua da zenbait jarraibide ematea profesionalki adingabeekin esku hartzen duten agenteei, era horretako egoerak antzeman ditzaten eta adingabeen integritate eta duintasun osos babestu eta defendatzeko lana azkar eta modu eraginkorrean egin dezaten. Halaber, adingabeen eta haien eskubideak babesteko esku hartzen duten erakunde guztien giza baliabideen eta materialen arteko koordinazioa erraztuko da.