Larrialdiak Kudeatzeko Legea eguneratzea, hobekuntzak sartzeko eta egokitzapenak egiteko, azken urteotan izandako eskarmentua kontuan hartuta.

Arauketak autobabeseko eskubide eta betebeharrak, betebehar horiek bete daitezen sustatzeko bitartekoak eta arriskuak areagotzen dituzten pertsona edo enpresek arrisku horiek eragindako karga publikoei egiten dizkieten ekarpenak arautuko ditu. Sartuko diren berritasunek eragina izango dute Legeko zehapen-araubidean jasotako kasuetan. Zehapen-araubidean zigorrak sartuko dira autobabeseko betebeharrak ez betetzeagatik eta asmo txarreko alarmak eragiteagatik, besteak beste.

• Larrialdiei Aurregitearen eta Babes Zibilaren arloan jarduten duten zerbitzuen, bitartekoen eta baliabideen antolakuntza- eta koordinazio-alderdiak eta alderdi operatiboak arautzea; eta meteorologia- eta klimatologia-zerbitzuekin uztartzea eta integratzea, ahal bada, Larrialdiei Aurregiteko Zuzendaritzaren, Babes Zibilaren eta Euskal Meteorologia eta Klimatologia Agentziaren bitartez.
• 1/2004 Legea aldatzea (otsailaren 25ekoa, Euskal Autonomia Erkidegoko Administrazio Orokorreko eta bere Erakunde Autonomoetako Kidegoak eta Eskalak Antolatzeko Legea), “babes zibila eta larrialdiak” eskala sortzeko.
• Agintari publikoen maila ematea larrialdietako operazioak koordinatzen dituzten larrialdiei aurregiteko eta babes zibileko langileei.
• Suhiltzaileen kidego homogeneoetako langileen prestakuntza-eskakizunak arautzea, bai eta sarbidea, prestakuntza-baldintzak, eskalak eta bestelakoak ere.
• Sariak eta aintzatespenak, babes zibilean eta larrialdiei aurregiteko arloan.
• Babes zibileko zerga bat sortzea; Euskal Autonomia Erkidegoan dauden eta babes zibileko planak aktibatzea ekar dezaketen jarduerei lotuta dauden ondare-elementuen gaineko zerga moduko bat. Horren helburua izango da babes zibilaren arloan aurregite-, prebentzio-, plangintza-, prestakuntza- eta informazio-jarduerak finantzatzea.
• Babes zibilaren eta larrialdiei aurregitearen arloan zerbitzuengatiko tasak sortzea. Bereziki, larrialdi edo istripuen ondorioz zailtasunetan dauden pertsonak erreskatatu, salbatu eta eremuak miatzeko zerbitzuengatiko tasa sortzea.

• Enpresak.
• Sektoreko profesionalak.
• Herritarrak, oro har.
• Suhiltzaileak.
• Babes zibileko boluntarioak.
• Funtzionarioak.