2022an honako jarduera hauek egiten ari dira: 
 
LABEANeko HOST figurak sendotzea

LABEANeko HOST taldeei beren egitura sendotzen laguntzea, eskualde eremuan komunitate aktiboak eta eragin komumitateak garatzea ahalbidetuko dieten tresnak emanez, LABEAN espazioen eta sortutako komunitateen inguruan modu autonomoan lan eginez.

Host Labean sareetako lana

Helburua Host Labean Sareari laguntzea da, ereduak partekatzeko, harremanetarako puntuak identifikatzeko eta lankidetza-konpromisoak ezartzeko ekintzak martxan jartzea.

Eskualdeko sareak dinamizatzea 
 
Eskualdeetako baterako sortze eta prototipatze prozesuetan aurrera egitea da helburua:

Añana: 2019ko  Open Space-ren  emaitzetatik eratorritako lan-ildoari jarraituz eta zentro komunitario adimendunaren  prototipatuaren (2021) ondorioak aplikatuz, gazteriaren gaia eta eskualdeko gizarte-bizitzan duten parte-hartze aktiboa jorratzea planteatzen da. Horretarako, “Kultura Bitartekaritzako Programa” bat jarriko da abian, eskualdeko gazteak aktibatzeko, praktika artistiko esperimentalen eta herritarren partaidetzako dinamika sortzaileen bidez.

Arabako Mendialdea: pertsona Ekintzaileen Sarearen prototipoa. Prozesua ixtea proposatzen da, urte honetan zehar lagunduz sortutako Lehiamendi Sarea, sendotzeko behar dituen tresnak emanez, barne-dinamizaziorako eta planteatutako helburuekin bat datozen jarduerak gauzatzeko, sarearen autonomia sendotuz.

Enkarterri: zahartze aktiboaren eta Silver Economy-ren inguruan ekosistema laborategi bat sortzeko prototipatze prozesua abian jartzea.