Kultura eta hitzuntza politika
Bingen Zupiria Kultura eta Hizkuntza Politikako sailburuak agerraldia egin du Eusko Legebiltzarreko Diputazio Iraunkorrean, Covid 19ak sortutako egoeraren aurrean zuzentzen duen Sailak hartutako neurriak azaltzeko
- Sailak hala eskatuta, bultzatutako laguntza-ildoak azaldu ditu, bai eta kulturaren, hizkuntza-politikaren eta kirolaren arloetako egoera arintzeko beste ekimen batzuk ere.
HABEk ekainaren 12an ekingo dio euskara mailak egiaztatzeko prozesuari, azterketak Covid-19ak eragindako krisiaren ondorioz atzeratu ostean
- Deialdi irekiaren kasuan, probak uztailaren 21era arte luzatuko dira, eta euskaltegietan konbalidatzen ez diren proba guztiak BECen egingo dira
EHAAk gaur argitaratu ditu kultura arloko profesionalentzako laguntzak, Alarma Estatuaren adierazpenaren ondorioz jarduerak bertan behera utzi behar izan dituztenei zuzendurik
- Interesdunek bihartik aurrera aurkeztu ahal izango dituzte eskabideak, 10 egun baliodunetan.
- Enplegua eta Gizarte Politiketako Sailak sustatu du, Lanbideren bitartez, Kultura eta Hizkuntza Politika Sailarekin lankidetzan, eta 2,5 milioi euroko aurrekontua izango du.
Eusko Jaurlaritzak proposatu du Euskadiko uda kulturala ekainaren 1ean hastea
¡
- Iñigo Urkullu Lehendakariak proposamen bat aurkeztu die hiru diputatu nagusiei, hiriburuetako alkateei eta Eudeli, udan kultura-ekitaldiak, jai-ekitaldiak eta bestelako jarduera soziokulturalak antolatzeko eta garatzeko irizpide zehatzak jasotzen dituena.
Eusko Jaurlaritzak kulturako profesionalentzako deialdia onartu du, helburu duena profesional horiek laguntzea beren ohiko jarduera bertan behera geratu bada Alarma Egoeraren ondorioz
- Arau orokor gisa, laguntzaren hileko zenbatekoa 2019ko dirusarrera garbien hileko batezbestekoaren % 70aren baliokide izango da; gehienez ere 1.200 euro jaso ahal izango dira hilean.
Eusko Jaurlaritzako Kultura eta Hizkuntza Politika Sailak aholkularitza pertsonalizatua eta bi gida jarri ditu kultur langile eta eragileen eskura, Covid 19aren krisiari aurre egiteko neurrien inguruko informazio eskainiz
- Eusko Jaurlaritzako Kultura eta Hizkuntza Politika Sailak kultur arloko langileei zuzendutako aholkularitza zerbitzua jarri du martxan aste honetan. Zerbitzu honen helburua da Covid 19 birusak eragindako krisiaren ondorioz abian jarritako neurriei buruzko informazio guztia helaraztea interesa eduki dezaketen guztiei. Kulturklik Pro plataformaren bitartez bideratzen da zerbitzua eta funtsezko bi tresna eskaintzen ditu: aholkularitza pertsonalizatua eta, horrekin batera, kultur sektore desberdinetako profesional eta eragileei zuzendutako bi gida.
Lanbidek eta Kultura eta Hizkuntza Politika Sailak abian jarri dute 'Kulturako profesionalei laguntzeko programa', 2,5 milioi bideratuz kultur sektoreetako langileei laguntzera
- Baldintzak betetzen dituzten kultur langileek aurreko urteko Errenta aitorpenean aitortutako diru-sarrera garbien hileko batez bestekoaren% 70 jaso ahal izango dute.
Kultura Sustatu: COVID-19 Salbuespenezko neurriak
- COVID-19ren pandemiak eragin duen gizarte-larrialdiko egoera kulturaren esparruan izaten ari den eta izango dituen ondorio dramatikoak eragiten ari da.
- Sailaren berezko eskumenen esparruan, diru-laguntzen aginduak arautzen dituzten arauak malgutzeko lanean ari gara, arau horiek egoera berrira egokituz. Kultura-sorkuntzara bideratutako laguntzen deialdi konkurrenteei eusten saiatuko gara, sortzaile eta ekoizleei laguntzeko faktore erabakigarria baitira. Haiek gabe, ezin da kultur eskaintzarik egon.
- Era berean, gogorarazi nahi dugu diru-laguntzen aginduei buruzko administrazio-izapide guztiak bitarteko elektronikoen bidez egin daitezkeela.
Eusko Jaurlaritzako Kultura eta Hizkuntza Politika Sailak sarbidea erraztuko die herritar guztiei eLiburutegia erabili ahal dezaten, Estatuko liburutegi digitalik handiena eskura jarriz
- Eskatzen duen orok pasahitza jasoko du liburutegi-zerbitzua@euskadi.eus helbide elektronikoaren bidez.
Eusko Jaurlaritzak eta Industria Ondare eta Herri Laneko Euskal Elkarteak Konsoni Lantegiko bisitak egokitzea erabaki dute, eta sare sozialen bitartez eskainiko dute informazio kualifikatua industria-ondareari buruz
- Eusko Jaurlaritzako Kultura eta Hizkuntza Politika Sailak eta Industria Ondare eta Herri Laneko Euskal Elkarteak (AVPIOP-IOHLEE) erabaki dute Konsoni Lantegira egin ohi diren bisita gidatuak egokitzea, eta informazio hori, ahal den neurrian, sare sozialen bitartez eskainiko dute. Erabaki horren arrazoiak Euskadiko Herri Babeseko Planaren aktibazioa eta martxoaren 14ko 463/2020 Errege Dekretuak deklaratu zuen larrialdi-egoera dira.
HABEk euskara-mailak egiaztatzeko deialdietarako matrikulazio-aldia atzeratzea erabaki du
- HABE-Helduen Alfabetatze eta Berreuskalduntzerako Euskal Erakundeak matrikulazio-aldia atzeratzea erabaki du erakunde autonomoak berak 2020an egin beharreko euskara-mailak egiaztatzeko deialdien kasuan, aurkako ebazpenik ematen ez den bitartean. Erabakia hartu da Euskadiko Babes Zibileko Planaren eta martxoaren 14ko 463/2020 Errege Dekretuaren ondorioz.
- Eusko Jaurlaritzak erabaki du Euskal Autonomia Erkidegoko euskaltegien aurrez aurreko jarduera etetea
Eusko Jaurlaritzak gaur erabaki du Euskal Autonomia Erkidegoko euskaltegi publiko zein pribatuetako aurrez aurreko jarduera etetea, COVID-19aren kutsatzeak eta hedapena saihesteko asmoz. Beraz, erabaki berririk hartu bitartean, etenda geldituko da euskaltegietako aurrez aurreko ikas-jardun oro.
Azken aldaketako data:
