Euskal Sektore Publikoan euskararen erabilera normalizatzeko planak

Euskal Sektore Publikoko erakundeek euskararen erabilera normalizatzeko planen berri ematea Eusko Jaurlaritzako Hizkuntza Politikarako Sailburuordetzari plangintzaldiko lehenengo urtean.

Nori dago zuzenduta? Euskal Sektore Publikoko erakunde guztiei:

·         EAEko sektore publikoa

·         Foru-sektore publikoa

·         Toki-sektore publikoa

Izan ere, 11/2022 LEGEAk, Euskal Enplegu Publikoarenak, honako hau dio 187. artikuluan:

1.– Euskara eta gaztelania dira euskal administrazio publikoetako hizkuntza ofizialak eta administrazio horiek bermatu beharko dute bi hizkuntzok erabiltzea beren barneko zein kanpoko harremanetan.

2.– Euskal administrazio publikoek saiatu behar dute beren zerbitzuko langileek hizkuntza-gaikuntza egokia izan dezaten eta euskara erabil dezaten euren jarduera-eremuan, eta, horretarako, beharrezkoak diren neurriak hartuko dituzte.

3.– Horretarako, euskal administrazio publikoek eta haien mendeko instituzio eta organismoek, Eusko Jaurlaritzak berariaz ezarritako irizpideei jarraituz, hizkuntza-plangintzarako tresnak onartuko dituzte, bakoitzak berea, eta bertan finkatuko dituzte plangintzaldi bakoitzerako lortu nahi diren helburuak, hartu behar diren neurriak eta jarri behar diren bideak.

19/2024 DEKRETUKO 17.8 artikuluaren arabera, Eusko Jaurlaritzan hizkuntza-politikaren eskumena duen sailak entitate bakoitzaren plan estrategikoari buruzko aginduzko txostena egingo du, plana onartu aurretik. Txostena bi hilabeteko epean emango da, baina ez da loteslea izango. Epe hori igaro eta txostena bidali ez bada, entitateak izapideekin jarraitu ahal izango du.