Arriskuen ebaluazioa funtsezko tresnetako bat da laneko arriskuen prebentziorako plana sektore guztietan kudeatzeko eta aplikatzeko, eraikuntzakoa barne. Enpresaburuak langileen segurtasunerako eta osasunerako arriskuen hasierako ebaluazioa egin beharko du, kontuan hartuta, oro har, jardueraren izaera, dauden lanpostuen ezaugarriak eta horiek bete behar dituzten langileen ezaugarriak. Ebaluazio bera egin beharko da lan-ekipamenduak, substantzia edo prestakin kimikoak eta lantokiak egokitzean.