Jarduera berritzaileentzako finantzaketa publikoa Euskal AEko establezimendu berritzaileetan, lurralde historiko eta enplegu-geruzaren arabera finantzaketa-jatorriari jarraiki (%).

Berrikuntzaren inkestak, beste aldagai batzuen artean, enpresa berritzaileen ehunekoa kontabilizatzen du, bai eta jarduera berritzaileetan egindako gastuaren zenbatekoa eta jardueren arteko banaketa, haren finantzaketa publikoa eta jarduera berritzaileak egiteko lankidetza ere. 2018. urtetiki dagokion Berrikuntzaren inkesta 2018ko Osloko Eskuliburuaren bertsio berriarekin egin da, eta horrek ekarri du seriea hautsi egin dela metodologia-aldaketaren ondorioz. Horregatik, 2018tik aurrera argitaratutako datuak ezin dira alderatu aurreko urteetan argitaratutakoekin.Aurten, 2023an, berreskuratu egin da eskualdeen hedapen geografikoa (2018-2021), eta zenbatespenak egiteko eremu txikietako ereduak erabili dira. Establezimendu berritzaileen ehunekoen kasuan, berrikuntza moten arabera, unitate mailako erregresio logistikoko eredu bat da, edozein azpidomeinutarako edo aldagaien gurutzaketarako zenbatespenak ematea ahalbidetzen duena. Berrikuntzako gastuaren kasuan, arlo-mailako eredu bat erabiltzen da, informazio osagarriarekin.