Baldintza nagusiak

• Onartuta egotea Zientzia, Teknologia eta Berrikuntzaren Euskal Sareko eragile moduan, indarreko araudiaren arabera eta finantzaketa-lerro hau onetsi aurretik.
• Foru-ogasunekiko eta Gizarte Segurantzarekiko zerga-betebeharrak egunean izatea.
• Onuradun izango den pertsona fisiko edo juridiko pribatua ez izatea “krisian dagoen enpresa”.
• Ez izatea inolako zigor penalik ez administrazio-zigorrik, diru-laguntzak edo laguntza publikoak jasotzea eragozten duenik.
• Ez izatea konkurtso-deklaraziorik edo halako eskaririk, eta ez izatea kaudimengabea ezein prozeduratan.
• Egoitza fiskala paradisu fiskaltzat hartutako lurralde edo herrialde batean ez izatea.
• Ez egotea taldeko kaudimengabezia-prozedura batean, edo ez betetzea taldeko kaudimengabezia-prozedura batean egoteko baldintzak, bere hartzekodunek eskatuta.

Kostu finantzakorrak

Eskatzailearen ohiko jardueraren ziozko kapital zirkulatzailearen likidezia- eta finantzaketa-beharrizanak.

Maileguaren baldintzak

• Tresna: mailegua.
• Zenbatekoa: lerroaren zenbatekoa gehienez 10 milioi eurokoa izango da, eta onartutako maileguaren zenbatekoa zehazteko kontuan hartuko dira egindako eskaria, eskaria betetzeko gaitasuna, eta lerro honetarako eskuragarri dauden baliabide ekonomikoak.
• Ordainketa: eragiketa bakoitzean zehaztu beharreko hainbet ongarritan.
• Epea: 2 urte.
• Interes-mota: 12 hilabeterako euriborra gehi % 1,25 (gutxienez % 1,25).
• Komisioak: finantzaketaren arabera zehazteke.
• Bermeak: Hala egokituz gero erabakitzen diren kontrabermeen barruan, Euskal Autonomia Erkidegoko Administrazio Orokorrak emandako laguntzen kobrantza-eskubideak sartu ahal izango dira.

Hemen aurki ditzakezue eskabide-orria eta erantzukizunpeko adierazpenaren idazkia, eskabidearekin batera bidali beharrekoa, gainerako dokumentazioarekin batera.

Europako Inbertsio Bankuak (EIB) linea hau finantzatzen laguntzen du, EIBk IVF-ri ETE eta MIDCAPetarako emandako maileguaren bidez.

EIB Europar Batasuneko finantza-erakundea da, 1958an Erromako Itunak sortua, eta haren bazkideak EBko estatu kideak dira. Estatu kideen integrazio ekonomikoa eta gizarte-kohesioa bultzatuko duten inbertsioak finantzatzea du xede.

EIBtik datorren finantzaketak kreditu-iturri alternatiboen aldean baldintza hobeagoak ditu. Horrek aukera ematen dio IVF-ri onura bat emateko kostuari eta epeari dagokienez EIBk inbertsioaren xedeari, ekoizpen-sektore motari, enpresaren tamainari, proiektuaren kostuari eta finantzaketa-epeari buruz ezartzen dituen hautagarritasun-irizpideak betetzen dituzten proiektuen finantzaketari.