Dantza Garaikidearen Zirkuituaren XIV. edizioa (2018)

"LUZ" LASALA

Koreografoa: Judith Argomaniz
Dramagintza: Judith Argomaniz, Rubén Albelda y Jaiotz Osa
Argiztapen Diseinua: Álvaro Estrada
Argi Teknikaria: Aitor Azkuna
Jantzien Diseinua: Xabier Mujika
Antzezleak: Rubén Albelda, Carla Diego, Garazi Etxaburu, Sergio Moya, Jaiotz Osa, Paula Parra, Rafke Van Houplines
Kontaktua: info@emiliayague.com

CURRICULUMA
Bartzelonako Institut del Teatren eta Madrilgo Maria de Avila Goi Mailako Dantza Kontserbatorioan egin zituen ikasketak Judith Argomanizek. Azken horretan lizentziatu zen, kalifikaziorik handiena eta aparteko saria lortuta. 2017an, Gipuzkoako Dantza Irakasleen Elkartearen errebelazio-saria jaso zuen, “koreografiaren eta interpretazioaren munduan duen potentzialagatik eta etorkizun oparoagatik”.
Ballet Biarritz Junior eta Amaury Dance Company konpainietan parte hartu du, eta Nacho Duatoren, La Macanaren eta Shlomi Bitton-en obrak interpretatu ditu.
2013. urtean, dantzatik eta fotografiatik zetozen artistez osatutako LASALA konpainia sortu zuen. Konpainiak etengabeko ikerketa egiten du hizkuntza fisikoa eta egungo estetika sortzeko, taldearen kezkak islatzeko asmoarekin.
2013an sortu zenetik, bertoko eta nazioarteko hainbat jaialditara gonbidatu dute. Honako hauek dira berak sortutako lanetako batzuk: Hooked (2013), Hooked (still) (2014), Lauesku (2014), Lauesku 22 (2015), Trip y Now (2016) eta Microclimate (2017).
Now lanak publikoaren saria lortu du Huescako Nazioarteko Antzerki eta Dantza Jaialdian, Dantza-ikuskizunik Onenaren Saria hain zuzen. Horrez gain, Espainiako Antzoki Sarearen Ballet, Dantza eta Mugimenduaren Arte Batzordeak gomendatu du lan hori.
Hooked lanak —Hooked (still) obraren laburpena—, berriz, lehen saria eta publikoaren saria eskuratu ditu Frantziako Sens hiriko Les Synodales - Concours Chorégraphique Contemporain Jeunes Compagnies lehiaketan. Horrez gain, lehen saria eskuratu du Alcobendas Hiriko IX. Dantzaren eta Arte Eszenikoen Nazioarteko Lehiaketan, beste sari batzuen artean.