CURRICULUMA Pantxika Telleria Donibane Lohizunen jaio zen eta euskal dantzen jatorria izan du aztergai hasieratik. Jazz modernoaren mundua ezagutu zuen lehenengo, eta dantza klasikoarena ondoren. Denborak aurrera egin ahala, koreografia hartu zuen helburu nagusi, eta bide horretan Elirale konpainia sortu zuen 2001ean.
LABURPENA Kadira hitzak aulkia edo katadera erran nahi du Lapurdin. Claude Boujon idazlearen “Kadira urdina” izeneko haurrentzako liburuaren gainean oinarriturik, Elirale konpainiako Pantxika Telleria koreografoa iturrira jiten da berriz eta ber idazten du beste gisara 2005an publiko gaztearentzako sortu zuen bere lehen pieza koregrafikoa. Pieza fin eta kilikagarri hau bi dantzarisek eramaiten dute orain. Dantza garaikidearen hizkuntza goxoak haurren irudimen bereziarekin bat egiten du.
