Gobernantza eta Berrikuntza Publikoko Plan Estrategikoaren (GOBEPE 2020) helburu estrategikoetako bat da Euskal Autonomia Erkidegoko Administrazio Orokorrak eta haren erakunde autonomoek eskaintzen duten administrazio elektronikoarekiko herritarren eta enpresen gogobetetasuna hobetzea.

Eusko Jaurlaritzaren zerbitzu elektronikoak hobetzeari begira, beharrezkoa da Jaurlaritzaren eta herritarren artean ezarritako harreman digitalaren egoera eta sakontasuna neurtzea; harreman digital hori, egoitza elektronikoaren eta sailetako eta erakunde autonomoetako gainerako atari espezifikoen bidez egiten delarik.

Helburu horrekin egin du Eusko Jaurlaritzak inkesta bikoitz hau, bat herritarrentzat (pertsona fisikoak) eta bestea enpresa edo establezimendu ekonomikoentzat (pertsona juridikoak), zeinen emaitzak hemen argitaratzen diren txostenetan aurkezten baitira. Horietan,

• Aztertzen da zein neurritan lortu duten kanal elektronikoek kuota egungo kanal tradizionalekin batera, hala nola aurrez aurrekoarekin edo telefono bidezkoarekin batera, zein neurritan erabiltzen diren, zein sakontasun-mailatan eta zein helbururekin.
• Era berean, herritarrek eta enpresek beren interakzio elektronikoan dituzten arazoak identifikatzen dira, bai eta horiek konpontzeko proposatutako bitartekoak zein neurritan erabiltzen diren ere, kanala bertan behera uzteko edo irtenbide propioak bilatzeko aukeren aurrean.
• Gogobetetze orokorra eta proposamenaren alderdi espezifikoei dagokiena ere neurtzen da, erabiltzaileen helburuen arabera.
• Azkenik, emaitzen txostenetan ere testuinguruan kokatzen dira lortutako datuak, Ikerketa Soziologikoen Zentroak (CIS) azken urteetan landutako datu-serieak erabiliz.

Fitxeroen deskribapenak eta fitxa teknikoak: